ಸ್ಯಾಂಡಲ್ವುಡ್ನಲ್ಲಿ ಪುರುಸೊತ್ತು ಇಲ್ಲದ ನಟರ ಪೈಕಿ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಕೂಡ ಒಬ್ರು. ಒಂದಾದ ಮೇಲೆ ಒಂದರಂತೆ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿರುವ ಕಿರಿಕ್ ಹುಡುಗ ಸದ್ಯ ಚಾರ್ಲಿ 777 ಚಿತ್ರದ ಕೆಲಸಗಳಲ್ಲಿ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದಾರೆ. ಈ ನಡುವೆ ಕೂಡ ಫೇಸ್ಬುಕ್ ಲೈವ್ ಬಂದ 'ಅವನೇ ಶ್ರೀಮನ್ನಾರಾಯಣ' ನಟ, ಸುದೀಪ್ ಜೊತೆ ಸಿನಿಮಾ ಮಾಡುವುದಾಗಿ ಹೇಳಿದ್ದಾರೆ.
ಹೌದು, ಕಳದೆ ಹಲವಾರು ದಿನಗಳಿಂದ ಸುದೀಪ್ ಜೊತೆ ರಕ್ಷಿತ್ ಶೆಟ್ಟಿ ಸಿನಿಮಾ ಮಾಡ್ತಾರಂತೆ ಎಂದು ಚರ್ಚೆಯಾಗುತ್ತಿದೆ. ಈ ಗುಸು ಗುಸು ಮಾತಿಗೆ ರಕ್ಷಿತ್ ತೆರೆ ಎಳೆದಿದ್ದು, ಸುದೀಪ್ ಜೊತೆ ಸಿನಿಮಾ ಮಾಡೋದು ಪಕ್ಕ ಎಂದಿದ್ದಾರೆ. ಈಗಾಗಲೇ ಅರ್ಧ ಸ್ಕ್ರಿಪ್ಟ್ ಮುಗಿದಿದೆ. ಉಳಿದ ಭಾಗದ ಸ್ಕ್ರಿಪ್ಟ್ ಕೆಲಸ ಮಾಡಬೇಕಿದೆ ಎಂದು ಹೇಳಿದ್ದಾರೆ.
ರಕ್ಷಿತ್ ಶೆಟ್ಟಿ ಕೈಲಿರುವ ಸಿನಿಮಾಗಳೆಂದರೆ ಸಪ್ತ ಸಾಗರದಾಚೆ, ಪುಣ್ಯಕೋಟಿ ಮತ್ತು ರಿಚ್ಚಿ. ಈ ಎಲ್ಲಾ ಸಿನಿಮಾಗಳು ಆದ ಮೇಲೆ ಸುದೀಪ್ ಜೊತೆಗಿನ ಸಿನಿಮಾವನ್ನು ಕೈಗೆತ್ತಿಕೊಳ್ಳುವುದಾಗಿ ರಕ್ಷಿತ್ ತಿಳಿಸಿದ್ದಾರೆ.
ಚಾರ್ಲಿ 777 ಸಿನಿಮಾದ ಬಹುಪಾಲು ಚಿತ್ರೀಕರಣ ಮುಗಿದಿದ್ದು, ಇನ್ನೂ ಆರು ದಿನಗಳ ಶೂಟಿಂಗ್ ಬಾಕಿ ಇದೆ. ಮತ್ತೆ ಕಾಶ್ಮೀರಕ್ಕೆ ಹೋಗಿ ಶೂಟಿಂಗ್ ಮಾಡಬೇಕು ಎಂದಿದ್ದಾರೆ.
