ಅರ್ಜುನ್ ರೆಡ್ಡಿ, ಗೀತ ಗೋವಿಂದಂ, ಡಿಯರ್ ಕಾಮ್ರೇಡ್ ಸಿನಿಮಾಗಲ್ಲಿ ಮಿಂಚಿರುವ ವಿಜಯ್ ದೇವರಕೊಂಡ ಹ್ಯಾಂಡ್ಸಮ್ ಲುಕ್ ಹಾಗೂ ನಟನೆಗೆ ಕೇವಲ ತೆಲುಗು ಭಾಷಿಗರಲ್ಲದೆ ದಕ್ಷಿಣ ಭಾರತದ ಹಲವರು ಫಿದಾ ಆಗಿದ್ದಾರೆ.
ಇದೀಗ ವಿಜಯ್ ದೇವರಕೊಂಡ, ಪುರಿ ಜಗನ್ನಾಥ್ ನಿರ್ದೇಶನದ 'ಫೈಟರ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದು ಹಳೆ ಸುದ್ದಿ. ಆದ್ರೆ ಫೈಟರ್ ಸಿನಿಮಾವನ್ನು ಪ್ಯಾನ್ ಇಂಡಿಯಾ ಚಿತ್ರವನ್ನಾಗಿಸಬೇಕು ಎಂಬ ಮಾತುಕತೆಗಳು ಚಿತ್ರತಂಡದಿಂದ ನಡೆಯುತ್ತಿವೆ. ಅಲ್ಲದೆ ಈ ಸಿನಿಮಾ ಮೂಲಕ ವಿಜಯ್ ದೇವರಕೊಂಡ ಬಾಲಿವುಡ್ಗೂ ಎಂಟ್ರಿ ಕೊಡುತ್ತಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಇದಕ್ಕೆ ಕಾರಣ ಫೈಟರ್ ನಿರ್ಮಾಪಕ ಚಾರ್ಮಿ ಮತ್ತು ಬಾಲಿವುಡ್ ಖ್ಯಾತ ನಿರ್ಮಾಪಕ ಕರಣ್ ಜೋಹರ್ ನಡುವೆ ನಡೆದಿರುವ ಮಾತುಕತೆ. ಈ ಚಿತ್ರದ ಶೂಟಿಂಗ್ ಜನವರಿಯಿಂದ ಪ್ರಾರಂಭವಾಗುವ ಸಾಧ್ಯತೆಗಳಿವೆ.
ಇನ್ನು ಫೈಟರ್ ಚಿತ್ರವನ್ನು ಪ್ಯಾನ್ ಇಂಡಿಯಾ ಸಿನಿಮಾವನ್ನಾಗಿ ಮಾಡಲು ಹೊರಟಿರುವ ಚಿತ್ರತಂಡ ಕನ್ನಡ, ಹಿಂದಿ, ತೆಲುಗು, ತಮಿಳು ಭಾಷೆಗಳಲ್ಲೂ ತೆರೆಗೆ ತರಬೇಕೆಂಬ ಪ್ಲಾನ್ ನಡೆಸಿದೆ.
ಇನ್ನೊಂದು ಸುದ್ದಿ ಈಗಾಗಲೇ ಹರಿದಾಡುತ್ತಿದ್ದು, ಈ ಸಿನಿಮಾಕ್ಕೆ ನಾಯಕಿಯರ ಹುಟುಕಾಟವೂ ನಡೆಯುತ್ತಿದೆಯಂತೆ. ವಿಜಯ್ ಆ್ಯಕ್ಟಿಂಗ್ ಮತ್ತು ಫೇಮಸ್ ಆಗಿರುವುದನ್ನು ಕಂಡು ಬಾಲಿವುಡ್ ನಟಿಯರೂ ಕೂಡ ವಿಜಯ್ ಜೊತೆ ನಟಿಸಲು ಮುಂದಾಗಿದ್ದಾರಂತೆ. ಈ ಹಿಂದೆ ದಿವಂಗತ ನಟಿ ಶ್ರೀದೇವಿ ಪುತ್ರಿ ಜಾನ್ಹವಿ ಕಪೂರ್ ಮತ್ತು ಕಿಯಾರ ಅಡ್ವಾಣಿ ಜೊತೆ ಮಾತುಕತೆ ನಡೆಸಲಾಗಿತ್ತು ಎನ್ನಲಾಗಿದೆ.
