ಬಿಗ್‌ಬಾಸ್ ಸೀಸನ್-7 ಎಂಟನೇ ವಾರಾಂತ್ಯಕ್ಕೆ ಬಂದು ನಿಂತಿದೆ. ಈಗಾಗಲೇ 7 ಸ್ಪರ್ಧಿಗಳು ಮನೆಯಿಂದ ಹೊರ ಹೋಗಿದ್ದಾರೆ. ಇನ್ನು ಮನೆಯಲ್ಲಿ 13 ಮಂದಿ ಉಳ್ಕೊಂಡಿದ್ದು, 8ನೇ ವಾರದಲ್ಲಿ 12 ಮಂದಿ ನಾಮಿನೇಟ್ ಆಗುವ ಮೂಲಕ ಈ ಬಾರಿ ಹೊರ ಹೋಗಲಿರುವ ಸ್ಪರ್ಧಿ ಯಾರೆಂಬ ಕುತೂಹಲ ಹೆಚ್ಚಾಗಿದೆ.
ಈ ವಾರ ಪ್ರಿಯಾಂಕಾ, ಚಂದನಾ, ಶೈನ್ ಶೆಟ್ಟಿ, ಭೂಮಿ ಶೆಟ್ಟಿ, ದೀಪಿಕಾ, ಚಂದನ್ ಆಚಾರ್, ಕಿಶನ್, ರಕ್ಷಾ, ಚೈತ್ರಾ ಕೊಟ್ಟೂರ್, ವಾಸುಕಿ ವೈಭವ್‌, ಹರೀಶ್ ರಾಜ್ ಹಾಗೂ ಕುರಿ ಪ್ರತಾಪ್ ನಾಮಿನೇಟ್ ಆಗಿದ್ದಾರೆ. ಕಳೆದ ವಾರ ಆರ್ಜೆ ಪೃಥ್ವಿ ಮನೆಯಿಂದ ಹೊರ ಬಿದ್ದಿದ್ದರು.
ಇದೇ ವೇಳೆ ರಕ್ಷಾ ಸೋಮಶೇಖರ್ ವೈಲ್ಡ್ ಕಾರ್ಡ್ ಮೂಲಕ ಬಿಗ್‌ಬಾಸ್ ಮನೆ ಪ್ರವೇಶಿಸಿದ್ದರು. ಇನ್ನು ಈ ವಾರ ಕ್ಯಾಪ್ಟನ್ ರಾಜು ತಾಳಿಕೋಟೆ ಒಬ್ಬರೇ ಸೇಫ್ ಆಗಿದ್ದಾರೆ. 8ನೇ ವಾರದ ಎಲಿಮಿನೇಷನ್ನಲ್ಲಿ ಕಾಣಿಸಿಕೊಂಡಿರುವ ಸ್ಪರ್ಧಿ ರಕ್ಷಾ ಹಾಗೂ ಚೈತ್ರಾ ಅತೀ ಕಡಿಮೆ ವೋಟ್ ಪಡೆದಿದ್ದಾರೆ ಎಂಬ ಮಾಹಿತಿ ಮೂಲಗಳಿಂದ ತಿಳಿದು ಬಂದಿವೆ. ಕಡಿಮೆ ವೋಟ್ ಪಡೆದಿರುವ 12 ಸ್ಪರ್ಧಿಗಳಲ್ಲಿ ಹರೀಶ್ ರಾಜ್ ಮೂರನೇ ಸ್ಥಾನ ಪಡೆದಿದ್ದಾರಂತೆ. ಹೀಗಾಗಿ ಈ ಮೂವರ ಒಟ್ಟಾರೆ ಪರ್ಫಾಮೆನ್ಸ್ ಗಮನಿಸಿದರೆ ರಕ್ಷಾ ಸೋಮಶೇಖರ್ ಅಪಾಯದ ವಲಯದಲ್ಲಿದ್ದಾರೆ ಎನ್ನಲಾಗಿದೆ. ಹಾಗಾಗಿ ಮನೆಯಿಂದ ಈ ವಾರ ರಕ್ಷಾ ಹೊರಬೀಳುವುದು ಪಕ್ಕಾ ಎನ್ನಲಾಗುತ್ತಿದೆ. 2 ವಾರಗಳ ಕಾಲ ಬಿಗ್ ಬಾಸ್ ಮನೆಯಲ್ಲಿ ಕಳೆದಿರುವ ರಕ್ಷಾ ಜರ್ನಿ ಭಾನುವಾರ ಅಂತ್ಯವಾಗಲಿದೆ ಎಂದು ಹೇಳಲಾಗುತ್ತಿದೆ.
