ಉಡುಂಬ ಸ್ಯಾಂಡಲ್ ವುಡ್ ನಲ್ಲಿ ಸಾಕಷ್ಟು ವಿಷಯಗಳಿಗೆ ಸೌಂಡ್ ಮಾಡ್ತಿರೋ ಸಿನಿಮಾ. ಗೂಳಿಹಟ್ಟಿ ಸಿನಿಮಾ ನಂತ್ರ ಈ ಸಿನಿಮಾದಲ್ಲಿ ನಟ ಪವನ್ ಸೂರ್ಯ ನಟಿಸುತ್ತಿದ್ದಾರೆ. ತಮಿಳು ಇವರು ನಟ ಧನುಷ್ ತರ ಡೈಲಾಗ್ ಹೊಡೆಯುವ ಮೂಲಕ ಕೆಲ ದಿನಗಳ ಹಿಂದೆ ಸುದ್ದಿಯಲ್ಲಿದ್ದರು. ಇದೀಗ ಉಡುಂಬ ಸಿನಿಮಾ ಮತ್ತೊಮ್ಮೆ ಸುದ್ದಿಯಾಗಿದೆ.
ಈ ವಾರ ತೆರೆಗೆ ಬರೋದಿಕ್ಕೆ ರೆಡಿಯಾಗಿರೋ ಈ ಚಿತ್ರ, ಡಾ ರಾಜ್ ಕುಮಾರ್ ನಟನೆಯ 'ಒಂದು ಮುತ್ತಿನ ಕಥೆ' ಸಿನಿಮಾದಿಂದ ಸ್ಪೂರ್ತಿ ಪಡೆದಿದೆಯಂತೆ. ಈ ಚಿತ್ರದ ಬಗ್ಗೆ ಮಾತನಾಡೋದಿಕ್ಕೆ ನಟ ಪವನ್ ಸೂರ್ಯ, ನಟಿ ಚಿರಶ್ರೀ, ನಿರ್ದೇಶಕ ಶಿವರಾಜ್ ಹಾಗೂ ನಿರ್ಮಾಪಕರಾದ ಹನುಮಂತ ರಾವ್ ಮತ್ತು ವೆಂಕಟ್ ರೆಡ್ಡಿ ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಅಣ್ಣಾವ್ರು ನಟಿಸಿರೋ ಒಂದು ಮುತ್ತಿನ ಕಥೆ ನಮಗೆ ಸ್ಫೂರ್ತಿ ಅಂತಾ ಹೇಳಿಕೊಂಡಿದ್ದಾರೆ. ಈ ಚಿತ್ರ ಸಮುದ್ರ ಹಾಗೂ ಮೀನುಗಾರರ ಸುತ್ತೆ ಹಣೆದಿರೋ ಕಥೆಯಂತೆ. ಬೆಸ್ತರ ಹುಡುಗರು ಬಹಳ ಕಟ್ಟು ಮಸ್ತಾಗಿರುತ್ತಾರೆ. ಹಾಗಾಗಿ ಸಹಜವಾಗಿ ಮೂಡಿ ಬರಲಿ ಎಂದು ಪವನ್ ಕೂಡಾ ಸಿಕ್ಸ್‌ ಪ್ಯಾಕ್‌ ಬೆಳೆಸಿದ್ದಾರೆ. ಇದರ ಜತೆಯಲ್ಲಿ ಕ್ಯೂಟ್‌ ಲವ್‌ ಸ್ಟೋರಿ ಕೂಡ ಇದೆ.
ಇನ್ನು ಬೇಡಿಕೆ ಖಳ ನಟನಾಗಿರೋ ಶರತ್ ಲೋಹಿತಾಶ್ವ ವಿಲನ್ ಆಗಿ ಆಕ್ಟ್ ಮಾಡಿದ್ದಾರೆ. ತುಳು ಚಿತ್ರದಲ್ಲಿ ನಟಿಸಿದ್ದ ಚಿರಶ್ರೀ ಪವನ್ ಸೂರ್ಯ ಜೊತೆ ರೊಮ್ಯಾನ್ಸ್ ಮಾಡಿದ್ದಾರೆ.ಇನ್ನು ಬಿಗ್ ಬಾಸ್ ಸಂಜನಾ ಈ ಚಿತ್ರದಲ್ಲಿ ಐಟಂ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ.
ಚಿತ್ರದಲ್ಲಿ ವಿನೀತ್‌ ರಾಜ್ ಸಂಗೀತ ಸಂಯೋಜನೆಯಲ್ಲಿ 5 ಹಾಡುಗಳಿವೆ. ತೆಲುಗು ನಿರ್ಮಾಪಕರಾದ ಹನುಮಂತ ರಾವ್ ಹಾಗೂ ವೆಂಕಟ್ ರೆಡ್ಡಿ ಈ ಸಿನಿಮಾವನ್ನ ಒಂದು ಕೋಟಿ ಬಜೆಟ್ ನಲ್ಲಿ ನಿರ್ಮಾಣ ಮಾಡಿದ್ದಾರೆ. ಕರಾವಳಿ ತೀರದ ಮೀನುಗಾರರ ಕಥೆ ಹೊಂದಿರುವ ಉಡುಂಬ ಸಿನಿಮಾ ಇದೇ 23ಕ್ಕೆ ರಾಜ್ಯಾದ್ಯಂತ ತೆರೆ ಕಾಣಲಿದೆ.
