ದಿನೇ ದಿನೆ ರಾಜ್ಯದಲ್ಲಿ 'ಕೊರೊನಾ' ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದೆ. ಜನರು ಮನೆಯಿಂದ ಹೊರ ಬರಲು ಹೆದರುತ್ತಿದ್ದಾರೆ. ಈ ನಡುವೆ ಜನವರಿ 22 ರಂದು ಪ್ರಧಾನಿ ನರೇಂದ್ರ ಮೋದಿ ಜನತಾ ಕರ್ಫ್ಯೂಗೆ ಮನವಿ ಮಾಡಿದ್ದಾರೆ. ಚಿತ್ರೀಕರಣದ ಚಟುವಟಿಕೆಗಳು ಕೂಡಾ ಬಂದ್ ಆಗಿವೆ. ಇದರಿಂದ ಸುಮಾರು 3000 ಚಿತ್ರ ಕಾರ್ಮಿಕರ ಪರಿಸ್ಥಿತಿ ಅತಂತ್ರವಾಗಿದೆ.
ಇನ್ನು ಶೂಟಿಂಗ್ ಬಂದ್ ಆಗಿದ್ದರಿಂದ ಸೆಲಬ್ರಿಟಿಗಳು ಆರಾಮವಾಗಿ ಮನೆಯಲ್ಲಿ ಕುಟುಂಬದವರೊಂದಿಗೆ ಕಾಲ ಕಳೆಯುತ್ತಿದ್ದಾರೆ. ಮೊನ್ನೆಯಷ್ಟೇ ರಿಷಭ್ ಶೆಟ್ಟಿ ಮಂಗಳೂರಿನ ತಮ್ಮ ಮನೆಯಲ್ಲಿ ಮಗನಿಗೆ ಎಣ್ಣೆ ಮಸಾಜ್ ಮಾಡುತ್ತಾ ಎಂಜಾಯ್ ಮಾಡುವ ಫೋಟೋವನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದರು. ಇದೀಗ ಗೋಲ್ಡನ್ ಸ್ಟಾರ್ ಗಣೇಶ್ ಕೂಡಾ ಮನೆಯಲ್ಲೇ ಉಳಿದುಕೊಂಡು ತಮ್ಮ ಪತ್ನಿ ಹಾಗೂ ಮಕ್ಕಳೊಂದಿಗೆ ಎಂಜಾಯ್ ಮಾಡುತ್ತಿದ್ದಾರೆ. ಶೂಟಿಂಗ್ ಶೂಟಿಂಗ್ ಅಂತ 24 ಗಂಟೆ ಕೂಡಾ ಬ್ಯುಸಿ ಇದ್ದ ಗಣೇಶ್ ಮನೆಯಲ್ಲಿ ಡೈನಿಂಗ್ ಟೇಬಲನ್ನು ಟೇಬಲ್ ಟೆನ್ನಿಸ್ ಮಾಡಿಕೊಂಡು ಪತ್ನಿ ಶಿಲ್ಪ ಜೊತೆ ಆಟವಾಡಿದ್ದಾರೆ. ಅಪ್ಪ ಅಮ್ಮನ ಆಟವನ್ನು ಮಕ್ಕಳಾದ ಚಾರಿತ್ಯ್ರ ಹಾಗೂ ವಿಹಾನ್ ನೋಡುತ್ತಾ ಎಂಜಾಯ್ ಮಾಡುತ್ತಿದ್ದಾರೆ. ಒಟ್ಟಿನಲ್ಲಿ ಕೊರೊನಾ ಬಿಸಿ ಯಾವಾಗ ಕಡಿಮೆಯಾಗಲಿದೆಯೋ ಕಾದು ನೋಡಬೇಕು.
