ಗಣೇಶ್ ‘ಗೀತಾ’ ಸಿನಿಮಾಕ್ಕೆ ಪವರ್ ಸ್ಟಾರ್ ಹಾಡು

ಗೀತಾ ಕನ್ನಡದ ಹೋರಾಟದ ಬಗ್ಗೆ ಒಂದು ನೋಟ ಇಟ್ಟಿರುವ ಸಿನಿಮಾ. ಈ ಚಿತ್ರದಲ್ಲಿ ಗೋಕಾಕ್ ಚಳವಳಿ ಸಹ ಪ್ರಸ್ತಾಪ ಮಾಡುತ್ತಿದೆ. ವಿಜಯ ನಾಗೇಂದ್ರ ಈ ಚಿತ್ರದ ನಿರ್ದೇಶಕರು.

ಗೋಲ್ಡನ್ ಸ್ಟಾರ್ ಗಣೇಶ್ ನಿರ್ಮಾಣ ಹಾಗೂ ಅಭಿನಯದ ‘ಗೀತಾ’ ಸಿನಿಮಾಕ್ಕೆ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಹೇಳಿರುವ 'ಕನ್ನಡ ಕನ್ನಡ ಕನ್ನಡವೇ ಸತ್ಯ ಕನ್ನಡವೇ ನಿತ್ಯ' ಹಾಡು ಇಂದು ರಿಲೀಸ್ ಆಗುತ್ತಿದೆ.

ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಈ ಹಾಡು ಬರೆದಿದ್ದು, ಇಂದು ಸಂಜೆ 6 ಗಂಟೆಗೆ ಆನಂದ್ ಆಡಿಯೋ ಯುಟ್ಯೂಬ್ ಚಾನೆಲ್ ನ​​ಲ್ಲಿ ಬಿಡುಗಡೆ ಆಗುತ್ತಿದೆ.

ಗೀತಾ ಕನ್ನಡದ ಹೋರಾಟದ ಬಗ್ಗೆ ಒಂದು ನೋಟ ಇಟ್ಟಿರುವ ಸಿನಿಮಾ. ಈ ಚಿತ್ರದಲ್ಲಿ ಗೋಕಾಕ್ ಚಳವಳಿ ಸಹ ಪ್ರಸ್ತಾಪ ಮಾಡುತ್ತಿದೆ. ವಿಜಯ ನಾಗೇಂದ್ರ ಈ ಚಿತ್ರದ ನಿರ್ದೇಶಕರು. ಗಣೇಶ್ ಇದರಲ್ಲಿ ದಿವಂಗತ ನಟ ಶಂಕರ್ ನಾಗ್ ಅಭಿಮಾನಿ. ಈ ಹಿಂದೆ ಶಂಕರ್ ನಾಗ್ ಅಭಿನಯದ ‘ಆಟೋ ರಾಜ’ ಶೀರ್ಷಿಕೆ ಇಟ್ಟುಕೊಂಡೇ ಗಣೇಶ್ ಉದಯ ಪ್ರಕಾಶ್​ ನಿರ್ದೇಶನದಲ್ಲಿ ಅಭಿನಯ ಮಾಡಿದ್ದರು.

ಇನ್ನು ಗಣೇಶ್ ಚಿತ್ರಗಳಿಗೆ ಪುನೀತ್ ಧ್ವನಿ ನೀಡುತ್ತಿರುವುದು ಇದೇ ಮೊದಲಲ್ಲ. 2011 ತೆರೆ ಕಂಡ ಶೈಲೂ ಹಾಗೂ ‘ಜೂಮ್’ ಚಿತ್ರದ ‘ರಾಜದಿ ರಾಜ, ರಾಜ ಮಾರ್ತಾಂಡ....ಹಾಡನ್ನು ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಹೇಳಿದ್ದರು.