ಸ್ಯಾಂಡಲ್​ವುಡ್​ನಲ್ಲಿ ಈ ವಾರ ಒಂಟಿ, ದೇವಕಿ ಬಿಡುಗಡೆ

ಈ ಶುಕ್ರವಾರ ಎರಡು ಕನ್ನಡ ಸಿನಿಮಾಗಳು ಬಿಡುಗಡೆಯಾಗುತ್ತಿವೆ. ಪ್ರಿಯಾಂಕ ಉಪೇಂದ್ರ ಅಭಿನಯದ 'ದೇವಕಿ' ಹಾಗೂ ಮೇಘನಾ ರಾಜ್ ನಟಿಸಿರುವ 'ಒಂಟಿ' ಸಿನಿಮಾಗಳು ಈ ವಾರ ತೆರೆ ಕಾಣುತ್ತಿವೆ.

ದೇವಕಿ

ತಾಯಿವೋರ್ವಳು ಕಳೆದುಹೋದ ತನ್ನ ಮಗಳಿಗಾಗಿ ಒಂಟಿಯಾಗಿ ಹೇಗೆ ಹೋರಾಡುತ್ತಾಳೆ ಎಂಬ ಕಥೆ ಹೊಂದಿರುವ ‘ದೇವಕಿ’ ಸಿನಿಮಾ ಈ ವಾರ ತೆರೆಗೆ ಬರುತ್ತಿದೆ. ಚಿತ್ರದಲ್ಲಿ ಪ್ರಿಯಾಂಕ ಉಪೇಂದ್ರ ತಾಯಿಯಾಗಿ ನಟಿಸಿದ್ದರೆ, ಪುತ್ರಿ ಐಶ್ವರ್ಯ ಮಗಳಾಗಿ ನಟಿಸಿದ್ದಾರೆ. ಇದು ಐಶ್ವರ್ಯ ಅಭಿನಯದ ಮೊದಲ ಸಿನಿಮಾ. ಸೆಲಬ್ರಿಟಿಗಳಿಗಾಗಿ ಬುಧವಾರ ನಗರದಲ್ಲಿ ‘ದೇವಕಿ’ ಚಿತ್ರದ ಪ್ರೀಮಿಯರ್ ಶೋ ಏರ್ಪಡಿಸಲಾಗಿತ್ತು.

ಪ್ರಿಯಾಂಕ ಉಪೇಂದ್ರ

ಆರ್​​​ಸಿಜಿ ಸಿನಿಮಾಸ್ ಬ್ಯಾನರ್ ಅಡಿ ರವೀಶ್ ಹಾಗೂ ಅಕ್ಷಯ್ ಈ ಸಿನಿಮಾವನ್ನು ನಿರ್ಮಿಸಿದ್ದಾರೆ. ಪ್ರಿಯಾಂಕ ನಟಿಸಿರುವ ‘ಮಮ್ಮಿ ಸೇವ್ ಮಿ‘ ಸಿನಿಮಾ ನಿರ್ದೇಶಿಸಿದ್ದ ಲೋಹಿತ್ ಅವರೇ ‘ದೇವಕಿ‘ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಚಿತ್ರಕ್ಕೆ ಹೆಚ್​​​​​​.ಸಿ. ವೇಣು ಛಾಯಾಗ್ರಹಣವಿದ್ದು, ರವಿಚಂದ್ರನ್ ಸಂಕಲನವಿದೆ. ಗುರುಪ್ರಸಾದ್ ಚಿತ್ರಕ್ಕೆ ಸಂಭಾಷಣೆ ಬರೆದಿದ್ದಾರೆ. ಶಿವಕುಮಾರ್ ಕಲಾ ನಿರ್ದೇಶನವಿರುವ ಸಿನಿಮಾದಲ್ಲಿ ಕಿಶೋರ್, ಸಂಜೀವ್ ಜೈಸ್ವಾಲ್ ಹಾಗೂ ಇನ್ನಿತರರು ನಟಿಸಿದ್ದಾರೆ.

'ದೇವಕಿ' ಚಿತ್ರದಲ್ಲಿ ಐಶ್ವರ್ಯ

ಒಂಟಿ

‘ಒಂಟಿ ಒಂಟಿಯಾಗಿರುವುದು ಬೋರೋ ಬೋರು‘ ಇದು ಕನ್ನಡ ಸಿನಿಮಾ ಒಂದರ ಜನಪ್ರಿಯ ಗೀತೆ. ಈಗ ಅದೇ ಹೆಸರಿನಲ್ಲಿ ಸಿನಿಮಾ ತಯಾರಾಗಿದೆ. ಆರ್ಯ ಹಾಗೂ ಮೇಘನಾ ರಾಜ್​​ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ನಾಯಕ ‘ಒಂಟಿ‘ ಯಾಗಿ ಹೋರಾಡುತ್ತಾನೆ. ಶ್ರೀ ಈ ಸಿನಿಮಾವನ್ನು ನಿದೇಶಿಸಿದ್ದಾರೆ. ಇದಕ್ಕೂ ಮುನ್ನ ಶ್ರೀ ಹಾಗೂ ನಾಯಕ ಆರ್ಯ‘ಈ ಸಂಜೆ‘ ಸಿನಿಮಾದಲ್ಲಿ ಜೊತೆಯಾಗಿದ್ದರು.

'ಒಂಟಿ' ಸಿನಿಮಾ

ಸಾಯಿರಾಂ ಕ್ರಿಯೇಶನ್ಸ್ ಬ್ಯಾನರ್ ಅಡಿ ಆರ್ಯ ಅವರೇ ಸಿನಿಮಾವನ್ನು ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಕೆ. ಶಶಿಧರ್ ಛಾಯಾಗ್ರಹಣವಿದೆ. ಕೆ. ಕಲ್ಯಾಣ್ ಹಾಗೂ ನಾಗೇಂದ್ರ ಪ್ರಸಾದ್ ಬರೆದಿರುವ ಹಾಡುಗಳಿಗೆ ಮನೋಜ್. ಎಸ್ ಸಂಗೀತ ನೀಡಿದ್ದಾರೆ. ದೇವರಾಜ್, ಗಿರಿಜಾ ಲೋಕೇಶ್, ಶರತ್ ಲೋಹಿತಾಶ್ವ, ನೀನಾಸಂ ಅಶ್ವಥ್, ಮಜಾ ಟಾಕೀಸ್ ಪವನ್ ಹಾಗೂ ಇತರರು ಸಿನಿಮಾದಲ್ಲಿ ನಟಿಸಿದ್ದಾರೆ.

ಆರ್ಯ, ಮೇಘನಾರಾಜ್​