ರಾಜ್ಯಸಭೆ ಸಂಸದ ಜೋಗಿನಪಲ್ಲಿ ಸಂತೋಷ್ ಕುಮಾರ್ ಆರಂಭಿಸಿದ ಗ್ರೀನ್ ಇಂಡಿಯಾ ಚಾಲೆಂಜ್ಗೆ ದೊಡ್ಡ ಮಟ್ಟದ ಪ್ರತಿಕ್ರಿಯೆ ದೊರೆತಿದೆ. ರಶ್ಮಿಕಾ ಮಂದಣ್ಣ, ಪ್ರಭಾಸ್, ಸೋನು ಸೂದ್ ಹಾಗೂ ಇನ್ನಿತರರು ಈಗಾಗಲೇ ಈ ಚಾಲೆಂಜ್ ಪೂರ್ಣಗೊಳಿಸಿದ್ದಾರೆ. ಇದೀಗ ಕನ್ನಡತಿ ನಭಾ ನಟೇಶ್ ಕೂಡಾ ಈ ಚಾಲೆಂಜ್ ಸ್ವೀಕರಿಸಿದ್ದಾರೆ.
- " class="align-text-top noRightClick twitterSection" data="
">
ಹೈದರಾಬಾದ್ನ ಸ್ನೇಹಿತರ ಜಮೀನಿನಲ್ಲಿ ಮೂರು ಗಿಡಗಳನ್ನು ನೆಟ್ಟಿರುವ ಪಟಾಕ ಪಾರ್ವತಿ ಈ ಚಾಲೆಂಜ್ಗೆ ಸ್ಫೂರ್ತಿಯಾಗಿರುವ ಸಂತೋಷ್ ಕುಮಾರ್ ಅವರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. ತೆಲುಗು ನಟರಾದ ಶ್ರೀನಿವಾಸ್ಬೆಲ್ಲಮ್ಕೊಂಡ, ನಟಿಯರಾದ ಅನು ಇಮ್ಯಾನಯಲ್ ಹಾಗೂ ನಿಧಿ ಅಗರ್ವಾಲ್ಗೆ ನಭಾ ನಟೇಶ್ ಈ ಚಾಲೆಂಜ್ ನೀಡಿದ್ದಾರೆ. ಒಬ್ಬೊಬ್ಬರು ಮೂರು ಗಿಡಗಳನ್ನು ನೆಟ್ಟು ನೀವೂ ಕೂಡಾ ಇತರರಿಗೆ ಈ ಚಾಲೆಂಜ್ ನೀಡಿ ಎಂದು ನಭಾ ಮನವಿ ಮಾಡಿದ್ದಾರೆ.
ಉಡುಪಿಯವರಾದ ನಭಾ, ವಜ್ರಕಾಯ ಚಿತ್ರದ ಮೂಲಕ ಸ್ಯಾಂಡಲ್ವುಡ್ನಲ್ಲಿ ಕರಿಯರ್ ಆರಂಭಿಸಿದರು. ಶಿವರಾಜ್ಕುಮಾರ್ ಜೊತೆ ಇವರು ಮಾಡಿದ ಪಟಾಕ ಪಾರ್ವತಿ ಪಾತ್ರ ನಭಾಗೆ ಒಳ್ಳೆ ಹೆಸರು ತಂದು ನೀಡಿತ್ತು. ತೆಲುಗಿನಲ್ಲಿ ಉತ್ತಮ ಅವಕಾಶಗಳು ದೊರೆತ ಕಾರಣ 'ನನ್ನು ದೋಚುಕುಂದುವಟೆ' ಮೂಲಕ ಟಾಲಿವುಡ್ಗೆ ಹಾರಿದರು. ಅಧುಗೋ, ಡಿಸ್ಕೋ ರಾಜ, ಇಸ್ಮಾರ್ಟ್ ಶಂಕರ್ ಚಿತ್ರಗಳಲ್ಲಿ ನಟಿಸಿ ತೆಲುಗಿನಲ್ಲೂ ಸಾಕಷ್ಟು ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಸದ್ಯಕ್ಕೆ ಸೋಲೋ ಬ್ರತುಕೆ ಸೋ ಬೆಟರ್ ಹಾಗೂ ಅಲ್ಲುಡು ಅದುರ್ಸ್ ತೆಲುಗು ಚಿತ್ರಗಳಲ್ಲಿ ನಭಾ ಬ್ಯುಸಿಯಾಗಿದ್ದಾರೆ.
