ಸ್ಯಾಂಡಲ್ವುಡ್ನಲ್ಲಿ ಆಲ್ಬಂ ವಿಡಿಯೋಗಳ ಟ್ರೆಂಡ್ ಶುರುವಾಗಿದೆ. 'ರಾಧಾ ಕಲ್ಯಾಣ' ಖ್ಯಾತಿಯ ಕೃತಿಕಾ ರವೀಂದ್ರ ''ಒಲವೇ'' ಎಂಬ ರೊಮ್ಯಾಂಟಿಕ್ ಆಲ್ಬಂ ಸಾಂಗ್ನ ಮೂಲಕ ಪ್ರೇಕ್ಷಕರಿಗೆ ದರ್ಶನ ನೀಡಿದ್ದಾರೆ.
'ರಾಧಾ ಕಲ್ಯಾಣ' ಧಾರಾವಾಹಿಯ ಮೂಲಕ ಖ್ಯಾತಿ ಪಡೆದ ಕೃತಿಕಾ ರವೀಂದ್ರ, ಬಳಿಕ ಬಿಗ್ಬಾಸ್ ಮನೆಗೆ ಹೋಗಿ ಜನಪ್ರಿಯತೆ ಗಳಿಸಿದ್ದರು. ಸದ್ಯ ರಾಜ ನಿವಾಸ ಎಂಬ ಸಿನಿಮಾದಲ್ಲಿ ಬ್ಯೂಸಿಯಾಗಿರುವ ಕೃತಿಕಾ, ಯುವ ನಟ ವರುಣ್ ಹೆಗಡೆ ಜೊತೆ ಆಲ್ಬಂ ಸಾಂಗ್ವೊಂದರಲ್ಲಿ ಮಿಂಚಿದ್ದಾರೆ.
ಈ ಸಾಂಗ್ಗೆ ನಟಿ ಎಂ ಎಸ್ ಶಿವಾನಿ ನಿರ್ದೇಶನದ ಜೊತೆಗೆ ಸಾಹಿತ್ಯ ಬರೆದು ಹಾಡಿದ್ದು, ಶಿವಾನಿ ಜೊತೆ ಗಾಯಕ ಡಾ.ಸುಚೇತನ್ ರಂಗಸ್ವಾಮಿ ಧ್ವನಿಗೂಡಿಸಿದ್ದಾರೆ. ಒಂದು ಭಾವಪೂರ್ಣ ಕಥೆ ಹೊಂದಿರುವ ಈ ಹಾಡಿನ ಚಿತ್ರೀಕರಣ ಬೆಂಗಳೂರಿನ ಸುತ್ತಮುತ್ತ ನಡೆದಿದ್ದು, ಕಾರ್ತಿಕ್ ಹಾಗೂ ನವೀನ್ ಅದ್ಭುತ ಛಾಯಾಗ್ರಹಣ ಮಾಡಿದ್ದಾರೆ.
ಕೆಜಿಎಫ್ ಖ್ಯಾತಿಯ ಸಂಕಲನಕಾರರಾದ ಶ್ರೀಕಾಂತ್ ಈ ಹಾಡಿನ ವಿಡಿಯೋವನ್ನು ಎಡಿಟ್ ಮಾಡಿದ್ದಾರೆ. ಸುಕೃಶಿ ಕ್ರಿಯೇಷನ್ಸ್ ಸಂಸ್ಥೆ ಈ ಆಲ್ಬಂ ಸಾಂಗ್ ಹೊರ ತಂದಿದೆ.
