ಹೈದ್ರಾಬಾದ್: ನಿರ್ಮಾಪಕ ಎಸ್ಎಸ್ ರಾಜಮೌಳಿ ಅವರ ಬಹು ನಿರೀಕ್ಷಿತ ಚಿತ್ರ ಆರ್ಆರ್ಆರ್ ಚಿತ್ರತಂಡ ಕೊನೆಯ ಹಂತದ ಚಿತ್ರೀಕರಣಕ್ಕಾಗಿ ಉಕ್ರೇನ್‌ನ ಕೈವ್‌ನಲ್ಲಿದೆ. ಈ ಮಧ್ಯೆ ನಟರಾದ ರಾಮ್ ಚರಣ್ ಮತ್ತು ಜೂನಿಯರ್ ಎನ್ಟಿಆರ್ ಸೆಟ್‌ಗೆ ಹೋಗುವಾಗ ತಮ್ಮನ್ನು ಹೇಗೆ ತಯಾರಿ ಮಾಡಿಕೊಳ್ತಾರೆ ಎಂಬುದರ ಕುರಿತು ನಿರ್ಮಾಪಕರು ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಸಾಮಾಜಿಕ ಜಾಲತಾಣದಲ್ಲಿ ರಾಜಮೌಳಿ ನಿಜಜೀವನದಲ್ಲೂ ಸಹ ರಾಮ್ ಚರಣ್ ಮತ್ತು ಜೂನಿಯರ್ ಎನ್ಟಿಆರ್ ಎಂಥಾ ಬಾಂಧವ್ಯ ಹೊಂದಿದ್ದಾರೆ ಎಂಬುದನ್ನ ತೋರಿಸುವಂತ ವಿಡಿಯೋವೊಂದನ್ನು ಶೇರ್ ಮಾಡಿದ್ದು, ಇದರಲ್ಲಿ ಇಬ್ಬರೂ ನಟರೂ ತಮ್ಮ ಸಿನಿಮಾ ದೋಸ್ತಿ ಸಾಂಗ್ ಅನ್ನು ಕೇಳುತ್ತಿದ್ದಾರೆ. ಅಂದಹಾಗೇ ಶೂಟಿಂಗ್ ಸ್ಪಾಟ್ಗೆ ತೆರಳುವ ವೇಳೆ ಇಬ್ಬರೂ ತಮ್ಮ ಸಿನಿಮಾದ ಥೀಮ್ ಸಾಂಗ್ ಕೇಳುತ್ತಿದ್ದರು.
ತೆಲುಗಿನಲ್ಲಿ ಆರ್ಆರ್ಆರ್ ಸಿನಿಮಾ ತಯಾರಾಗುತ್ತಿದ್ದು, 20 ನೇ ಶತಮಾನದ ಆರಂಭದಲ್ಲಿದ್ದ ಇಬ್ಬರು ಸ್ವಾತಂತ್ರ್ಯ ಹೋರಾಟಗಾರರ ಜೀವನಾಧಾರಿತ ಕಾಲ್ಪನಿಕ ಕಥೆಯಾಗಿದೆ. ಅಲ್ಲೂರಿ ಸೀತಾರಾಮ ರಾಜು ಆಗಿ ರಾಮ್ ಚರಣ್ ಮತ್ತು ಕುಮಾರಮ್ ಭೀಮ್ ಆಗಿ ಜೂನಿಯರ್ ಎನ್ಟಿಆರ್ ನಟಿಸಿದ್ದಾರೆ.
ರಾಜಮೌಳಿ ನಿರ್ದೇಶನದ ‘ಆರ್ಆರ್ಆರ್’ ಸಿನಿಮಾದ ದೋಸ್ತಿ ಹಾಡನ್ನು ಫ್ರೆಂಡ್ಶಿಪ್ ಡೇ ಯಂದು ರಿಲೀಸ್ ಮಾಡಲಾಗಿತ್ತು. ಎಂ.ಎಂ. ಕೀರವಾಣಿ ಕಂಪೋಸ್ ಮಾಡಿರುವ ಈ ದೋಸ್ತಿ ಹಾಡನ್ನು ಅಮಿತ್ ತ್ರಿವೇದಿ, ಅನಿರುದ್ಧ್ ರವಿಚಂದಿರ್, ವಿಜಯ್ ಯೇಸುದಾಸ್, ಹೇಮಚಂದ್ರ ಮತ್ತು ಯಾಜಿನ್ ನಾಝಿರ್ ಸೇರಿ ಐವರು ಗಾಯಕರು ಹಾಡಿದ್ದಾರೆ. ಹಿಂದಿ, ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡದಲ್ಲಿ ದೋಸ್ತಿ ಥೀಮ್ ಸಾಂಗ್ ಔಟ್ ಆಗಿದೆ.
ಬಾಲಿವುಡ್ ನಟ ಅಜಯ್ ದೇವಗನ್ ಕೂಡ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ‘ಆರ್ಆರ್ಆರ್’ ಸಿನಿಮಾ ತೆಲುಗು, ತಮಿಳು, ಹಿಂದಿ, ಮಲಯಾಳಂ, ಕನ್ನಡ ಮತ್ತು ಇತರ ಭಾರತೀಯ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.
