ಹೊಸ ಪ್ರತಿಭೆಗಳು, ಹೊಸ ಕಥೆ, ಹೊಸ ಐಡಿಯಾಗಳನ್ನ ಇಟ್ಟುಕೊಂಡು ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಡುವ ಮೂಲಕ ಪ್ರಯೋಗಾತ್ಮಕ ಚಿತ್ರಗಳನ್ನು ನಿರ್ಮಿಸುತ್ತಿದ್ದಾರೆ. ಸದ್ಯ 'ಮುಖವಾಡ ಇಲ್ಲದವನು 84' ಎಂಬ ಟೈಟಲ್‌ನೊಂದಿಗೆ ಹೊಸಬರ ಟೀಮ್ವೊಂದು ಚಂದನವನಕ್ಕೆ ಎಂಟ್ರಿ ಕೊಟ್ಟಿದೆ.
ಬಹುತೇಕ ಚಿತ್ರೀಕರಣ ಮುಗುಸಿರೋ 'ಮುಖವಾಡ ಇಲ್ಲದವನು' ಚಿತ್ರ ರಿಲೀಸ್ಗೆ ಸಜ್ಜಾಗಿದೆ. ಸದ್ಯ ಚಿತ್ರದ ಟ್ರೈಲರ್ ಹಾಗೂ ಹಾಡುಗಳನ್ನ ಡೆಡ್ಲಿ ಸೋಮ ಖ್ಯಾತಿಯ ನಿರ್ದೇಶಕ ರವಿ ಶ್ರೀವತ್ಸ ಹಾಗೂ ಜೈ ಹಿಂದ್ ಸಿನಿಮಾದ ನಿರ್ದೇಶಕ ಶಿವಕುಮಾರ್ ಅನಾವರಣ ಮಾಡಿದ್ದು ವಿಶೇಷವಾಗಿತ್ತು.
ಸಸ್ಪೆನ್ಸ್ ಜೊತೆಗೆ ಪ್ರಕೃತಿ ಎದುರು ಮನುಷ್ಯ ಶೂನ್ಯ ಎಂಬ ಕಥೆಯನ್ನ ಹೇಳೋದಿಕ್ಕೆ ನಿರ್ದೇಶಕ ಶಿವಕುಮಾರ್ ಕಡೂರು ಹೊರಟ್ಟಿದ್ದಾರೆ. ಈ ಹಿಂದೆ ಡ್ರೆಸ್ ಕೋಡ್ ಎಂಬ ಸಿನಿಮಾ ನಿರ್ದೇಶನ ಮಾಡಿದ್ದ ಶಿವಕುಮಾರ್ ನಿರ್ದೇಶನದ ಜೊತೆ ಅಭಿನಯ ಕೂಡ ಮಾಡಿದ್ದಾರೆ.
ಶಿವಕುಮಾರ್ಗೆ ಜೊತೆಯಾಗಿ ರಚನಾ ಅಂಬಲೆ, ಕಾವ್ಯ ಗೌಡ ಎಂಬ ಇಬ್ಬರು ಯುವ ನಟಿಯರು ನಟಿಸಿದ್ದಾರೆ. ಇದರ ಜೊತೆಗೆ ಗಣಪತಿ ಪಾಟೀಲ್, ಹರೀಶ್ ಸಾರಾ, ಆನಂದ್ ಕೋರಾ, ಜಯಸೂರ್ಯ ಸೇರಿದಂತೆ ಹಲವಾರು ಕಲಾವಿದರು ಚಿತ್ರದಲ್ಲಿದ್ದಾರೆ.
ಚಿತ್ರಕ್ಕೆ ಮಧು ಆರ್ಯ, ವಿನಯ್ ಗೌಡ, ಗಿರೀಶ್ ಅವರ ಛಾಯಾಗ್ರಹಣವಿದ್ದು, ದುರ್ಗಾ ಪ್ರಸಾದ್ ಈ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. ನ್ಯೂಜಿಲ್ಯಾಂಡ್ನ ಮೆಡಿಕಲ್ ಡಿಪಾರ್ಟ್‌ಮೆಂಟ್ನಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಬೆಳಗಾವಿ ಮೂಲದ ಗಣಪತಿ ಪಾಟೀಲ್ ಚಿತ್ರ ನಿರ್ಮಾಣದ ಜೊತೆ ಅಭಿನಯ ಕೂಡ ಮಾಡಿದ್ದಾರೆ. ಸದ್ಯ ಸೆನ್ಸಾರ್ ಮುಗುಸಿರೋ 'ಮುಖವಾಡ ಇಲ್ಲದವನು 84' ಈ ವರ್ಷದ ಎಂಡ್ನಲ್ಲಿ ಪ್ರೇಕ್ಷಕರ ಮುಂದೆ ಬರಲು ಸಿದ್ದವಾಗಿದ್ದಾನೆ.
