ಕನ್ನಡದಲ್ಲಿ ಹೊಸ ಹೊಸ ಸಿನಿಮಾಗಳ ಅಬ್ಬರ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಹೋಗುತ್ತಿವೆ. ಅದರಲ್ಲೂ ಇತ್ತೀಚಿನ ಸಿನಿಮಾಗಳ ಹೆಸರು ಕೂಡ ಒಂಚೂರು ವಿಶೇಷತೆಯಿಂದ ಕೂಡಿದ್ದು ಸಿನಿ ಪ್ರಿಯರಿಗೆ ಕುತೂಹಲ ಹೆಚ್ಚಿಸುತ್ತಿವೆ. ಇದೀಗ ಇಂತಹದ್ದೇ ಒಂದು ಸಿನಿಮಾ ಕನ್ನಡದಲ್ಲಿ ರೆಡಿಯಾಗುತ್ತಿದೆ.
ಹೌದು ಸ್ಯಾಂಡಲ್ವುಡ್ನಲ್ಲಿ "ಆಮ್ಲೆಟ್" ಅನ್ನೋ ಸಿನಿಮಾ ಬರುತ್ತಿದ್ದು ಈ ಸಿನಿಮಾದಲ್ಲಿ ಸಂಯುಕ್ತ ಹೊರನಾಡು ನಟಿಸುತ್ತಿದ್ದಾರೆ. ಈ ಮೂಲಕ ಸಂಯುಕ್ತ ಸುದ್ದಿಯಲ್ಲಿದ್ದಾರೆ. ಈ ಆಮ್ಲೆಟ್ ಸಿನಿಮಾವನ್ನು ಸಿ.ವಿ.ಶಿವಶಂಕರ್ ನಿರ್ದೇಶನ ಮಾಡುತ್ತಿದ್ದು, ಸಿನಿಮಾಕ್ಕೆ ಓಂ ಪ್ರಕಾಶ್ ಮತ್ತು ಪ್ರಸನ್ನ ಬಂಡವಾಳ ಹೂಡಿದ್ದಾರೆ. ಸಿನಿಮಾವನ್ನು, ಬೆಂಗಳೂರು ಸುತ್ತ ಮುತ್ತ ಚಿತ್ರೀಕರಣ ಮಾಡಲಾಗುತ್ತಿದೆ.
‘ಆಮ್ಲೆಟ್’ ಚಿತ್ರ ಹಾಸ್ಯದ ವಸ್ತುವನ್ನು ಇಟ್ಟುಕೊಂಡು ತೆರೆಯ ಮೇಲೆ ಬರುತ್ತಿರವ ಸಿನಿಮಾವಂತೆ. ಇನ್ನು ಈ ಸಿನಿಮಾಕ್ಕೆ ವಿಷಕ ರಾಮ ಪ್ರಸಾದ್ ಸಂಗೀತ ಬರೆದಿದ್ದು ಸಿನಿಮಾದಲ್ಲಿ ನಾಲ್ಕು ಹಾಡುಗಳಿವೆಯಂತೆ. ಸಿ ಜಿ ಜೈದೇವನ್ ಛಾಯಾಗ್ರಹಣ, ಚಂದನ್ ಸಂಕಲನ, ಗುರುರಾಜ ದೇಸಾಯಿ ಸಂಭಾಷಣೆ, ಲಾರೆನ್ಸ್ ಪ್ರೀತಮ್ ಸಹ ನಿರ್ದೇಶನದಲ್ಲಿ ಸಿನಿಮಾ ಮೂಡಿಬರುತ್ತಿದೆ.
ಈ ಸಿನಿಮಾದಲ್ಲಿ ಸಂಯುಕ್ತ ಹೊರನಾಡು ಜತೆಗೆ ನವೀನ್, ನಿರಂಜನ್ ದೇಶ್ಪಾಂಡೆ, ಬಿ ದಿ ಸತೀಶ್ ಚಂದ್ರ, ಶೋಭರಾಜ್, ಶರ್ಮಿತ ಗೌಡ ಹಾಗೂ ಇತರರು ಅಭಿನಯಿಸಿದ್ದಾರೆ.
