'ಡೆಡ್ಲಿ ಅಫೇರ್' ಸಿನಿಮಾ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಆಂಗ್ಲಭಾಷೆಯ ಶೀರ್ಷಿಕೆ ಇರುವ ಈ ಸಿನಿಮಾಗೆ ಹಿಂದಿ ಭಾಷೆಯ ಮೇಕಿಂಗ್ ಛಾಪು ನೀಡಲಾಗಿದೆ. ಚಿತ್ರದ ನಾಯಕಿ ಗುಂಜಾನ್ ಅರಸ್ ಈ ಚಿತ್ರಕ್ಕೆ ವಸ್ತ್ರ ವಿನ್ಯಾಸ ಮಾಡಿದ್ದಾರೆ.
ಈ ಚಿತ್ರಕ್ಕೆ ರಾಜೇಶ್ ಮೂರ್ತಿ ನಿರ್ದೇಶನ ಮಾಡಿದ್ದು ಹಿಂದಿಯ ಖ್ಯಾತ ನಿರ್ದೇಶಕ ಮಹೇಶ್ ಭಟ್ ಸಿನಿಮಾಗಳ ಛಾಪು ಇದೆ ಎನ್ನಲಾಗುತ್ತಿದೆ. ನಾನು ಈ ಥ್ರಿಲ್ಲರ್ ಕಥಾವಸ್ತು ಇರುವ ಸಿನಿಮಾವನ್ನು ನಿರ್ದೇಶಿಸಲು ಮಹೇಶ್ ಭಟ್ ಅವರೇ ಸ್ಫೂರ್ತಿ ಎನ್ನುತ್ತಾರೆ ರಾಜೇಶ್. ಈ ಸಿನಿಮಾ ಕೂಡಾ ಹಿಂದಿಯ ಮರ್ಡರ್, ಜಿಸ್ಮ್ 2 ಮಾದರಿಯಲ್ಲೇ ಇರಲಿದೆ. ಮಲ್ಲಿಕಾ ಶೆರಾವತ್, ಬಿಪಾಷಾ ಬಸು, ಸನ್ನಿ ಲಿಯೋನ್ ಸಾಲಿಗೆ ಈ ಚಿತ್ರದ ನಾಯಕಿ ಗುಂಜಾನ್ ಅರಸ್ ಹೆಸರನ್ನು ಸೇರಿಸಬಹುದು ಎನ್ನುತ್ತಾರೆ ನಿರ್ದೇಶಕ ರಾಜೇಶ್ ಮೂರ್ತಿ. ಈ ಚಿತ್ರದಲ್ಲಿ ವಿವಾಹೇತರ ಸಂಬಂಧದ ಕೆಡುಕುಗಳನ್ನು ಹೇಳುವ ಪ್ರಯತ್ನ ಮಾಡಲಾಗಿದೆ. ‘ಡೆಡ್ಲಿ ಅಫೇರ್’ ಸಿನಿಮಾ ಮುಂದಿನ ತಿಂಗಳು ತೆರೆಗೆ ಬರಲಿದೆ. ಓಂ ಶ್ರೀ ಸಿನಿಮಾಸ್ ಅಡಿಯಲ್ಲಿ ರಾಜೇಶ್ ಮೂರ್ತಿ ಅವರೇ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ಕೂಡಾ ಬರೆದಿದ್ದಾರೆ.
ಗುಂಜಾನ್ ಅರಸ್ ಮೂಲತ: ಮಧ್ಯಪ್ರದೇಶದ ಇಂಧೋರ್ನವರು. ಗುಂಜಾನ್ ಹಾಟ್ ಲುಕ್ಗೆ ಫೇಮಸ್ ಆಗಿದ್ದಾರೆ. ಮಾಡೆಲ್ ಹಾಗೂ ನಟಿ ಆಗಿರುವ ಗುಂಜಾನ್ ಅರಸ್, 'ಬೀರ್ ಬಾಯ್ಸ್ ಮತ್ತು ವೋಡ್ಕಾಗಲ್ರ್ಸ್' ವೆಬ್ಸೀರೀಸ್ನಲ್ಲಿ ನಟಿಸಿ ನಂತರ ತೆಲುಗು ಚಿತ್ರರಂಗಕ್ಕೆ ಬಂದರು. ನಾಯಕನಾಗಿ ಸ್ವಪನ್ ಕೃಷ್ಣ, ನಾಯಕಿಯಾಗಿ ಗುಂಜಾನ್ ಅರಸ್ ನಟಿಸಿದ್ದರೆ ಉಳಿದಂತೆ ಸೋಮಣ್ಣ, ರಾಜೇಶ್ ಮಿಶ್ರ, ವಿಶ್ರುತ್ ಹಾಗೂ ಇನ್ನಿತರರು ತಾರಾಗಣದಲ್ಲಿದ್ದಾರೆ.
