ಸ್ಯಾಂಡಲ್ವುಡ್ನಲ್ಲಿ ಅದೃಷ್ಟ ಪರೀಕ್ಷಿಸಲು ಪ್ರತಿದಿನ ಹೊಸ ತಂಡ ಗಾಂಧಿನಗರದತ್ತ ಬರುತ್ತಲೇ ಇದ್ದಾರೆ. 'ಯೆಲ್ಲೋ ಗ್ಯಾಂಗ್ಸ್' ಎಂಬ ವಿಭಿನ್ನ ಶೀರ್ಷಿಕೆಯೊಂದಿಗೆ ಮತ್ತೊಂದು ಹೊಸಬರ ತಂಡ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ನೀಡಿದೆ. ರವೀಂದ್ರ ಪರಮೇಶ್ವರಪ್ಪ ಎಂಬ ಯುವಪ್ರತಿಭೆ ಈ ಚಿತ್ರದ ನಿರ್ಮಾಣದ ಜೊತೆಗೆ ನಿರ್ದೇಶನ ಕೂಡಾ ಮಾಡುತ್ತಿದ್ದಾರೆ.
'ಯೆಲ್ಲೋ ಗ್ಯಾಂಗ್ಸ್' ತಂಡಕ್ಕೆ ಯೋಗರಾಜ್ ಭಟ್ ಶುಭ ಹಾರೈಕೆ
'ಯೆಲ್ಲೋ ಗ್ಯಾಂಗ್ಸ್' ಕ್ರೈಂ, ಥ್ರಿಲ್ಲರ್ ಕಥೆ ಆಧರಿಸಿರುವ ಸಿನಿಮಾ. ಯುವ ಪ್ರತಿಭೆಗಳಾದ ಬಲರಾಜ್ ವಾಡಿ, ನಾಟ್ಯ ರಂಗ, ನವೀನ್ ದೇವಯ್ಯ, ಅರ್ಚನಾ ಕೊಟ್ಟಿಗೆ, ಸತ್ಯ ಉಮ್ಮತ್ತಾಲ್ ಈ ಸಿನಿಮಾದ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಈ ಹೊಸಬರ ತಂಡಕ್ಕೆ ವಿಕಟ ಕವಿ , ನಿರ್ದೇಶಕ ಯೋಗರಾಜ್ ಭಟ್ ಚಿತ್ರದ ಶೀರ್ಷಿಕೆಯನ್ನು ಬಿಡುಗಡೆ ಮಾಡುವ ಮೂಲಕ ಶುಭ ಕೋರಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ #thegangsarehere (ದಿ ಗ್ಯಾಂಗ್ಸ್ ಆರ್ ಹಿಯರ್) ಎಂದು ಶುರುವಾದ ಚಿತ್ರದ ಪ್ರಚಾರವು ತನ್ನ ವಿಭಿನ್ನ ಟೈಟಲ್ನಿಂದ ಜನರ ಗಮನ ಸೆಳೆಯುತ್ತಿದೆ.
