ಕೆಜಿಎಫ್ ಸಿನಿಮಾಕ್ಕೆ ಸಂಗೀತ ನೀಡಿದ ಸಂಗೀತ ನಿರ್ದೇಶಕ ರವಿ ಬಸ್ರೂರ್ ಅವರನ್ನು ಆಗಂತುಕರು ಅಪಹರಿಸಿದ್ದಲ್ಲದೆ ಈ ಬಗ್ಗೆ ಅವರಿಗೆ ಕೊಟ್ಟಿರುವ ಚಿತ್ರಹಿಂಸೆಯ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.
ಇತ್ತೀಚಿಗಷ್ಟೇ ಗಿರ್ಮಿಟ್ ಸಿನಿಮಾ ರಿಲೀಸ್ ಆಗಿ ದೇಶವೇ ಚಂದನವನದ ಕಡೆ ತಿರುಗುವಂತೆ ಮಾಡಿದವರು ರವಿ ಬಸ್ರೂರ್. ಬರೋಬ್ಬರಿ 300 ಮಕ್ಕಳನ್ನು ಹಾಕಿಕೊಂಡು ಈ ಸಿನಿಮಾವನ್ನು ಮಾಡಿದ್ದು ಇದಕ್ಕೆ ಕಾರಣವಾಗಿತ್ತು. ಆದ್ರೆ ಇದ್ದಕ್ಕಿದ್ದಂತೆ ಈ ಅಪರಿಚಿತರು ನಿರ್ದೇಶಕರನ್ನು ಕಿಡ್ನಾಪ್ ಮಾಡಿದ್ದು ಏಕೆ?
- " class="align-text-top noRightClick twitterSection" data="">
ಅರೆ, ಇವರನ್ನ್ಯಾಕೆ ಕಿಡ್ನಾಪ್ ಮಾಡಿದ್ರು ಅಂತ ಯೋಚ್ನೆ ಮಾಡಿದ್ರಾ? ಅಂದ್ರೆ ಇಲ್ಲ, ಇದೆಲ್ಲಾ ಸಿನಿಮಾ ಪ್ರಮೋಷನ್ ಗಿಮಿಕ್ಕು ಸ್ವಾಮಿ!
ಹೌದು, ಸಿನಿಮಾದಲ್ಲಿ ನಟಿಸಿರುವ ಮಕ್ಕಳನ್ನು ಬಳಸಿಕೊಂಡು ಈ ವಿಡಿಯೋ ಮಾಡಲಾಗಿದೆ. ವಿಡಿಯೋದಲ್ಲಿ ರವಿ ಬಸ್ರೂರು ಬಾಯಿಗೆ ಬಟ್ಟೆ ಕಟ್ಟಿ ಕಿಡ್ನಾಪ್ ಮಾಡುವ ರೀತಿ ಮಾಡಿ ಅವರನ್ನು ಸ್ಡುಡಿಯೋದಲ್ಲಿ ಇಡಲಾಗುತ್ತದೆ. ನಂತ್ರ ಮಕ್ಕಳು ಸಿನಿಮಾದಲ್ಲಿ ನಮಗೆ ಅದೇ ಪಾತ್ರ ಯಾಕೆ ಕೊಟ್ರಿ? ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್, ಪುನೀತ್ ವಾಯ್ಸ್ ನೀಡಿರೋ ಬಗ್ಗೆ ನಿಮ್ಮ ಅಭಿಪ್ರಾಯ ಏನು? ಅಂತ ರೌಡಿಗಳ ರೀತಿ ಮಕ್ಕಳು ಕೇಳುತ್ತಾರೆ. ಇದಕ್ಕೆಲ್ಲಾ ಸಂಗೀತ ನಿರ್ದೇಶಕರು ಸಮಾಧಾನವಾಗಿಯೇ ಉತ್ತರ ನೀಡುತ್ತಾರೆ. ನಂತ್ರ ಗಿರ್ಮಿಟ್ ಸಿನಿಮಾದಲ್ಲಿ ಹೀರೋ ಪಾತ್ರ ಮಾಡಿರುವ ಹುಡುಗ ಬಂದು ಸಿನಿಮಾ ಪ್ರಮೋಷನ್ ಮಾಡುವುದನ್ನು ಬಿಟ್ಟು ಇವರನ್ಯಾಕೆ ಕಿಡ್ನಾಪ್ ಮಾಡಿದ್ದೀರಿ ಎಂಬ ಸಂಭಾಷಣೆಗಳು ಇಲ್ಲಿವೆ.
ಕೊನೆಯದಾಗಿ ರವಿ ಬಸ್ರೂರು ಇದನ್ನು ಮಾಡಿದ್ದು ತಮಾಷೆಗಾಗಿ ಅಂತ ಹೇಳಿಕೊಂಡಿದ್ದಾರೆ. ಅಲ್ಲದೇ ಈ ಸಣ್ಣ ಸ್ಕ್ರಿಪ್ಟ್ನಲ್ಲೇ ಮಕ್ಕಳು ಈ ರೀತಿ ಅಭಿನಯಿಸಿದ್ದಾರೆ. ಸಿನಿಮಾದಲ್ಲಿ ಇದಕ್ಕಿಂತ ಅದ್ಭುತವಾಗಿ ನಟಿಸಿದ್ದಾರೆ ಎಂದು ಹೇಳುತ್ತಾ ಸಿನಿಮಾ ಬಗ್ಗೆ ಕುತೂಹಲ ಮೂಡಿಸಿದ್ದಾರೆ.
