ರೌಡಿ ಬೇಬಿ ಸಾಯಿಪಲ್ಲವಿ ಮತ್ತು ನಾಗಚೈತನ್ಯ ನಟಿಸುತ್ತಿರುವ ಲವ್ಸ್ಟೋರಿ ಚಿತ್ರದ ಶೂಟಿಂಗ್ ಲಾಕ್ಡೌನ್ ನಂತ್ರ ಬೇಗ ಮುಗಿದಿದೆ. ಇದೀಗ ಚಿತ್ರತಂಡದಿಂದ ಹೊಸ ಲುಕ್ ಒಂದನ್ನು ಬಿಡುಗಡೆ ಮಾಡಲಾಗಿದೆ.
ಈ ಹಿಂದೆ ಚಿತ್ರತಂಡದಿಂದ ಬಿಡುಗಡೆಯಾಗಿದ್ದ ಲುಕ್ಗಳಿಗಿಂತ ಇದು ವಿಶೇಷವಾಗಿದೆ. ಈ ಹಿಂದೆ ಬಿಡುಗಡೆಯಾದ ಲುಕ್ಗಳಲ್ಲಿ ಲವರ್ಗಳ ರೀತಿ ಕಾಣಿಸಿಕೊಂಡಿದ್ದ ಜೋಡಿ ಈ ಬಾರಿ ಬಿಡುಗಡೆಯಾಗಿರುವ ಪೋಸ್ಟರ್ನಲ್ಲಿ ಮದುವೆಯಾಗಿ ಹಸೆಮಣೆ ಏರಿದ್ದಾರೆ.
ಈ ಪೋಸ್ಟರ್ ನೋಡಿರುವ ಅಭಿಮಾನಿಗಳು ಲವ್ಸ್ಟೋರಿ ಸಿನಿಮಾದ ಕೊನೆಯ ಸೀನ್ ಈ ಲುಕ್ನಿಂದನೇ ಮುಕ್ತಾಯವಾಗುತ್ತದೆ ಎನ್ನುತ್ತಿದ್ದಾರೆ. ಶೇಖರ್ ಕಮ್ಮು ಲವ್ಸ್ಟೋರಿ ಸಿನಿಮಾಗೆ ಆ್ಯಕ್ಷನ್-ಕಟ್ ಹೇಳಿದ್ದಾರೆ. ಚಿತ್ರದಲ್ಲಿ ರಾಜೀವ್ ಕನಕಲಾ, ಈಶ್ವರಿ ರಾವ್ ಮತ್ತು ದೇವಯಾನಿ ನಟಿಸಿದ್ದು, ಪವನ್ ಸಿ ಹೆಚ್ ಸಂಗೀತ ನೀಡಿದ್ದಾರೆ.
