ಮಾಧ್ಯಮದವರೇ ದಯಮಾಡಿ ಕೊರೊನಾ ಬಗ್ಗೆ ಜನರಿಗೆ ತಿಳಿಹೇಳಿ. ಯಾರಾದ್ರು ಶೇಕ್ ಹ್ಯಾಂಡ್ ಮಾಡೋಕೆ ಬಂದ್ರೂ ಕೂಡ ಬೇಡ ಅನ್ನುವ ಪರಿಸ್ಥಿತಿ ಎದುರಾಗಿದೆ. ಕೊರೊನಾ ಅಂದ್ರೆ ಭಯ ಶುರುವಾಗಿದೆ ಎಂದು ನಟ, ನಿರ್ದೇಶಕ ದುನಿಯಾ ವಿಜಯ್ ಹೇಳಿದ್ದಾರೆ.
ಸಲಗ ಶೂಟಿಂಗ್ ಮುಗಿಸಿದ ಮೇಲೆ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ವಿಜಯ್, ಸಿನಿಮಾ ಮಾತ್ರ ಅಲ್ಲ ಎಲ್ಲಾ ಬ್ಯುಸಿನೆಸ್ ಡಲ್ ಆಗಿದೆ. ಜನರು ಕೊರೊನಾ ವೈರಸ್ಗೆ ಹೆದರಿದ್ದಾರೆ. ಜನರಿಂದ ಈ ಭಯ ಹೊಗುವಂತೆ ಮಾಧ್ಯಮಗಳು ಹೇಳಬೇಕು.
ಮಾಧ್ಯಮದವರೇ ಕೊರೊನಾ ಬಗ್ಗೆ ತಿಳಿಹೇಳಿ: ನಟ ದುನಿಯಾ ವಿಜಯ್
ಈ ಕೊರೊನಾದಿಂದ ಒಬ್ಬರನ್ನೊಬ್ಬರು ನೋಡುವುದಕ್ಕೆ ಹೆದರುತ್ತಿದ್ದಾರೆ. ಸದ್ಯ ಜನ ಹೊರ ಬರೋಕೂ ಹೆದರುತ್ತಿದ್ದಾರೆ ಎಂದರು.
ಕೊರೊನಾ ಭೀತಿಯಿಂದ ಪ್ರೇಕ್ಷಕರು ಚಿತ್ರಮಂದಿರಗಳ ಕಡೆ ಬರಲು ಹಿಂದೇಟು ಹಾಕುತ್ತಿದ್ದಾರೆ. ಹಾಗಾಗಿ ಪರಿಸ್ಥಿತಿಯನ್ನು ಗಮನಿಸಿ ಚಿತ್ರವನ್ನು ಯಾವಾಗ ರಿಲೀಸ್ ಮಾಡಬೇಕು ಎಂಬುದನ್ನು ನಿರ್ಮಾಪಕ ಕೆ.ಪಿ.ಶ್ರೀಕಾಂತ್ ನಿರ್ಧರಿಸುತ್ತಾರೆ ಎಂದು ತಿಳಿಸಿದ್ರು.
