ಬಾಕ್ಸ್ ಆಫೀಸು ಸುಲ್ತಾನ ಡಿ ಬಾಸ್ ದರ್ಶನ್ ತಮ್ಮ ಮ್ಯಾನೇಜರ್ ಬದಲಾವಣೆ ಮಾಡಿದ್ದಾರೆ. ಇಷ್ಟು ದಿನ ದರ್ಶನ್ಗೆ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದ ಶ್ರೀನಿವಾಸ್ ಅವರನ್ನು ತೂಗುದೀಪ ಪರಿವಾರ ಹಾಗೂ ಅಭಿಮಾನಿ ಸಂಘದ ವ್ಯಾವಹಾರಿಕ ಕೆಲಸಗಳಿಂದ ದೂರ ಇಡಲಾಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ದರ್ಶನ್, ಶ್ರೀನಿವಾಸ್ ಮತ್ತು ನನ್ನ ವಿಚಾರವಾಗಿ ಯಾರೂ ಶ್ರೀನಿವಾಸ್ ಅವರನ್ನು ಸಂಪರ್ಕ ಮಾಡುವುದು ಬೇಡ ಎಂದಿದ್ದಾರೆ.
ಡಿ ಬಾಸ್ ತಂಡದಲ್ಲಿ ಬಹಳ ವರ್ಷಗಳ ಕಾಲ ಇದ್ದ ಮಲ್ಲಿಕಾರ್ಜುನ್ (ಮೊದಲಸಲಾ ಸಿನಿಮಾ ನಿರ್ದೇಶಕ) ಸಹ ಕಳೆದ ವರ್ಷದಿಂದ ನಾಪತ್ತೆಯಾಗಿದ್ದಾರೆ. ಮಲ್ಲಿಕಾರ್ಜುನ್ ಅವರನ್ನು ತೂಗುದೀಪ ವಿತರಣೆ ಸಂಸ್ಥೆಗೆ ನೇಮಕ ಮಾಡಲಾಗಿತ್ತು. ಅವರಿಂದ ವ್ಯವಹಾರದಲ್ಲಿ ದರ್ಶನ್ಗೆ ಅಪಾರ ನಷ್ಟವಾಗಿತ್ತು ಎಂಬ ಮಾತುಗಳು ಕೇಳಿ ಬಂದಿದ್ದವು.
ಈಗ ದರ್ಶನ್ ಜೊತೆಯಿದ್ದ ಮ್ಯಾನೇಜರ್ ಶ್ರೀನಿವಾಸ್ ಕೂಡಾ ಬದಲಾವಣೆಯಾಗಿದ್ದು ಅಭಿಮಾನಿಗಳ ಪೇಜ್ನಲ್ಲಿ ತಿಳಿಸಲಾಗಿದೆ. ಆದರೆ ಇದುವರೆಗೂ ದರ್ಶನ್, ಮಲ್ಲಿಕಾರ್ಜುನ್ ಬಗ್ಗೆ ಯಾವುದೇ ಹೇಳಿಕೆ ನೀಡಿಲ್ಲ.
'ದರ್ಶನ್ ಜೊತೆ ಮನಸ್ತಾಪ ಬಂದಿದ್ದು ನಿಜ'
ದರ್ಶನ್ ಮತ್ತು ನನ್ನ ನಡುವೆ ಕೆಲಸದ ವಿಚಾರವಾಗಿ ಮನಸ್ತಾಪ ಬಂದಿದ್ದು ನಿಜ ಅಂತ ಮ್ಯಾನೇಜರ್ ಶ್ರೀನಿವಾಸ್ ಹೇಳಿಕೆ ನೀಡಿದ್ದಾರೆ. ಈ ಬಗ್ಗೆ ಫೇಸ್ ಬುಕ್ನಲ್ಲಿ ಬರೆದುಕೊಂಡಿರುವ ಶ್ರೀನಿವಾಸ್, ನಾನು ಕಳೆದ ಸೆಪ್ಟೆಂಬರ್ 18 ರಿಂದ ದರ್ಶನ್ ಬಳಿ ಕೆಲಸ ಬಿಟ್ಟಿದ್ದೇನೆ. ನನ್ನ ಮೇಲೆ ಯಾರೂ ಸಹ ಇಲ್ಲಸಲ್ಲದ ಆರೋಪ ಹೊರಿಸಬೇಡಿ. ನನಗೂ ಕುಟುಂಬ ಇದೆ. ನಾನು ಬೆಂಗಳೂರು ಬಿಟ್ಟು ಎಲ್ಲಿಗೂ ಹೋಗಿಲ್ಲ. ಇಲ್ಲಿಯೇ ಕೆಲಸ ಮಾಡಿಕೊಂಡು ಇದ್ದೇನೆ ಅಂತ ಹೇಳಿದ್ದಾರೆ.
- " class="align-text-top noRightClick twitterSection" data="">
