ಬಿಗ್ ಬಾಸ್ ಖ್ಯಾತಿಯ ಪ್ರಥಮ್ ತಮ್ಮ ವಿಶೇಷ ಮಾತುಗಾರಿಕೆ, ಹಾವಭಾವದಿಂದ ಗುರುತಿಸಿಕೊಂಡಿದ್ದಾರೆ. ಇವರು MLA ಸಿನಿಮಾದಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಇದೀಗ ಮತ್ತೊಂದು ಹಾಸ್ಯಮಯ ಸಿನಿಮಾದಲ್ಲಿ ಬಣ್ಣ ಹಚ್ಚಲು ಸಿದ್ಧರಾಗಿದ್ದಾರೆ.
ಹೌದು, ಪ್ರಥಮ್ ಇದೀಗ ಡ್ರೋನ್ ಪ್ರತಾಪ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಹೊಸ ಸಿನಿಮಾ ಒಪ್ಪಿಕೊಂಡಿರುವ ಬಗ್ಗೆ ಸ್ವತಃ ಪ್ರಥಮ್ ಸಾಮಾಜಿಕ ಜಾಲತಾಣದಲ್ಲಿ ತಿಳಿಸಿದ್ದಾರೆ.
ಡ್ರೋನ್ ಮಾಡುವುದಾಗಿ ಹೇಳಿ ಎಲ್ಲರಿಗೂ ಕಾಗೆ ಹಾರಿಸಿದ್ದ ಪ್ರತಾಪ್ ಬಗ್ಗೆ ಸಿನಿಮಾವೊಂದು ನಿರ್ಮಾಣವಾಗುತ್ತಿದ್ದು, ಈ ಚಿತ್ರದಲ್ಲಿ ಪ್ರಥಮ್ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ. ಪ್ರಖ್ಯಾತ ನಿರ್ದೇಶಕರು ಈ ಸಿನಿಮಾವನ್ನು ನಿರ್ದೇಶನ ಮಾಡಲಿದ್ದಾರೆ ಎಂದಿರುವ ಪ್ರಥಮ್, ಚಿತ್ರಕ್ಕಾಗಿ ಸುಮಾರು 15 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಬರೆದುಕೊಂಡಿರುವ ಪ್ರಥಮ್, ಪ್ರಖ್ಯಾತ ನಿರ್ದೇಶಕರು ನಿರ್ದೇಶಿಸಲಿರುವ ಸಿನಿಮಾ! ಗೌರಿಗಣೇಶ, ಉಂಡು ಹೋದ ಕೊಂಡು ಹೋದ! ಯಾರಿಗೂ ಹೇಳ್ಬೇಡಿ ಶೈಲಿಯ ಸಿನಿಮಾ! ನಿಮ್ಗೆ ಡ್ರೋನ್ ಅಂದ್ರೆ ಗೊತ್ತಲ್ವಾ? ನಿಮ್ಮ ತಲೆಯಲ್ಲಿ ಏನ್ ಬಂತೋ ಅದೇ ನಿಜ! ಅದೇ ಸಿನಿಮಾ ಆಗ್ತಿದೆ! ಲೀಗಲ್ ಟರ್ಮ್ಸ್ ಪ್ರೊಸಿಡಿಂಗ್ಸ್ನಲ್ಲಿದೆ! ಕಾನೂನಾತ್ಮಕವಾಗಿ ಯಾವುದೇ ಸಮಸ್ಯೆಯಾಗದಂತೆ ನಿಮ್ಮನ್ನು ನಗಿಸೋ ಜೊತೆಗೆ ಕಾಡುವ ಸಿನಿಮಾ ಎಂದು ಬರೆದಿದ್ದಾರೆ.
