ಸ್ಯಾಂಡಲ್ವುಡ್ನಲ್ಲಿ ಮಳೆ ಬೆಡಗಿಯಾಗಿ ಪ್ರೇಕ್ಷಕರ ಹೃದಯ ಕದ್ದ ನಟಿ ಪೂಜಾಗಾಂಧಿ. ದಂಡುಪಾಳ್ಯ 3 ಸಿನಿಮಾ ನಂತ್ರ ಸ್ಯಾಂಡಲ್ವುಡ್‌ನಿಂದ ಕಾಣೆಯಾಗಿದ್ದರು. ಇದೀಗ ಪೂಜಾ ಗಾಂಧಿ ಥ್ರಿಲ್ಲಿಂಗ್ ಜಾನರ್ ಚಿತ್ರದ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬರ್ತಿದ್ದಾರೆ.
ಈ ಚಿತ್ರಕ್ಕೆ 'ಸಂಹಾರಿಣಿ' ಟೈಟಲ್ ಇಟ್ಟಿದ್ದು, ಚಿತ್ರದಲ್ಲಿ ಪೂಜಾಗಾಂಧಿ ಮಾಸ್ ಅವತಾರದಲ್ಲಿ ಕಂಬ್ಯಾಕ್ ಮಾಡುತ್ತಿದ್ದಾರೆ. ಸಂಹಾರಿಣಿ ಚಿತ್ರ ಬಿಡುಗಡೆಗೆ ಸಿದ್ದವಾಗಿದ್ದು, ಸದ್ಯ ಮೋಷನ್ ಪೋಸ್ಟರ್ ರಿಲೀಸ್ ಮಾಡಿದೆ.
ಜವಾಹರ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಚಿತ್ರದಲ್ಲಿ ಪೂಜಾಗಾಂಧಿ ಒಂದು ವಿಭಿನ್ನ ಪಾತ್ರದಲ್ಲಿ ಕಾಣಿಸಿದ್ದಾರೆ. ಕೆಟ್ಟ ಸಮಾಜದ ವಿರುದ್ಧದ ಹೋರಾಡುವ ಮಹಿಳೆ ಪಾತ್ರದಲ್ಲಿ ಮಾಡಿದ್ದಾರೆ.
ಪೂಜಾ ಗಾಂಧಿ ಅಲ್ಲದೇ, ಕಿಶೋರ್, ರಾಹುಲ್ ದೇವ್ ಸೇರಿದಂತೆ ಹಲವು ಕಲಾವಿದರು ಈ ಚಿತ್ರದಲ್ಲಿದ್ದಾರೆ. ಸಂಹಾರಿಣಿ ಚಿತ್ರದ ಮೊದಲ ಮೋಷನ್ ಪೋಷ್ಟರ್ ಬಿಡುಗಡೆ ಮಾಡಿರುವ ಚಿತ್ರತಂಡ ಈ ಸಿನಿಮಾ ಪೂಜಾ ಗಾಂಧಿಯವರಿಗೆ ಮತ್ತೆ ಚಿತ್ರರಂಗದಲ್ಲಿ ಬ್ರೇಕ್ ಕೊಡುವ ಸೂಚನೆ ಸಿಕ್ಕಿದೆ.
ನಿರ್ದೇಶಕ ಜವಾಹರ್ ನಿರ್ದೇಶನದ ಈ ಚಿತ್ರವನ್ನ 2M ಸಿನಿಮಾಸ್ ಸಂಸ್ಥೆಯ ಮುಖಾಂತರ ಶಬರೀಶ್ ಕೆ.ವಿ. ನಿರ್ಮಾಣ ಮಾಡಿದ್ದಾರೆ. ಸಂಪೂರ್ಣವಾಗಿ ಚಿತ್ರೀಕರಣ ಮುಗಿಸಿರೋ ಸಂಹಾರಿಣಿ ಸಿನಿಮಾ, ಏಪ್ರಿಲ್‌ನಲ್ಲಿ ಬಿಡುಗಡೆಯಾಗಲಿದೆ.
