'ಈ ಸಲ ಕಪ್ ನಮ್ದೆ' ಎಂಬ ಪದ ಎಷ್ಟು ಫೇಮಸ್ ಎಂದರೆ ತೆಲುಗು ಕಾರ್ಯಕ್ರಮಗಳಲ್ಲೂ ಈ ಪದವನ್ನು ಬಳಸಲಾಗಿತ್ತು. ಕಳೆದ ಬಾರಿ ಐಪಿಎಲ್ ವೇಳೆ ಬಳಕೆಯಲ್ಲಿದ್ದ ಈ ಪದ ಇದೀಗ ಮತ್ತೆ ಚಾಲ್ತಿಯಲ್ಲಿದೆ. ಈ ಬಾರಿ ಸ್ಯಾಂಡಲ್ವುಡ್ ಕಲಾವಿದರು 'ಈ ಸಲ ಕಪ್ ನಮ್ದೆ' ಎನ್ನುತ್ತಿದ್ದಾರೆ.
- " class="align-text-top noRightClick twitterSection" data="">
ಇಂದಿನಿಂದ ಐಪಿಎಲ್ ಪಂದ್ಯಾವಳಿಗಳು ಆರಂಭವಾಗಿದೆ. ಯುವ ಪ್ರತಿಭೆಗಳು ಸೇರಿಕೊಂಡು ಆರ್ಸಿಬಿ ತಂಡಕ್ಕೆ ವಿಡಿಯೋ ಹಾಡಿನ ಮೂಲಕ ಶುಭ ಕೋರಿದ್ದಾರೆ. 'ಅಣು ಅಣುವಲಿ ಆರ್ಸಿಬಿ..ಕಣ ಕಣದಲ್ಲಿ ಆರ್ಸಿಬಿ.. ಮನ ಮನದಲೂ ಆರ್ಸಿಬಿ.. ಎಂಬ ಸಾಲುಗಳಿಂದ ಆರಂಭವಾಗುವ ವಿಡಿಯೋ ಹಾಡಿನಲ್ಲಿ ವಿಜಯ ರಾಘವೇಂದ್ರ, ಎಂ.ಜಿ. ಶ್ರೀನಿವಾಸ್, ಪ್ರಣಿತಾ ಸುಭಾಷ್, ಅದಿತಿ ಪ್ರಭುದೇವ, ಅಮೃತ ಅಯ್ಯಂಗಾರ್, ಸಂಜನಾ ಆನಂದ್, ಕೆಂಡಸಂಪಿಗೆ ಖ್ಯಾತಿಯ ವಿಕ್ಕಿ ಹಾಗೂ ಇನ್ನಿತರರು ನಟಿಸಿದ್ದಾರೆ.
ಈ ವಿಡಿಯೋ ಹಾಡಿಗೆ ನಿರ್ದೇಶನ-ನೃತ್ಯ ಮಾಧುರಿ ಪರಶುರಾಮ್, ಸಂಗೀತ-ಸಾಹಿತ್ಯ-ಗಾಯನ ಅನಿರುದ್ಧ್ ಶಾಸ್ತ್ರಿ, ಛಾಯಾಗ್ರಹಣ ಉದಯ್‌ ಲೀಲಾ, ಸಂಕಲನ ಸಾಗರ್‌ ಮಹಾದೇವ್ ಕೆಲಸ ಮಾಡಿದ್ದಾರೆ. ಮೈತ್ರಿ ಅಯ್ಯರ್, ಮಾದೇಶ್‌ ಭಾರದ್ವಾಜ್ ಕೂಡಾ ಈ ಹಾಡಿಗೆ ಧ್ವನಿಯಾಗಿದ್ದಾರೆ.
ವಿಧಾನಸೌಧ ಸೇರಿದಂತೆ ಬೆಂಗಳೂರು ಸುತ್ತಮುತ್ತ ಎರಡು ದಿನಗಳ ಕಾಲ ಚಿತ್ರೀಕರಣ ನಡೆಸಲಾಗಿದೆ. ಹೈದಾ ಸ್ಟುಡಿಯೋ ಮೂಲಕ ನಿರ್ಮಾಣಗೊಂಡಿರುವ ಈ ಹಾಡಿಗೆ 'ಪ್ರಾರಂಭ', 'ತ್ರಿಕೋನ', 'ಸಲಗ', 'ಫ್ಯಾಮಿಲಿಪ್ಯಾಕ್' ಚಿತ್ರಗಳು ಸೇರಿದಂತೆ ಇತರ ಚಿತ್ರತಂಡಗಳು ಪ್ರಾಯೋಜಕತ್ವದ ಜವಾಬ್ದಾರಿ ವಹಿಸಿಕೊಂಡಿದೆ.
