ಸ್ಯಾಂಡಲ್ವುಡ್ನಲ್ಲಿ ಕೆಲ ಸ್ಟಾರ್ ನಟರು ಶೂಟಿಂಗ್ ಇಲ್ಲಾ ಅಂದ್ರೆ ಫ್ಯಾಮಿಲಿ ಹಾಗೂ ಸ್ನೇಹಿತರ ಜೊತೆಗೂಡಿ ಬೈಕ್ ರೈಡಿಂಗ್ ಅಥವಾ ಸೈಕ್ಲಿಂಗ್ ಹೋಗೋದು ಕಾಮನ್ ಆಗಿದೆ. ಈಗ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಶೂಟಿಂಗ್ ಇಲ್ಲದ ಕಾರಣ ಬೈಕ್ನಲ್ಲಿ ಲಾಂಗ್ ರೈಡ್ ಹೊರಟಿದ್ದಾರೆ.
ದರ್ಶನ್ ತಮ್ಮ ಹತ್ತು ಜನ ಸ್ನೇಹಿತರ ಜೊತೆಗೂಡಿ ಲಾಂಗ್ ಬೈಕ್ ರೈಡಿಂಗ್ ಹೋಗಿದ್ದಾರೆ. ಸದ್ಯ ರಾಜರಾಜೇಶ್ವರಿ ನಗರದಲ್ಲಿರುವ ದರ್ಶನ್ ನಿವಾಸದಲ್ಲಿ ಹತ್ತು ಜನ ಸ್ನೇಹಿತರು ಬೈಕ್ ಏರಿ ಹೋಗುವ ಸಂದರ್ಭದಲ್ಲಿ ದರ್ಶನ್ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.
ನೀಲಿ ಬಣ್ಣದ ಬೈಕ್ನಲ್ಲಿ ದರ್ಶನ್ ಜೊತೆಗೆ ರಾಬರ್ಟ್ ನಿರ್ಮಾಪಕ ಉಮಾಪತಿ, ಧರ್ಮ ಕೀರ್ತಿ ರಾಜ್ ಸೇರಿದಂತೆ ದರ್ಶನ್ರ ಕೆಲ ಆಪ್ತರು ಹೋಗಿದ್ದಾರೆ. ಮೂರು ದಿನಗಳ ಕಾಲ ದರ್ಶನ್ ಸಕಲೇಶಪುರ, ಮಡಿಕೇರಿ, ಊಟಿ ಸೇರಿದಂತೆ ಹಲವಾರು ಬ್ಯೂಟಿಫುಲ್ ಲೊಕೇಶನ್ಗಳಿಗೆ ಜಾಲಿ ರೈಡ್ ಹೋಗಲಿದ್ದಾರಂತೆ.
ಈ ಬೈಕ್ ರೈಡ್ ಮುಗಿಸಿಕೊಂಡು ಬಂದ ಬಳಿಕ ರಾಕ್ಲೈನ್ ವೆಂಕಟೇಶ್ ನಿರ್ಮಾಣದ ರಾಜ ವೀರ ಮದಕರಿ ನಾಯಕ ಸಿನಿಮಾ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರಂತೆ.
