ವರ್ಷದ ಕೊನೆಯಲ್ಲಿ ಹಲವಾರು ವರದಿಗಳು ಪ್ರಕಟವಾಗುತ್ತವೆ. ಇದೇ ಹಿನ್ನೆಲೆಯಲ್ಲಿ ಇಂಗ್ಲೆಂಡ್ನ ವೆಸ್ಟರನ್ ಐ ಎನ್ನುವ ಮಾಸಪತ್ರಿಕೆ ಸಿನಿಮಾ ಬಗ್ಗೆ ವರದಿಯೊಂದನ್ನ ಪ್ರಕಟ ಮಾಡಿದೆ.
ಈ ವರದಿಯ ಪ್ರಕಾರ 2019ರ ಏಷ್ಯಾದ ಮಾದಕ ಚೆಲುವೆಯರ(ಮೋಸ್ಟ್ ಸೆಕ್ಸಿಯೆಸ್ಟ್) ಪಟ್ಟಿಯಲ್ಲಿ ಬಾಲಿವುಡ್ ನಟಿ ಆಲಿಯಾಭಟ್ ಮೊದಲ ಸ್ಥಾನ ಪಡೆದಿದ್ದಾರೆ. ಇದೇ ಪಟ್ಟಿಯಲ್ಲಿ ದೀಪಿಕಾ ಪಡುಕೋಣೆ ಎರಡನೇ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಇನ್ನು ಈ ದಶಕದ ಸೆಕ್ಸಿಯೆಸ್ಟ್ ವಿಮೆನ್ ಪಟ್ಟಿಯಲ್ಲಿ ದೀಪಿಕಾ ಪಡುಕೋಣೆ ಮೊದಲ ಸ್ಥಾನ ಪಡೆದಿದ್ದಾರೆ.
ಇನ್ನು ಈ ಪಟ್ಟಿಯನ್ನು ಸಿದ್ಧಪಡಿಸುವಾಗ ಆನ್ಲೈನ್ ವೋಟಿಂಗ್ ನಡೆಸಲಾಗಿದೆಯಂತೆ. ಅಲ್ಲದೆ ಆಲಿಯಾ ಭಟ್ ಅಭಿನಯದ ಗಲ್ಲಿ ಬಾಯ್ ಚಿತ್ರದಿಂದಲೂ ಇವರಿಗೆ ಹೆಚ್ಚು ಅಂಕಗಳು ಸಿಕ್ಕಿವೆ ಎನ್ನಲಾಗುತ್ತಿದೆ.
ಈ ಬಗ್ಗೆ ಮಾತನಾಡಿರುವ ಆಲಿಯಾ, ನಿಜವಾದ ಸೌಂದರ್ಯ ಮನಸ್ಸಿನಲ್ಲಿರುತ್ತದೆ. ಒಳ್ಳೆಯ ಮನಸ್ಸಿರುವವರೇ ಯಾವಾಗಲೂ ಗೆಲ್ಲುತ್ತಾರೆ ಎಂದು ಹೇಳಿದ್ದಾರೆ.
ದೀಪಿಕಾ ಪಡುಕೋಣೆ ಮಾತನಾಡಿದ್ದು, ನನಗೆ ಪ್ರತಿ ವರ್ಷ ವೋಟ್ ಮಾಡಿ ಆಯ್ಕೆ ಮಾಡುತ್ತಿರುವ ಅಭಿಮಾನಿಗಳಿಗೆ ಧನ್ಯವಾದ. ಈ ನಿಮ್ಮ ದಶಕದ ಪ್ರೀತಿಗೆ ನಾನು ತಲೆಬಾಗುತ್ತೇನೆ ಎಂದಿದ್ದಾರೆ.
ಇನ್ನು ಮೋಸ್ಟ್ ಸೆಕ್ಸಿಯೆಸ್ಟ್ ವಿಮೆನ್ ಪಟ್ಟಿಯಲ್ಲಿ ಕತ್ರಿನಾ ಕೈಫ್ ನಾಲ್ಕನೇ ಸ್ಥಾನ ಮತ್ತು ಸೋನಮ್ ಕಪೂರ್ 10ನೇ ಸ್ಥಾನ ಪಡೆದಿದ್ದಾರೆ.
