ಅಬ್ಬಬ್ಬಾ ಅಂದ್ರೆ ಒಂದು ಬಾಳೆ ಹಣ್ಣಿನ ಬೆಲೆ ಎಷ್ಟಿರಬಹುದು? ₹ 5 to ₹ 20, ಇಲ್ಲವೇ ₹ 50 ಇರಬಹುದಾ ? ಆದರೆ, ಫೈವ್ ಸ್ಟಾರ್ ಹೋಟೆಲ್ವೊಂದರಲ್ಲಿ ಒಂದು ಬಾಳೆ ಹಣ್ಣಿನ ಬೆಲೆ ಎಷ್ಟು ಅಂತಾ ಕೇಳಿದ್ರೆ ಖಂಡಿತವಾಗಿಯೂ ಶಾಕ್ ಆಗುತ್ತದೆ. ಇಂತಹದೊಂದು ಆಘಾತ ಬಾಲಿವುಡ್ ನಟ-ನಿರ್ದೇಶಕ ರಾಹುಲ್ ಬೋಸ್ ಎದುರಿಸಿದ್ದಾರೆ.
ಇತ್ತೀಚಿಗಷ್ಟೆ ಐಷಾರಾಮಿ ಹೊಟೇಲ್ವೊಂದಕ್ಕೆ ರಾಹುಲ್, ಅಲ್ಲಿ ಎರಡು ಬಾಳೆ ಹಣ್ಣು ಆರ್ಡರ್ ಮಾಡಿದ್ದಾರೆ. ಸಿಬ್ಬಂದಿ ತಂದುಕೊಟ್ಟ ಹಣ್ಣು ಸವಿದ ಬಳಿಕ ಅವರಿಗೆ ಅಚ್ಚರಿಯೊಂದು ಎದುರಾಗಿದೆ. ಬಿಲ್ ನೋಡಿದ ಈ ನಟನಿಗೆ ಶಾಕ್ ಆಗಿದೆ. ಕೇವಲ ಎರಡು ಬಾಳೆ ಹಣ್ಣಿಗೆ ಬರೋಬ್ಬರಿ ₹442.50 ಬಿಲ್ ನೋಡಿ ದಂಗಾಗಿದ್ದಾರೆ.
ಥ್ರೀ ಸ್ಟಾರ್, ಫೈವ್ ಸ್ಟಾರ್ ಹೊಟೇಲ್ಗಳು ತುಂಬಾ ಕಾಸ್ಟ್ಲಿ. ಅಲ್ಲಿ ಎಲ್ಲದರ ಬೆಲೆ ಕೊಂಚ ಜಾಸ್ತಿ ಅಂತಾ ಎಲ್ಲರಿಗೂ ಗೊತ್ತು. ಆದರೆ, ಅದು ಇಷ್ಟು ಹೆಚ್ಚಾಗಿರುತ್ತದೆ ಅಂತಾ ನಂಗೆ ಗೊತ್ತಿರಲಿಲ್ಲ ಎಂದು ರಾಹುಲ್ ಹೇಳಿಕೊಂಡಿದ್ದಾರೆ.
