ಕನ್ನಡ ಚಿತ್ರರಂಗ ಕಂಡ ನಟ ನಿರ್ದೇಶಕ ರಂಗಕರ್ಮಿ ಅಂದ್ರೆ, ಒನ್ ಆ್ಯಂಡ್ ಓನ್ಲಿ ಕರಾಟೆ ಕಿಂಗ್ ಶಂಕರ್ ನಾಗ್. ಕಡಿಮೆ ವಯಸ್ಸಿನಲ್ಲಿ ಕನ್ನಡ ಚಿತ್ರರಂಗದ ಉತ್ತುಂಗದದಲ್ಲಿ ಬೆಳೆದು ನಿಂತ ಅಪರೂಪದ ಪ್ರತಿಭೆ ಶಂಕರ್ ನಾಗ್.
ಕರಾಟೆ ಕಿಂಗ್ ಶಂಕರ್ ನಾಗ್ ಅವರ 65ನೇ ಹುಟ್ಟು ಹಬ್ಬವನ್ನು ಕನ್ನಡ ಚಿತ್ರರಂಗ ಮಾತ್ರವಲ್ಲದೆ ಆರು ಕೋಟಿ ಕನ್ನಡಿಗರು ಶಂಕರ್ನಾಗ್ ಹುಟ್ಟುಹಬ್ಬವನ್ನು ಬಹಳ ಸಡಗರ-ಸಂಭ್ರಮದಿಂದ ಆಚರಿಸಿದ್ದಾರೆ. ಸದ್ಯ ಟೀಮ್ ಶಂಕರನಾಗ್ ಅಭಿಮಾನಿ ಸಂಘವೊಂದು ಕರಾಟೆ ಕಿಂಗ್ ಬರ್ತ್ ಡೇಗೆ ಸ್ಪೆಷಲ್ ಉಡುಗೊರೆಯನ್ನ ನೀಡಿದೆ.
ಶಂಕರ್ ನಾಗ್, ಸಾಂಗ್ಲಿಯಾನ ಎಂಬ ನಿಷ್ಠಾವಂತ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ಬೆಳ್ಳಿ ತೆರೆಯಲ್ಲಿ ಮಿಂಚಿ, ಪೊಲೀಸ್ ಇಲಾಖೆಯ ಗೌರವನ್ನ ಹೆಚ್ಚಿಸಿದ್ರು. ಇದೀಗ ಬರೋಬ್ಬರಿ 150 ಕೆಜಿ ಕೇಕ್ ಸಾಂಗ್ಲಿಯಾನ ಪ್ರತಿಮೆ ರೂಪದಲ್ಲಿ ನಿರ್ಮಾಣವಾಗಿದೆ.
ಹೌದು, ಟೀಮ್ ಶಂಕರ್ನಾಗ್ ಎಂಬ ಸಂಸ್ಥೆ ಶಂಕರ್ನಾಗ್ ಹುಟ್ಟುಹಬ್ಬಕ್ಕೆ ಈ ಕೇಕನ್ನು ತಯಾರಿಸಿದೆ. ಈ ಹಿಂದೆ ಡಾ. ರಾಜ್ಕುಮಾರ್, ರೆಡ್ ಕ್ಯಾಮರಾವನ್ನ ಕೇಕ್ನಲ್ಲಿ ಮಾಡಿ ಗಮನ ಸೆಳೆದಿದ್ದ ಟೀಮ್ ಶಂಕರ್ನಾಗ್, ಈಗ ಕ್ರೌರ್ಯ ಚಿತ್ರ ತಂಡದೊಂದಿಗೆ ಸೇರಿ ಈ ವಿಶೇಷ ಪ್ರತಿಮೆಯನ್ನು ರೆಡಿ ಮಾಡಲಾಗಿದೆ. ಕೇವಲ ಒಂದು ವಾರದಲ್ಲಿ 150 ಕೆಜಿಯ ಕೇಕ್ನಲ್ಲಿ ಸಾಂಗ್ಲಿಯಾನ ರೂಪದ ಪ್ರತಿಮೆಯನ್ನ ಟೀಮ್ ಶಂಕರ್ ನಾಗ್ ಸಂಸ್ಥೆ ಮಾಡಿದೆ. ಈ 150 ಕೆಜಿ ಕೇಕ್ನಲ್ಲಿ ಸಾಂಗ್ಲಿಯಾನ ರೂಪದ ಪ್ರತಿಮೆ ಮಾಡಲು ಬರೋಬ್ಬರಿ 80 ಸಾವಿರ ರೂ. ಖರ್ಚು ಮಾಡಲಾಗಿದೆ.
ನಾಲ್ಕು ಜನ ಕಲಾವಿದರು ಒಂದು ವಾರದಲ್ಲಿ ಶಂಕರ್ ನಾಗ್ ಸಾಂಗ್ಲಿಯಾನ ರೂಪದ ಪ್ರತಿಮೆಯನ್ನ ಮಾಡಿದ್ದಾರೆ. ಈ ಪ್ರತಿಮೆಯನ್ನ ಪ್ರತಿ ವರ್ಷ ಬೆಂಗಳೂರಿನಲ್ಲಿ ನಡೆಯುವ ಇಂಟರ್ನ್ಯಾಷನಲ್ ಕೇಕ್ ಎಕ್ಸಿಬಿಷನ್ನಲ್ಲಿ ಇಡುವ ಪ್ಲಾನ್ ಟೀಮ್ ಶಂಕರ್ನಾಗ್ ಸಂಸ್ಥೆಯದ್ದು. ಒಟ್ಟಾರೆ ಶಂಕರ್ ನಾಗ್ ಸಾಂಗ್ಲಿಯಾನ ರೂಪದಲ್ಲಿ ಬೆಂಗಳೂರಿನಲ್ಲಿ ನಡೆಯುವ ಕೇಕ್ ಪ್ರದರ್ಶನದಲ್ಲಿ ನೋಡುವ ಸೌಭಾಗ್ಯ ಶಂಕರ್ನಾಗ್ ಅಭಿಮಾನಿಗಳಿಗೆ ಸಿಗಲಿದೆ.
