ಬೆಂಗಳೂರು: ಚಿತ್ರಿಕರಣ ಸಮಯದಲ್ಲಿ ಶೂಟಿಂಗ್ ಸೆಟ್ಗೆ ಹೋಗಿ ಮುತ್ತಿಗೆ ಹಾಕಿದ್ದು ಸರಿಯಲ್ಲ. ಇದರಿಂದ ನಿರ್ಮಾಪಕನಿಗೆ ನಷ್ಟ ಆಗುತ್ತೆ ಎಂದು ನಟ ಜಗ್ಗೇಶ್ ಮೇಲೆ ದರ್ಶನ್ ಅಭಿಮಾನಿಗಳ ಮುತ್ತಿಗೆ ವಿಚಾರವಾಗಿ ಚಲನಚಿತ್ರ ವಾಣಿಜ್ಯ ಮಂಡಳಿ ಮಾಜಿ ಅಧ್ಯಕ್ಷ ಸಾ.ರಾ ಗೋವಿಂದು ಪ್ರತಿಕ್ರಿಯೆ ನೀಡಿದ್ದಾರೆ.
ವಿಧಾನಸೌಧದಲ್ಲಿ ಮಾತನಾಡಿದ ಅವರು, ಏನೇ ಇದ್ದರೂ ಅವರವರೇ ಕುಳಿತು ಸಮಸ್ಯೆ ಬಗೆಹರಿಸಿಕೊಳ್ಳಬೇಕು, ಈ ಕುರಿತು ಸುದ್ದಿಗೋಷ್ಠಿ ನಡೆಸಿ ಸ್ಪಷ್ಟನೆ ನೀಡಬೇಕು. ಆದ್ರೆ ಚಿತ್ರೀಕರಣ ನಡೆಯುತ್ತಿದ್ದ ಸ್ಥಳಕ್ಕೆ ಹೋಗಿ ಮುತ್ತಿಗೆ ಹಾಕಿದ್ದು ಸರಿಯಲ್ಲ ಎಂದರು.
ಓದಿ-ನಾನು ದರ್ಶನ್ ಬಗ್ಗೆ ಮಾತಾಡಿಲ್ಲ ಬಿಟ್ಬಿಡಿ, ನಮ್ಮ ನಡುವೆ ಹುಳಿ ಹಿಂಡುತ್ತಿದ್ದಾರೆ : ಜಗ್ಗೇಶ್ ಸ್ಪಷ್ಟನೆ
ಚಿತ್ರನಗರಿ ಕುರಿತು ಸರ್ಕಾರಕ್ಕೆ ಕಾಲಮಿತಿ ನೀಡುವ ಪರಿಸ್ಥಿತಿ ಈಗ ಇಲ್ಲ
ಇದೇ ಸಂದರ್ಭದಲ್ಲಿ ಚಿತ್ರನಗರಿ ಬಗೆಗಿನ ಪ್ರಶ್ನೆಗೆ, ಆರಂಭಕ್ಕೆ ಯಾವುದೇ ಡೆಡ್‌ಲೈನ್ ಕೊಟ್ಟಿಲ್ಲ , ಸರ್ಕಾರಕ್ಕೆ ಕಾಲಮಿತಿ ನೀಡುವ ಪರಿಸ್ಥಿತಿ ಈಗ ಇಲ್ಲ. ಈ ಹಿಂದೆ ರಾಜ್ ಕುಮಾರ್ ಅವರ ಕಾಲ ಇತ್ತು. ಆಗ ಸರ್ಕಾರಕ್ಕೆ ಡೆಡ್ ಲೈನ್ ಕೊಟ್ಟರೆ ಎಲ್ಲವೂ ಆಗುತ್ತಿತ್ತು, ಈಗ ನಾವು ಮನವಿ ಮಾಡಿಕೊಂಡಿದ್ದೇವೆ ಅಷ್ಟೇ ಎಂದು ಅಸಹಾಯಕತೆ ತೋರ್ಪಡಿಸಿದರು.
