ಮುಂಬೈ: ನಿತ್ಯ ಶೂಟಿಂಗ್ನಲ್ಲಿ ನಿರತರಾಗುತ್ತಿದ್ದ ನಟ - ನಟಿಯರು ಕೊರೊನಾ ಕಾಟಕ್ಕೆ ಮನೆಯಲ್ಲೇ ಕೂತು ಬೇಸತ್ತು ಹೋಗಿದ್ದಾರೆ. ಕೆಲವರು ಲೈವ್ ಬಂದು ಅಭಿಮಾನಿಗಳ ಜೊತೆ ಸಂವಹನ ನಡೆಸುತ್ತಾರೆ. ಇನ್ನೂ ಕೆಲವರು ಹಾಡುಗಳಿಗೆ ಡ್ಯಾನ್ಸ್ ಮಾಡಿರುವ ವಿಡಿಯೋಗಳನ್ನು ಟ್ವಿಟರ್, ಫೇಸ್ಬುಕ್, ಇನ್ಸ್ಟಾಗ್ರಾಂಗಳಲ್ಲಿ ಹಂಚಿಕೊಂಡು ಅಭಿಮಾನಿಗಳನ್ನು ರಂಜಿಸುತ್ತಾರೆ.
ಅದೇ ರೀತಿ ಸ್ವೀಡನ್ ನಟಿ ಹಾಗೂ ಡ್ಯಾನ್ಸರ್ ಎಲಿ ಅವ್ರಾಮ್ ಅವರು ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಬಾಲಿವುಡ್ನ ಹಳೆಯ ಹಾಡುಗಳಿಗೆ ಹೊಸ ಶೈಲಿ ಮತ್ತು ಚಮತ್ಕಾರಿ ನೃತ್ಯ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿದೆ.
ಬಾಲಿವುಡ್ನ ಹಳೆಯ ಹಾಡುಗಳಾದ ಜಿಸ್ಕ ಮುಜೆ, ಚುರ ಲಿಯಾ ಹೈ ತುಮ್ನೆ ಜೊ ದಿಲ್ಕೊ...ಸೇರಿದಂತೆ ಇನ್ನೂ ಹಲವು ಹಳೆಯ ಹಾಡುಗಳಿಗೆ ಎಲಿ ಅವರು ಫ್ರೀಸ್ಟೈಲ್ ಡ್ಯಾನ್ಸ್ ಮಾಡಿದ್ದಾರೆ.
- " class="align-text-top noRightClick twitterSection" data="View this post on Instagram
Main: FREESTYLE 🐒🔈🎶 ——————————————— #oldisgold #ElliAvrRam #yourstruly #freestyle #lol
">
ಮನೆಯಲ್ಲಿ ಒಬ್ಬರೇ ಇದ್ದಾಗ ಏನು ಮಾಡುತ್ತೀರಾ? ನಾನು ಫ್ರೀಸ್ಟೈಲ್ ಡ್ಯಾನ್ಸ್ ಮಾಡುತ್ತೇನೆ ಎಂದು ಕ್ಯಾಪ್ಷನ್ ಬರೆದುಕೊಂಡಿದ್ದಾರೆ. ವಿಡಿಯೋಗೆ ಮಾಡಿರುವ ಕಾಮೆಂಟ್ಗಳಿಗೆ ಉತ್ತರಿಸುವ ಮೂಲಕ ಅಭಿಮಾನಿಗಳ ಜೊತೆ ಸಂವಹನ ನಡೆಸಿದ್ದಾರೆ.
ಅಭಿಮಾನಿಗಳು ಅಪಾರ ಪ್ರೀತಿ ತೋರಿಸಿದ್ದಾರೆ. ಕಾಮೆಂಟ್ ವಿಭಾಗದಲ್ಲಿ ಅಭಿನಂದನೆಗಳ ಸುರಿಮಳೆಯನ್ನೇ ಹರಿಸಿದ್ದಾರೆ. ನಟರು ಅಭಿಮಾನಿಗಳೊಂದಿಗೆ ಸಂಹವನ ನಡೆಸಲು ಒಂಥರಾ ಖುಷಿ ಸಿಗುತ್ತೆ ಎಂದು ಕೊನೆಯಲ್ಲಿ ಹೇಳಿದ್ದಾರೆ.
ಹಳೆಯ ಹಿಂದಿ ಗೀತೆಗಳನ್ನು ಕೇಳುತ್ತೀರಾ? ನಿಮಗೆ ಹಿಂದು ಅರ್ಥವಾಗುತ್ತದೆಯೇ? ಎಂದು ಅಭಿಮಾನಿಯೊಬ್ಬರು ಕೇಳಿದ ಪ್ರಶ್ನೆಗೆ ಎಲಿ ಅವ್ರಾಮ್ ಅವರು ಜಿ ಎಂದು ಹಿಂದಿಯಲ್ಲೇ ಉತ್ತರಿಸಿದ್ದಾರೆ.
ಕೊರೊನಾ ವೈರಸ್ ಇನ್ನೂ ಹೀಗೆ ಇದ್ದರೆ ನೀವು ಖಂಡಿತ ಹುಚ್ಚರಾಗುತ್ತೀರಾ ಎಂದು ಮತ್ತೊಬ್ಬ ಅಭಿಮಾನಿ ಹೇಳಿದ್ದಕ್ಕೆ ಮೇ ಬಚ್ಪನ್ ಸೇ ಐಸೆ ಹೂನ್ (ಚಿಕ್ಕ ವಯಸ್ಸಿನಿಂದ ನಾನು ಹೀಗೆ) ಎಂದು ಹಿಂದಿಯಲ್ಲೇ ಉತ್ತರಿಸಿದ್ದಾರೆ.
