ಕಲಬುರಗಿ: ನಿನ್ನೆ ತಾಂತ್ರಿಕ ದೋಷದಿಂದ ಬಿಡುಗಡೆಯಾಗದೆ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದ್ದ ಸುದೀಪ್ ಅಭಿನಯದ ಬಹುನಿರೀಕ್ಷಿತ 'ಕೋಟಿಗೊಬ್ಬ 3' ಸಿನಿಮಾ ಇಂದು ರಾಜ್ಯಾದ್ಯಂತ ಅದ್ದೂರಿಯಾಗಿ ತೆರೆ ಕಂಡಿದೆ. ಕಲಬುರಗಿಯಲ್ಲಿ ಅಭಿಮಾನಿಗಳು ಸುದೀಪ್ ಕಟೌಟ್ಗೆ ಹಾಲಿನ ಅಭಿಷೇಕ ಮಾಡಿ ಸಂಭ್ರಮಿಸಿದರು.
ಕಲಬುರಗಿಯಲ್ಲಿ ಕಿಚ್ಚನ ಕಟೌಟ್ಗೆ ಹಾಲಿನ ಅಭಿಷೇಕ
ನಗರದ ಶೆಟ್ಟಿ, ಸಂಗಮ್, ತ್ರಿವೇಣಿ ಸೇರಿದಂತೆ ವಿವಿಧ ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಯಾಗಿದೆ. ಸಂಗಮ್ ಚಿತ್ರಮಂದಿರದ ಮುಂದೆ ಕಿಚ್ಚನ ಕಟೌಟ್ಗೆ ಹೂಮಾಲೆ ಹಾಕಿ, ಹಾಲಿನ ಅಭಿಷೇಕ ಮಾಡಿ ಅಭಿಮಾನಿಗಳು ಕುಣಿದು ಕುಪ್ಪಳಿಸಿದರು.
ಇದನ್ನೂ ಓದಿ: 400 ಅಡಿ ಉದ್ದದ ಫ್ಲೆಕ್ಸ್ ಹಾಕಿ 'ಕೋಟಿಗೊಬ್ಬ 3' ಚಿತ್ರಕ್ಕೆ ಶುಭ ಕೋರಿದ ಫ್ಯಾನ್ಸ್
ಒಂದು ದಿನ ತಡವಾಗಿ ಚಿತ್ರ ರಿಲೀಸ್ ಆಗಿದ್ದರೂ ಕೂಡ ಇಂದು ವಿಜಯದಶಮಿಯಂದು ಬಿಡುಗಡೆಯಾಗಿರುವುದಕ್ಕೆ ಅಭಿಮಾನಿಗಳು ನಿನ್ನೆಯ ಬೇಸರ ಮರೆತು ಆನಂದಿಸಿದರು.
