ಕಿಚ್ಚ ಸುದೀಪ್ ಅಭಿನಯ ಹಾಗೂ ಶಿವ ಕಾರ್ತಿಕ್ ನಿರ್ದೇಶನದ ಬಹುನಿರೀಕ್ಷಿತ ಸಿನಿಮಾ 'ಕೋಟಿಗೊಬ್ಬ 3' ರಿಲೀಸ್ ವಿಳಂಬವಾದರೂ ಬಾಕ್ಸ್ ಆಫೀಸ್ನಲ್ಲಿ ಒಳ್ಳೆಯ ಕಲೆಕ್ಷನ್ ಮಾಡುತ್ತಿದೆ.
ಚಿತ್ರ ದೇಶಾದ್ಯಂತ ತೆರೆ ಕಂಡು ರಾಜ್ಯದಲ್ಲೂ ಎಲ್ಲಾ ಚಿತ್ರಮಂದಿರಗಳಲ್ಲಿ ಯಶಸ್ವಿ ಪ್ರದರ್ಶನ ಕಾಣುತ್ತಿದ್ದು ಚಿತ್ರತಂಡ ಖಾಸಗಿ ಹೊಟೇಲ್ನಲ್ಲಿ ಸಕ್ಸಸ್ ಮೀಟ್‌ ಹಮ್ಮಿಕೊಂಡಿತ್ತು.
ಈ ಸಂದರ್ಭದಲ್ಲಿ ಮಾತನಾಡಿದ ನಿರ್ಮಾಪಕ ನಿರ್ಮಾಪಕ ಸೂರಪ್ಪ, 'ನನ್ನ 35 ವರ್ಷದ ಸಿನಿಮಾ ಅನುಭವದಲ್ಲಿ ಇದೇ ಮೊದಲ ಬಾರಿಗೆ ಒಬ್ಬ ಸ್ಟಾರ್ ನಟನ ಸಿನಿಮಾ ಅನೌಂಸ್ ಮಾಡಿದ ಡೇಟ್ಗೆ ಬಿಡುಗಡೆ ಆಗಲಿಲ್ಲ. ಈ ಬಗ್ಗೆ ನನಗೆ ಬೇಸರ ಇದೆ. ನಾನು ಇವತ್ತು ಈ ಸ್ಟೇಜ್ ಮೇಲೆ ಇದ್ದೀನಿ ಅಂದ್ರೆ ಅದಕ್ಕೆ ಸುದೀಪ್ ಮತ್ತು ನನ್ನ ಮಗಳು ಕಾರಣ. ನನ್ನ ಕಷ್ಟ ಕಾಲದಲ್ಲಿ ಸುದೀಪ್ ಹಾಗೂ ಅವರ ತಂದೆ-ತಾಯಿ ಕೂಡ ಸಪೋರ್ಟ್ ಮಾಡಿದ್ದಾರೆ. ನಾನು ಸಾಯುವವರೆಗೂ ಅವರ ಸಹಾಯ ಮರೆಯಲಾರೆ' ಎಂದರು.
ಸುದೀಪ್ ಹಾಗು ಸೂರಪ್ಪಬಾಬು ನಡುವೆ ಮನಸ್ತಾಪ ಇದೆ ಎನ್ನವ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಅವರು, 'ನಮ್ಮ ನಡುವೆ ಆ ರೀತಿಯ ಯಾವುದೇ ಮನಸ್ತಾಪ ಇಲ್ಲ. ಯಾಕಂದ್ರೆ ಸುದೀಪ್ ಅವರು ಬಾಲಿವುಡ್ನಲ್ಲಿ ಅಮಿತಾಬ್ ಬಚ್ಚನ್ ಹಾಗು ಸಲ್ಮಾನ್ ಖಾನ್ ಜೊತೆ ಕೆಲಸ ಮಾಡಿ ಬಂದಿದ್ದಾರೆ. ಅಂತಹ ನಟನ ಜೊತೆ ನಾನು ಕೆಲಸ ಮಾಡಿರೋ ಅಭಿಮಾನ ಇದೆ' ಎಂದರು.
