ಚಾಮರಾಜನಗರ: ಮಕ್ಕಳು, ತಂದೆ-ತಾಯಿ ಹಾಗೂ ಮಿತ್ರರು ಜನ್ಮದಿನ ಆಚರಿಸುವುದನ್ನು ನೋಡಿದ್ದೀರಿ. ಆದರೆ, ಈ ಸರ್ಕಾರಿ ಶಾಲೆಯಲ್ಲಿ ಗಿಡಗಳ ಹುಟ್ಟುಹಬ್ಬವನ್ನು ಬಿಗ್ಬಾಸ್ ಖ್ಯಾತಿಯ ಭುವನ್ ಜೊತೆಗೆ ವಿದ್ಯಾರ್ಥಿಗಳು ಆಚರಿಸಿದರು.
ಚಾಮರಾಜನಗರ ತಾಲೂಕಿನ ಸಿದ್ದಯ್ಯನಪುರ ಸರ್ಕಾರಿ ಶಾಲೆಯಲ್ಲಿ ಗಿಡಗಳ ಹುಟ್ಟುಹಬ್ಬ ಆಚರಿಸಿ, ಗಿಡಕ್ಕೆ ಆರತಿ ಎತ್ತಿ- ಪೂಜಿಸುವ ವಿಶಿಷ್ಟ ಆಚರಣೆ ಕಳೆದ 5 ವರ್ಷಗಳಿಂದ ಜಾರಿಯಲ್ಲಿದೆ. ಈ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಭಾಗಿಯಾಗಿದ್ದ ಬಿಗ್ಬಾಸ್ ಭುವನ್ ಪೊನ್ನಣ್ಣ ತಮ್ಮ ಹೆಸರಿನಲ್ಲೊಂದು ಸಸಿ ನೆಟ್ಟು ನೀರೆರೆದರು.
ತಮ್ಮ ಶಾಲಾ ದಿನಗಳ ತುಂಟಾಟ, ನಾಯಕತ್ವ ಗುಣ ಬೆಳೆಸಿಕೊಳ್ಳುವ ಕುರಿತು ಇದೇ ವೇಳೆ ಭುವನ್ ಪಾಠ ಮಾಡಿದ್ರು. ಬಳಿಕ ಚಿಣ್ಣರೊಂದಿಗೆ ಕಬಡ್ಡಿ, ವಾಲಿಬಾಲ್‌ ಆಡಿ ಸಂಭ್ರಮಿಸಿದರು.
ಒಟ್ಟಿನಲ್ಲಿ, ಮನುಷ್ಯರ ರೀತಿಯೇ ಗಿಡಗಳಿಗೂ ಪ್ರಾಶಸ್ತ್ಯ ನೀಡಿ ಹುಟ್ಟುಹಬ್ಬ ಆಚರಿಸಿದ್ದು ಒಂದು ವಿಶೇಷವೇ ಸರಿ.
