'ಲೈಫು ಇಷ್ಟೇನೆ', 'ಲೂಸಿಯಾ' ಹಾಗು 'ಯೂಟರ್ನ್' ಸಿನಿಮಾಗಳಿಂದ ಸ್ಯಾಂಡಲ್ ವುಡ್ನಲ್ಲಿ ಐಡೆಂಟಿಟಿ ಕ್ರಿಯೇಟ್ ಮಾಡಿಕೊಂಡಿರೋ ನಟ, ನಿರ್ದೇಶಕ ಪವನ್ ಕುಮಾರ್ ಇದೀಗ ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ ಗಾಳಿಪಟ-2 ಚಿತ್ರದಲ್ಲಿ ಸ್ಕ್ರೀನ್ ಶೇರ್ ಮಾಡಲು ಸಿದ್ಧತೆ ನಡೆಸುತ್ತಿದ್ದಾರೆ.
ಪವನ್ ಕುಮಾರ್ ತಮ್ಮ ಪಾತ್ರಕ್ಕಾಗಿ ಭರ್ಜರಿ ತಾಲೀಮು ಮಾಡುತ್ತಿದ್ದು, ನಿನ್ನೆಯಷ್ಟೇ 37ನೇ ವಸಂತಕ್ಕೆ ಕಾಲಿಟ್ಟ ಪವನ್ ಕುಮಾರ್ ತಮ್ಮ ಫೇಸ್ ಬುಕ್ನಲ್ಲಿ ಸ್ಪೆಷಲ್ ವಿಡಿಯೋವೊಂದನ್ನ ಹಂಚಿಕೊಂಡಿದ್ದಾರೆ. ಆ ವಿಡಿಯೋದಲ್ಲಿ ಬಾಕ್ಸಿಂಗ್ ಕಲೆಗಳಲ್ಲಿ ಒಂದಾಗಿರೋ ಮುಯೆ ಥಾಯ್ ಬಾಕ್ಸಿಂಗ್ ಕಲಿಯುತ್ತಿರುವ ದೃಶ್ಯ ಕಂಡು ಬಂದಿದೆ.
ಗಾಳಿಪಟ-2 ಚಿತ್ರದಲ್ಲಿ ಪವನ್ ಕುಮಾರ್ ವಿಶೇಷ ಕ್ಯಾರೆಕ್ಟರ್ ಮಾಡ್ತಾ ಇದ್ದು, ಈ ಪಾತ್ರಕ್ಕಾಗಿ ಪವನ್ ಮೌಥಾಯ್ ಬಾಕ್ಸಿಂಗ್ ಕಲಿಯುತ್ತಿದ್ದಾರೆ. ಹಲವು ದಿನಗಳಿಂದ ಬಾಕ್ಸಿಂಗ್ ಮಾಡ್ತಿರೋ ಪವನ್ ಕುಮಾರ್, ತಮ್ಮ ದೇಹದ 6 ಕೆ.ಜಿ ತೂಕ ಇಳಿಸಿದ್ದಾರಂತೆ.
ಗಾಳಿಪಟ 2 ಸಿನಿಮಾವು ಸದ್ಯ ಪ್ರೀ-ಪ್ರೊಡಕ್ಷನ್ ಹಂತದಲ್ಲಿದ್ದು, ಸಿನಿಮಾಕ್ಕೆ ಯೋಗರಾಜ್ ಭಟ್ ನಿರ್ದೇಶನ ಮಾಡಲಿದ್ದಾರೆ. ಚಿತ್ರದಲ್ಲಿ ಗಣೇಶ್, ದಿಗಂತ್ ಜೊತೆ ಪವನ್ ಕುಮಾರ್ ಮಿಂಚಲಿದ್ದಾರೆ.
