ಶ್ರುತಿ ಹಾಸನ್, ಖ್ಯಾತ ತಮಿಳು ನಟ ಕಮಲ್ ಹಾಸನ್ ಪುತ್ರಿ. ನಟಿಯಾಗಿ ಮಾತ್ರವಲ್ಲ, ಗಾಯಕಿಯಾಗಿ ಕೂಡಾ ಗುರುತಿಸಿಕೊಂಡಿರುವ ಶ್ರುತಿ ಹಾಸನ್ ತಮ್ಮ ಗ್ಲ್ಯಾಮರ್ನಿಂದಲೇ ಬಹಳ ಫೇಮಸ್. ಶ್ರುತಿ ಹಾಸನ್ ಈಗ ಈಜಿಪ್ಟ್ ರಾಣಿ ಕ್ಲಿಯೋಪಾತ್ರ ಆಗಿ ಬದಲಾಗಿದ್ದಾರೆ.
ಶ್ರುತಿ ಹಾಸನ್ ಕ್ಲಿಯೋಪಾತ್ರ ಆಗಿ ಸಿನಿಮಾದಲ್ಲಿ ನಟಿಸುತ್ತಿರಬಹುದು ಅಂದುಕೊಂಡಿದ್ದರೆ ನಿಮ್ಮ ಊಹೆ ತಪ್ಪು. ಫೇಸ್ ಆ್ಯಪ್ ಮೂಲಕ ಶ್ರುತಿ ಹಾಸನ್ ಕ್ಲಿಯೋಪಾತ್ರ ಆಗಿ ಬದಲಾಗಿದ್ದಾರೆ. ಇತ್ತೀಚೆಗೆ ಫೇಸ್ ಆ್ಯಪ್ ಬಹಳ ಫೇಮಸ್ ಆಗುತ್ತಿದೆ. ಹಾಲಿವುಡ್ ಚಿತ್ರಗಳ ವಿಡಿಯೋ ಕ್ಲಿಪಿಂಗ್ಗಳಿಗೆ ಜನರು, ಹೆಚ್ಚಾಗಿ ಯುವಜನತೆ ತಮ್ಮ ಮುಖ ಸೇರಿಸಿ ಆ ವಿಡಿಯೋವನ್ನು ಸೋಷಿಯಲ್ ಮೀಡಿಯಾಗಳಿಗೆ ಅಪ್ಲೋಡ್ ಮಾಡುವ ಮೂಲಕ ಎಂಜಾಯ್ ಮಾಡುತ್ತಿದ್ದಾರೆ. ಇದು ಎಲ್ಲರಿಗೂ ಒಂದು ರೀತಿಯ ಫನ್ ಆಗಿದೆ.
- " class="align-text-top noRightClick twitterSection" data="
">
1963 ರಲ್ಲಿ ಬಿಡುಗಡೆಯಾದ ಹಾಲಿವುಡ್ ಚಿತ್ರ 'ಕ್ಲಿಯೋಪಾತ್ರ' ತುಣುಕೊಂದಕ್ಕೆ ಶ್ರುತಿ ಹಾಸನ್ ಫೇಸ್ ಆ್ಯಪ್ ಬಳಸಿದ್ದಾರೆ. ಈ ಚಿತ್ರದಲ್ಲಿ ಹಾಲಿವುಡ್ ಖ್ಯಾತ ನಟಿ ಎಲಿಜಬೆತ್ ಟೇಲರ್ ಕ್ಲಿಯೋಪಾತ್ರ ಆಗಿ ನಟಿಸಿದ್ದಾರೆ. ಶ್ರುತಿ ಹಾಸನ್ ಎಲಿಜಬೆತ್ ಮುಖಕ್ಕೆ ತನ್ನ ಮುಖ ಸೇರಿಸಿ ಈ ಫೇಸ್ ಆ್ಯಪ್ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಅಪ್ಲೋಡ್ ಮಾಡಿದ್ದಾರೆ.
ಕರಿಯರ್ ವಿಚಾರಕ್ಕೆ ಬರುವುದಾದರೆ ಶ್ರುತಿ ಹಾಸನ್ ಸದ್ಯಕ್ಕೆ ಎಸ್.ಪಿ. ಜ್ಞಾನನಾಥನ್ ನಿರ್ದೇಶನದ 'ಲಾಬಮ್' ಚಿತ್ರದಲ್ಲಿ ಬ್ಯುಸಿ ಇದ್ದಾರೆ. ಚಿತ್ರದಲ್ಲಿ ಶ್ರುತಿ ಜೊತೆಗೆ ವಿಜಯ್ ಸೇತುಪತಿ ಹಾಗೂ ಕಲೈರಸನ್ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ವಿಜಯ್ ಸೇತುಪತಿ ನಿರ್ಮಿಸುತ್ತಿದ್ದಾರೆ.
