ಲಾಕ್ಡೌನ್ನಲ್ಲಿ ಮನೆಯಲ್ಲಿ ಕೂತು ಕೂತು ಬೇಸರಗೊಂಡಿರುವ ನಟ-ನಟಿಯರು ಇದೀಗ ಪ್ರವಾಸಕ್ಕೆಂದು ಗೋವಾ, ದುಬೈ, ಮಾಲ್ಡೀವ್ಸ್ ಕಡೆಗೆ ಪ್ರಯಾಣ ಬೆಳೆಸಿ ಎಂಜಾಯ್ ಮಾಡ್ತಿದ್ದಾರೆ. ಇತ್ತೀಚೆಗೆ ಸ್ಯಾಂಡಲ್ವುಡ್ ನಟಿ ಪ್ರಣಿತಾ ಸುಭಾಷ್, ಬಾಲಿವುಡ್ನ ದಿಶಾ ಪಟಾನಿ ಮಾಲ್ಡೀವ್ಸ್ಗೆ ಭೇಟಿ ಕೊಟ್ಟು ಎಂಜಾಯ್ ಮಾಡಿದ್ರು. ಇದೀಗ ರಕುಲ್ ಪ್ರೀತ್ ಮಾಲ್ಡೀವ್ಸ್ಗೆ ಭೇಟಿ ಕೊಟ್ಟಿದ್ದಾರೆ.
ಇತ್ತೀಚೆಗೆ ತಮ್ಮ ಫ್ಯಾಮಿಲಿಯೊಂದಿದೆ ಮಾಲ್ಡೀವ್ಸ್ ಕಡೆ ಪಯಣ ಬೆಳೆಸಿರುವ ನಟಿ, ಕಡಲ ತೀರದಲ್ಲಿ ಸಖತ್ ಮೋಜು ಮಸ್ತಿ ಮಾಡಿಕೊಂಡು ಕಾಲ ಕಳೆಯುತ್ತಿದ್ದಾರೆ. ತಾವು ಬಿಕಿನಿಯಲ್ಲಿರುವ ಫೋಟೋಗಳನ್ನು ರಕುಲ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.
ರಕುಲ್ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಬಿಕಿನಯಲ್ಲಿರುವ ಫೋಟೋ ಹಂಚಿಕೊಂಡಿದ್ದು, ನಗು ಎನ್ನುವುದು ಸಾಂಕ್ರಾಮಿಕ ಇದ್ದಂತೆ. ಒಬ್ಬರಿಂದ ಮತ್ತೊಬ್ಬರಿಗೆ ಹರಡುತ್ತದೆ. ಈ ನನ್ನ ನಗುವನ್ನು ಸೆರೆ ಹಿಡಿದಿದ್ದು ನಮ್ಮ ಅಪ್ಪ ಎಂದು ಬರೆದುಕೊಂಡಿದ್ದಾರೆ.
ಮತ್ತೊಂದು ಯೋಗಾಸನ ಮಾಡುವ ಫೋಟೋವನ್ನು ಹಂಚಿಕೊಂಡಿರುವ ಬಾಲಿವುಡ್ ಬೆಡಗಿ, ವಿಟಮಿನ್ ಡಿಯನ್ನು ಸಮುದ್ರದಿಂದ ಪಡೆಯುತ್ತಿದ್ದೇನೆ ಎಂದಿದ್ದಾರೆ.
ಈ ಹಿಂದೆ ಬಿಕಿನಿಯಲ್ಲಿನ ಒಂದು ಫೋಟೋ ಶೇರ್ ಮಾಡಿದ್ದ ರಕುಲ್, ಸಮುದ್ರದ ಸುಗಂಧ, ಆಕಾಶದ ಅನುಭವ ಪಡೆದರೆ ನಿಮ್ಮ ಆತ್ಮ ಹಾರಾಡುತ್ತದೆ ಎಂದು ಬರೆದಿದ್ದರು.
ಒಟ್ಟಾರೆ ಸಿನಿಮಾ ತಾರೆಯರು ಮನದ ಬೇಸರವನ್ನು ಕಳೆಯಲು ಮತ್ತು ಒಂದಷ್ಟು ದಿನ ಹೊಸ ಜಾಗವನ್ನು ಎಂಜಾಯ್ ಮಾಡಲು ತಮ್ಮ ಫ್ಯಾಮಿಲಿ ಹಾಗೂ ಪ್ರೀತಿ ಪಾತ್ರರೊಂದಿಗೆ ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿ ಎಂಜಾಯ್ ಮಾಡ್ತಿದ್ದಾರೆ.
