ಈ ವಾರ ಬಿಗ್ಬಾಸ್ ಮನೆಯ ಸದಸ್ಯರಿಗೆ ಮುಂದಿನ ಕ್ಯಾಪ್ಟನ್ಸಿಗಾಗಿ ನೀಡಿದ್ದ ಟಾಸ್ಕ್ನಲ್ಲಿ ಅರವಿಂದ್ಗೆ ಕ್ಯಾಪ್ಟನ್ ದಿವ್ಯಾ ಉರುಡುಗ ಫೇವರ್ ಮಾಡಿದ್ದಾರೆ ಎಂದು ಪ್ರಶಾಂತ್ ಸಂಬರಗಿ ಗಂಭೀರ ಆರೋಪ ಮಾಡಿದ್ದಾರೆ.
ಕಣ್ಣಿಗೆ ಬಟ್ಟೆ ಕಟ್ಟಿ ಸ್ಪರ್ಧಿಗಳನ್ನು ವೃತ್ತಾಕಾರದಲ್ಲಿ ಕೂರಿಸಿ, ನೀರು ತುಂಬಿದ ಬಲೂನ್ಗಳನ್ನು ಕಟ್ಟಿ ಬಿಡುವುದು. ಯಾರಿಗೆ ತಾಗಿ ಬಲೂನ್ ಒಡೆಯುತ್ತದೆಯೋ ಅವರು ಔಟ್ ಎಂಬುದು ಟಾಸ್ಕ್. ಆದರೆ, ಈ ಟಾಸ್ಕ್ನಲ್ಲಿ ಅರವಿಂದ್ ಬಳಿ ಬಲೂನ್ ಹೋಗಲೇ ಇಲ್ಲ. ಅದಕ್ಕೆ ಹಣ ಗಳಿಸಲು ಬಿಗ್ಬಾಸ್ ನೀಡಿದ ಮೊದಲ ಟಾಸ್ಕ್ನಲ್ಲಿ ದಿವ್ಯಾ ಉರುಡುಗ, ಅರವಿಂದ್ ಅವರನ್ನು ಗೆಲ್ಲುವಂತೆ ಮಾಡಿದ್ದಾರೆ ಎಂದು ಪ್ರಶಾಂತ್ ಸಂಬರಗಿ ಚಕ್ರವರ್ತಿ ಬಳಿ ಮಾತನಾಡಿಕೊಂಡರು.
ಟಂಕ ಸಾಲೆ ಟಾಸ್ಕ್ನಲ್ಲಿ ದಿವ್ಯಾ ಸುರೇಶ್ ಅತಿಹೆಚ್ಚು ಹಣ ಗಳಿಸಿದ್ದಾರೆ. ವೈಷ್ಣವಿ ಹಾಗೂ ಮಂಜು ಉಳಿದ ಸ್ಥಾನಗಳಲ್ಲಿದ್ದಾರೆ. ಇಂದೂ ಕೂಡ ಹಣ ಗಳಿಸುವ ಟಾಸ್ಕ್ಗಳು ನಡೆಯಲಿವೆ.
ಸಂಚಾರಿ ವಿಜಯ್ ಸ್ಮರಣೆ
ಬಿಗ್ಬಾಸ್ ಮನೆಯಲ್ಲಿ ಚಕ್ರವರ್ತಿ, ಅಪಘಾತದಲ್ಲಿ ಇತ್ತೀಚೆಗೆ ನಿಧನರಾದ ರಾಷ್ಟ್ರಪ್ರಶಸ್ತಿ ಪುರಸ್ಕೃತ ನಟ ಸಂಚಾರಿ ವಿಜಯ್ ಅವರ ಭಾವಚಿತ್ರವಿರುವ ಟೀ ಶರ್ಟ್ ಧರಿಸಿ ಕವನ ವಾಚಿಸುವ ಮೂಲಕ ನುಡಿನಮನ ಸಲ್ಲಿಸಿದರು. ನಂತರ ಮನೆಯ ಸದಸ್ಯರು ಮೌನಾಚರಣೆ ಮಾಡಿದರು.
ಇದನ್ನೂ ಓದಿ: ಹಿರಿಯ ನಟ ದಿಲೀಪ್ ಕುಮಾರ್ ವಿಧಿವಶ.. ಬಾಲಿವುಡ್ನ 'ದೇವದಾಸ್' ಇನ್ನಿಲ್ಲ
