ಪರಭಾಷೆಯಲ್ಲೂ ಮಿಂಚುತ್ತಿರುವ ಕನ್ನಡತಿಯರು: ಸ್ಟಾರ್ ನಟರ ಜೊತೆ ನಟಿಯರ ರೊಮ್ಯಾನ್ಸ್

ಕನ್ನಡದ ನಟಿಯರು ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಕನ್ನಡದ ಕೀರ್ತಿ ಹೆಚ್ಚಿಸುತ್ತಿರೋದು ಖುಷಿಯ ಸಂಗತಿ.

ಕನ್ನಡ ಚಿತ್ರರಂಗದಲ್ಲಿ ಚೊಚ್ಚಲ ಸಿನಿಮಾದಲ್ಲೇ ಸ್ಟಾರ್ ಪಟ್ಟಗಿಟ್ಟಿಸಿ, ಬಳಿಕ ಪರಭಾಷೆಯ ಸ್ಟಾರ್ ನಟರ ಜೊತೆ ಕನ್ನಡ ನಟಿಯರು ರೊಮ್ಯಾನ್ಸ್ ಮಾಡೋದು ಹೊಸತೇನಲ್ಲ. ಸುಮಲತಾ ಅಂಬರೀಷ್, ಸೌಂದರ್ಯ, ದೀಪಿಕಾ ಪಡುಕೋಣೆ.. ಹೀಗೆ ಸಾಕಷ್ಟು ಕನ್ನಡದ ನಟಿಯರು ತೆಲುಗು, ತಮಿಳು ಹಾಗೂ ಹಿಂದಿ ಸಿನಿಮಾಗಳಲ್ಲಿ ಮಿಂಚುತ್ತಿದ್ದಾರೆ.

ರಶ್ಮಿಕಾ ಮಂದಣ್ಣ

ಕರ್ನಾಟಕದ ಕ್ರಶ್ ಈಗ ನ್ಯಾಷನಲ್ ಕ್ರಶ್

ಸದ್ಯಕ್ಕೆ ಕನ್ನಡ ಚಿತ್ರರಂಗಕ್ಕಿಂತ ಹೆಚ್ಚು ಪರಭಾಷೆಯಲ್ಲಿ ಸಿಕ್ಕಾಪಟ್ಟೆ ಬೇಡಿಕೆ ಹೊಂದಿರುವ ಕನ್ನಡದ ಬೆಡಗಿ ಅಂದ್ರೆ ಅದು ರಶ್ಮಿಕಾ ಮಂದಣ್ಣ. ಯಾವಾಗ ಗೀತ ಗೋವಿಂದಂ ಸಿನಿಮಾ ಸೂಪರ್ ಹಿಟ್ ಆಯಿತೋ ರಶ್ಮಿಕಾ ಮಂದಣ್ಣ ಕರ್ನಾಟಕ ಕ್ರಶ್ ಬದಲು ನ್ಯಾಷನಲ್ ಕ್ರಶ್ ಆದರು.

ರಶ್ಮಿಕಾ ಈಗ ತೆಲುಗು, ತಮಿಳು ಹಾಗೂ ಹಿಂದಿ ಸಿನಿಮಾಗಳಲ್ಲಿ ಮಿಂಚುತ್ತಿದ್ದಾರೆ. ಮಹೇಶ್ ಬಾಬು, ಅಲ್ಲು ಅರ್ಜುನ್, ಕಾರ್ತಿ, ವಿಜಯ ದೇವರಕೊಂಡ ಹಾಗೂ ಸಿದ್ಧಾರ್ಥ್ ಮಲೋತ್ರಾ.. ಹೀಗೆ ಸ್ಟಾರ್​ ನಾಯಕರ ಜೊತೆ ನಟಿಸಿ ಖ್ಯಾತಿಯಾಗಿದ್ದಾರೆ.

ಪ್ರಣೀತಾ ಸುಭಾಷ್

ಪ್ರಣೀತಾ ಸುಭಾಷ್

ರಶ್ಮಿಕಾ ಮಂದಣ್ಣ ಬಳಿಕ ಪರಭಾಷೆಯಲ್ಲಿ ಡಿಮ್ಯಾಂಡ್ ಹೊಂದಿರುವ ನಟಿ ಪ್ರಣೀತಾ ಸುಭಾಷ್. ಪೊರ್ಕಿ ಚಿತ್ರದಿಂದ ಸಿನಿಮಾ ಜರ್ನಿ ಶುರು ಮಾಡಿದ ಪ್ರಣೀತಾ ಸುಭಾಷ್, ಭಾವ ಎಂಬ ತೆಲುಗು ಚಿತ್ರದಿಂದ ಟಾಲಿವುಡ್​ಗೆ ಎಂಟ್ರಿ ಕೊಟ್ಟಿದ್ದರು. ಅಲ್ಲಿಂದ ಪ್ರಣೀತಾ ಸುಭಾಷ್ ಸ್ಟಾರ್ ನಟರಾದ ಸಿದ್ದಾರ್ಥ್, ಪವನ್ ಕಲ್ಯಾಣ್, ಎನ್​ಟಿಆರ್, ಸೂರ್ಯ ಜೊತೆ ಪ್ರಣೀತಾ ಸುಭಾಷ್ ಸ್ಕ್ರೀನ್ ಹಂಚಿಕೊಂಡಿದ್ದಾರೆ.

ನಭಾ ನಟೇಶ್

ನಭಾ ನಟೇಶ್

ವಜ್ರಕಾಯ ಚಿತ್ರದಲ್ಲಿ, ಪಟಾಕ ಪಾರ್ವತಿ ನಭಾ ನಟೇಶ್, ಕನ್ನಡ ಸಿನಿಮಾಗಳಿಗಿಂತ ಈಗ ತೆಲುಗು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ನನ್ನು ದೋಚುಕುಂದುವಟೇ ಚಿತ್ರದ ಮೂಲಕ ಟಾಲಿವುಡ್​​​​ಗೆ ಎಂಟ್ರಿ ಕೊಟ್ಟ ನಭಾ ನಟೇಶ್​ ತೆಲುಗು ನಟರಾದ ನಿತಿನ್, ಸಾಯಿ ತೇಜ್ ರಾಮ್ ಸೇರಿದಂತೆ ಕೆಲ ಸ್ಟಾರ್ ನಟರ ಜೊತೆ ನಟಿಸಿ ಸೈ ಎನ್ನಿಸಿಕೊಂಡಿದ್ದಾರೆ.

ಶ್ರೀಲೀಲಾ

ಶ್ರೀಲೀಲಾ

ಕಿಸ್, ಭರಾಟೆ ಚಿತ್ರಗಳಲ್ಲಿ ಮಿಂಚಿದ ಶ್ರೀಲೀಲಾ ಈಗ ಪರಭಾಷೆಯಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿದ್ದಾರೆ. ತೆಲುಗಿನ ಪೆಳ್ಳಿಸಂದಡಿ-2 ಚಿತ್ರದ ಮೂಲಕ, ಟಾಲಿವುಡ್​ಗೆ ಪದಾರ್ಪಣೆ ಮಾಡಿರುವ ಶ್ರೀಲೀಲಾ, ಟಾಲಿವುಡ್ ಸ್ಟಾರ್ ನಟ ಶ್ರೀಕಾಂತ್ ಪುತ್ರ ರೋಷನ್ ಜೊತೆ ಶ್ರೀಲೀಲಾ ರೊಮ್ಯಾನ್ಸ್ ಮಾಡಿದ್ದಾರೆ. ಸದ್ಯ ಮಾಸ್ ಮಹಾರಾಜ್ ರವಿತೇಜಾ ಜೊತೆ ಶ್ರೀಲೀಲಾ ಸ್ಕ್ರೀನ್ ಹಂಚಿಕೊಳ್ಳೋದಿಕ್ಕೆ ರೆಡಿಯಾಗಿದ್ದಾರೆ.

ರಚಿತಾ ರಾಮ್

ಡಿಂಪಲ್ ಕ್ವೀನ್ ರಚಿತಾ ರಾಮ್

ಕನ್ನಡದ ಎಲ್ಲಾ ಸ್ಟಾರ್ ನಟರ ಜೊತೆ ನಟಿಸಿರುವ ಡಿಂಪಲ್ ಕ್ವೀನ್ ರಚಿತಾ ರಾಮ್ ಕೂಡ ತೆಲುಗು ಸಿನಿಮಾ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟಿದ್ದು ಆಗಿದೆ. ಸೂಪರ್‌ ಮಚ್ಚಿ ಎಂಬ ಚಿತ್ರದಲ್ಲಿ, ನಟ ಕಲ್ಯಾಣ್‌ ದೇವ್‌ಗೆ ಜೋಡಿಯಾಗಿ ರಚಿತಾ ರಾಮ್ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಬಳಿಕ ರಚಿತಾ ತಮಿಳು ಚಿತ್ರವೊಂದರಲ್ಲಿ ಅಭಿನಯಿಸಲಿದ್ದಾರೆ ಎನ್ನಲಾಗಿದೆ.

ಸುಕೃತಾ ವಾಗ್ಲೆ

ಸುಕೃತಾ ವಾಗ್ಲೆ

ಇನ್ನು ಜಟ್ಟಾ ಎಂಬ ಸಿನಿಮಾದಲ್ಲಿ ಬೋಲ್ಡ್ ಆಕ್ಟಿಂಗ್​ನಿಂದ ಸ್ಯಾಂಡಲ್​ವುಡ್​ನಲ್ಲಿ ಗಮನ ಸೆಳೆದಿದ್ದ ನಟಿ ಸುಕೃತಾ ವಾಗ್ಲೆ ಕೂಡ ರಾಮ ಚಕ್ಕನೆ ಸೀತಾ ಚಿತ್ರದ ಮೂಲಕ ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಕನ್ನಡದ ನಟಿಯರು ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಕನ್ನಡದ ಕೀರ್ತಿಯನ್ನು ಹೆಚ್ಚಿಸುತ್ತಿರೋದು ಖುಷಿಯ ವಿಚಾರವಾಗಿದೆ.

ಇದನ್ನೂ ಓದಿ: ಸಿಂಪಲ್ ಆಗಿ ಗೆಳಯನ ಜೊತೆ ಸಪ್ತಪದಿ ತುಳಿದ ಶುಭಾ ಪೂಂಜಾ!