ಪಂಚ ಭಾಷೆಗಳಲ್ಲಿ ಕುಸ್ತಿ ಆಡಲು ಬರುತ್ತಿರುವ 'ಪೈಲ್ವಾನ್'ನ ಹಾಡುಗಳಿಗೆ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಇದೇ 27 ರಂದು ಪೈಲ್ವಾನ್ ಚಿತ್ರದ ಅದ್ಧೂರಿ ಆಡಿಯೋ ರಿಲೀಸ್ಗೆ ಮುಹೂರ್ತ ಫಿಕ್ಸ್ ಆಗಿದೆ. ಕೋಟೆ ನಗರಿ ಚಿತ್ರದುರ್ಗದಲ್ಲಿ ಪೈಲ್ವಾನ್ನ ಗಾನ ಬಜಾನಾ ಅನಾವರಣಗೊಳ್ಳಲಿದೆ. ಅದಕ್ಕೂ ಮುನ್ನ ಚಿತ್ರದ ಮೊದಲ ಹಾಡು ನಾಳೆಯೇ ಬಿಡುಗಡೆಯಾಗುತ್ತಿದೆ.
ಚಿತ್ರದ 'ಬಂದ ನೋಡು ಪೈಲ್ವಾನ್' ಥೀಮ್ ಸಾಂಗ್ ನಾಳೆ ಸಂಜೆ 6.30 ಕ್ಕೆ ಲಹರಿ ಮ್ಯೂಸಿಕ್ ಯುಟ್ಯೂಬ್ ಚಾನಲ್ನಲ್ಲಿ ಬಿಡುಗಡೆಯಾಗಲಿದೆ ಎಂದು ನಿರ್ದೇಶಕ ಕೃಷ್ಣ ಹೇಳಿದ್ದಾರೆ. ಏಕಕಾಲದಲ್ಲೇ ಐದು ಭಾಷೆಗಳಲ್ಲಿರುವ ಈ ಹಾಡು ರಿಲೀಸ್ ಆಗಲಿದೆ.
ಮ್ಯೂಸಿಕ ಮಾಂತ್ರಿಕ ಅರ್ಜುನ್ ಜನ್ಯ ಅವರ ಕೈಚಳಕದಲ್ಲಿ ಮೂಡಿ ಬಂದಿರುವ ಹಾಡುಗಳ ಮೇಲೆ ಭಾರಿ ನಿರೀಕ್ಷೆ ಇದೆ. ಅಭಿಮಾನಿಗಳ ನಿರೀಕ್ಷೆ ತಣಿಸಲು ನಾಳೆ ಪೈಲ್ವಾನ್ ಬರುತ್ತಿದ್ದಾರೆ.
