'ದಿ ಟರ್ಮಿನೇಟರ್' ಸಿನಿಮಾ ನೋಡಿರುವವರಿಗೆ ಅರ್ನಾಲ್ಡ್ ಶ್ವಾಜ್ನೆಗರ್ ಪರಿಚಯ ಇರುತ್ತೆ. ಆಸ್ಟ್ರೇಲಿಯಾದ ಪ್ರಜೆಯಾದ ಇವರು ಅದ್ಭುತ ನಟ ಮಾತ್ರವಲ್ಲ, ಉದ್ಯಮಿ, ರಾಜಕಾರಣಿ ಹಾಗೂ ದೇಹದಾರ್ಢ್ಯ ಪಟು ಕೂಡಾ.
- " class="align-text-top noRightClick twitterSection" data="">
ಹಾಲಿವುಡ್ ಸಾಹಸಮಯ ಚಿತ್ರಗಳ ಮೂಲಕ ಅರ್ನಾಲ್ಡ್ ಶ್ವಾಜ್ನೆಗರ್ ಜಗತ್ತಿನಾದ್ಯಂತ ಹೆಸರು ಮಾಡಿದವರು. ಅರ್ನಾಲ್ಡ್ ಇತ್ತೀಚೆಗೆ ಜೊಹಾನ್ಸ್ಬರ್ಗ್ನಲ್ಲಿ ಕ್ರೀಡಾಕೂಟದಲ್ಲಿ ಪಾಲ್ಗೊಂಡಿದ್ದ ವೇಳೆ ಅಭಿಮಾನಿಗಳೊಂದಿಗೆ ಮಾತನಾಡುವಾಗ ವ್ಯಕ್ತಿಯೊಬ್ಬ ಹಿಂದಿನಿಂದ ಬಂದು ಅರ್ನಾಲ್ಡ್ಗೆ ಕಾಲಿನಿಂದ ಒದ್ದಿದ್ದಾನೆ. ಹೊಡೆತದ ರಭಸಕ್ಕೆ ಅವರು ಕೆಳಗೆ ಬಿದ್ದಿದ್ದಾರೆ. ತಕ್ಷಣವೇ ಅಭಿಮಾನಿಗಳು ಆ ದುಷ್ಕರ್ಮಿಯನ್ನು ಹಿಡಿದು ಥಳಿಸಿ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಈ ಬಗ್ಗೆ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಪ್ರತಿಕ್ರಿಯಿಸಿರುವ ಅರ್ನಾಲ್ಡ್ 'ಆ ಜನಸಂದಣಿಯಲ್ಲಿ ಯಾರೋ ನೂಕಿದರು ಎಂದುಕೊಂಡಿದ್ದೆ, ಆದರೆ ವಿಡಿಯೋ ನೋಡಿದಾಗಲೇ ನನ್ನ ಮೇಲೆ ದಾಳಿ ನಡೆದಿದ್ದು ತಿಳಿಯಿತು. ಅಭಿಮಾನಿಗಳು ಈ ಬಗ್ಗೆ ಚಿಂತಿಸುವುದು ಬೇಡ. ನಾನು ಆರೋಗ್ಯವಾಗಿದ್ದೇನೆ. ನನಗೇನೂ ಆಗಿಲ್ಲ ಎಂದು ಹೇಳಿದ್ದಾರೆ.
- " class="align-text-top noRightClick twitterSection" data="">
ವಿಶ್ವವಿಖ್ಯಾತ ಸಿನಿಮಾ ನಟನಾಗಿದ್ದರೂ ಇದುವರೆಗೂ ಒಂದೂ ಕಪ್ಪುಚುಕ್ಕೆ ಇಲ್ಲದ ಅರ್ನಾಲ್ಡ್ ಅತ್ಯಂತ ಮೃದು ಸ್ವಭಾವದವರಾಗಿದ್ದು,ಸಮಾಜ ಸೇವೆ ಹಾಗೂ ಕ್ರೀಡೆಗಾಗಿ ಸಾಕಷ್ಟು ಹಣ ಖರ್ಚು ಮಾಡುತ್ತಿದ್ದಾರೆ.
ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವ ಗಣ್ಯವ್ಯಕ್ತಿ ಮೇಲೆ ಹಲ್ಲೆ ನಡೆದಿರುವುದಕ್ಕೆ ಎಲ್ಲೆಡೆ ಬೇಸರ,ಖಂಡನೆ ವ್ಯಕ್ತವಾಗಿದೆ.
