'ಸವರ್ಣದೀರ್ಘ ಸಂಧಿ' ಸ್ಯಾಂಡಲ್ವುಡ್ ಅಂಗಳದಲ್ಲಿ ಹೊಸ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ. 'ಸಾಹೋ' ಚಿತ್ರದೊಂದಿಗೆ ಟ್ರೇಲರ್ ಬಿಡುಗಡೆ ಮಾಡಿರುವ ಚಿತ್ರತಂಡಕ್ಕೆ ಸಿನಿಪ್ರಿಯರಿಂದ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ.
- " class="align-text-top noRightClick twitterSection" data="">
'ಸವರ್ಣದೀರ್ಘ ಸಂಧಿ', ತುಳು ಭಾಷೆಯಲ್ಲಿ 'ಚಾಲಿ ಪೋಲಿಲು' ಎಂಬ ದಾಖಲೆ ಬರೆದ ವೀರೇಂದ್ರ ಶೆಟ್ಟಿ ನಿರ್ದೇಶನದ ಸಿನಿಮಾ. ಈ ಸಿನಿಮಾದಲ್ಲಿ ವೀರೇಂದ್ರ ಶೆಟ್ಟಿ ಅವರೇ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. 'ಚಾಲಿ ಪೋಲಿಲು' ಬರೊಬ್ಬರಿ 511 ದಿನ ಮಲ್ಟಿಪ್ಲೆಕ್ಸ್ನಲ್ಲಿ ಪ್ರದರ್ಶನಗೊಂಡು ದಾಖಲೆ ಬರೆದಂತಹ ಸಿನಿಮಾ. 38 ಲಕ್ಷ ರೂಪಾಯಿ ಬಜೆಟ್ನ ಈ ಸಿನಿಮಾ 73 ವಾರ ಪ್ರದರ್ಶನಗೊಂಡು, ಬರೊಬ್ಬರಿ 3.25 ಕೋಟಿ ರೂಪಾಯಿ ಲಾಭ ಗಳಿಸಿತ್ತು. ಇದೀಗ 5 ವರ್ಷದ ಗ್ಯಾಪ್ ನಂತರ ಅದೇ ರೀತಿ ಔಟ್ ಅಂಡ್ ಔಟ್ ಕಾಮಿಡಿ ಟ್ರ್ಯಾಕ್ನಲ್ಲಿ ವೀರೆಂದ್ರ ಶೆಟ್ಟಿ ನಿರ್ದೇಶಿಸಿರುವ ಕನ್ನಡ ಸಿನಿಮಾ 'ಸವರ್ಣದೀರ್ಘ ಸಂಧಿ'.
ಇದು ವ್ಯಾಕರಣದ ಜೊತೆ ಜೊತೆಗೆ ಕಳ್ಳ-ಪೋಲೀಸ್ ಆಟ ಆಡುವಂತಹ ಕಲರ್ಫುಲ್ ಸಿನಿಮಾ. ಈ ಚಿತ್ರಕ್ಕೆ ಮನೋಮೂರ್ತಿ ಸಂಗೀತ ಸಂಯೋಜಿಸಿದ್ದು, ಚಿತ್ರದ ನಿರ್ಮಾಣದಲ್ಲೂ ಜೊತೆಯಾಗಿದ್ದಾರೆ. ವೀರು ಟಾಕೀಸ್, ಲೈಲಾಕ್ ಎಂಟರ್ಟೈನರ್ ಬ್ಯಾನರ್ನಲ್ಲಿ ಲುಷಿಂಗ್ಟನ್ ಥಾಮಸ್, ಪಿವಿಆರ್ ಹೇಮಂತ್, ವೀರೇಂದ್ರ ಶೆಟ್ಟಿ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಚಿತ್ರದಲ್ಲಿ, ವೀರೇಂದ್ರ ಶೆಟ್ಟಿ, ಕೃಷ್ಣ, ಪದ್ಮಜಾರಾವ್ ಸೇರಿದಂತೆ ಪ್ರತಿಭಾವಂತ ಕಲಾವಿದರ ದಂಡೇ ಇದೆ. ಮೊದಲ ಫ್ರೇಮ್ನಿಂದ ಕೊನೆಯ ಫ್ರೇಮ್ವರೆಗೂ ಸಿನಿಮಾದಲ್ಲಿ ಪ್ರತಿ ಸೀನ್ ನಗು ತರಿಸುತ್ತದೆ. ಇದೀಗ ಸಿನಿಮಾ ಟ್ರೇಲರ್ ಬಿಡುಗಡೆಯಾಗಿದ್ದು, ಎಲ್ಲಾ ಆ್ಯಂಗಲ್ನಿಂದಲೂ ಇಂಪ್ರೆಸ್ ಆಗಿದೆ. ಸದ್ಯದಲ್ಲೇ ಸಿನಿಮಾ ಪ್ರೇಕ್ಷಕರ ಮುಂದೆ ಬರಲಿದೆ.
