ಸಾಮಾನ್ಯವಾಗಿ ಸ್ಟಾರ್ ನಟ, ನಟಿಯರ ಮಕ್ಕಳು ನಟನಾ ಲೋಕಕ್ಕೆ ಬರುವುದನ್ನು ನೋಡಿದ್ದೇವೆ. ಆದ್ರೀಗ ಕ್ರಿಕೆಟ್ ಲೋಕದ ಜನಪ್ರಿಯ ತಾರೆ ಎಂ.ಎಸ್.ಧೋನಿ ಪುತ್ರಿ ಜೀವಾ ನಟನಾ ಲೋಕಕ್ಕೆ ಕಾಲಿಟ್ಟು ಅಚ್ಚರಿ ಮೂಡಿಸಿದ್ದಾಳೆ.
ಹಾಗಾದ್ರೆ ಈ ಚಿಕ್ಕ ಮಗು ಯಾವ ಸಿನಿಮಾದಲ್ಲಿ ನಟಿಸುತ್ತಿದೆ ಎಂದು ಯೋಚಿಸ್ತಿದ್ದೀರಾ?. ಆ ಮಗು ಯಾವ ಚಿತ್ರದಲ್ಲೂ ನಟಿಸುತ್ತಿಲ್ಲ. ಬದಲಾಗಿ ಆಕೆ ಜಾಹೀರಾತಿನಲ್ಲಿ ಪಾಲ್ಗೊಂಡಿದ್ದಾಳೆ.
ಓದಿ: ಉದ್ಯಮಿಯಾಗಿದ್ದಾರೆ ಕಿರುತೆರೆ ನಟಿ ಆಶಿತಾ ಚಂದ್ರಪ್ಪ!
ಹೌದು, ತಮ್ಮ ಕಂಪನಿಯ ಬಿಸ್ಕೆಟ್ ಜಾಹೀರಾತಿನಲ್ಲಿ ಧೋನಿ ಪುತ್ರಿ ನಟಿಸುತ್ತಿದ್ದಾಳೆ ಎಂದು ಕಂಪನಿಯೇ ಸಾಮಾಜಿಕ ಜಾಲತಾಣದಲ್ಲಿ ಘೋಷಿಸಿದೆ.
ದೇಶದ ಕ್ರಿಕೆಟ್ ಕಂಡ ಅಪರೂಪದ ಕೂಲ್ ಕ್ಯಾಪ್ಟನ್ ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದು, ಪತ್ನಿ ಮತ್ತು ಮಗಳೊಂದಿಗೆ ಸಮಯ ಕಳೆಯುತ್ತಿದ್ದಾರೆ. ಈ ನಡುವೆ ಧೋನಿ ವ್ಯವಸಾಯವನ್ನೂ ಮಾಡುತ್ತಿದ್ದು, ಜಮೀನಿನಲ್ಲಿ ಬೆಳೆದ ತರಕಾರಿಗಳನ್ನು ದುಬೈಗೆ ಕಳುಹಿಸಲು ತಯಾರಿ ನಡೆಸುತ್ತಿದ್ದಾರೆ.
ಇನ್ನೊಂದೆಡೆ, ಪತ್ನಿ ಸಾಕ್ಷಿ ಈಗಾಗಲೇ ಜಾಹೀರಾತು ಕ್ಷೇತ್ರದಲ್ಲಿ ಖ್ಯಾತಿಗಳಿಸಿದ್ದು, ಪುತ್ರಿಯೂ ಪದಾರ್ಪಣೆ ಮಾಡಿದ್ದಾಳೆ.
