ರಾಜಕೀಯ ವಿಡಂಬನಾತ್ಮಕ ಸಿನಿಮಾ ಹಂಬಲ್ ಪೊಲಿಟಿಷಿಯನ್ ನೊಗ್ರಾಜ್ ಮತ್ತೆ ಸುದ್ದಿಯಲ್ಲಿದೆ. ಗಲ್ಲಾಪೆಟ್ಟಿಗೆಯಲ್ಲಿ ಸಾಧಾರಣ ಯಶಸ್ಸು ಸಾಧಿಸಿದ್ದ ಈ ಸಿನಿಮಾದ ಎರಡನೇ ಭಾಗ ಬರಲು ಸಿದ್ಧವಾಗಿದೆ.
ರೇಡಿಯೋ ಜಾಕಿ, ನಿರೂಪಕ, ಆರ್ಸಿಬಿ ಇನ್ಸೈಡರ್ ಶೋಗಳ ಮೂಲಕ ಹೆಸರು ಗಳಿಸಿದ್ದ ಡಾನಿಷ್ ಸೇಟ್ ನಾಯಕನಾಗಿ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟಿದ್ದ ಚಿತ್ರವೇ ಹಂಬಲ್ ಪೊಲಿಟಿಷಿಯನ್ ನೊಗ್ರಾಜ್.
ರಾಜಕೀಯವನ್ನೇ ಚಿತ್ರದ ಮುಖ್ಯ ಎಳೆಯಾಗಿಟ್ಟುಕೊಂಡು ನಿರ್ಮಾಣವಾಗಿದ್ದ ನೊಗ್ರಾಜ್ ಚಿತ್ರವನ್ನು ಸಾದ್ ಖಾನ್ ನಿರ್ದೇಶನ ಮಾಡಿದ್ದರು. ಸುಮುಖಿ ಸುರೇಶ್, ಶೃತಿ ಹರಿಹರನ್, ರೋಜರ್ ನಾರಾಯಣ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದರು.
ವಿಮರ್ಶಕರು ಹಾಗೂ ಚಿತ್ರ ನೋಡಿದ ಪ್ರೇಕ್ಷಕರು ನೊಗ್ರಾಜ್ ಬಗ್ಗೆ ಉತ್ತಮ ರೆಸ್ಪಾನ್ಸ್ ನೀಡಿದ್ದರು. ಆದರೆ ಕಲೆಕ್ಷನ್ ವಿಚಾರದಲ್ಲಿ ಈ ಚಿತ್ರ ನಿರ್ಮಾಪಕರ ಜೋಳಿಗೆ ತುಂಬಿಸುವಲ್ಲಿ ವಿಫಲವಾಗಿತ್ತು.
ಸದ್ಯ ಸಾದ್ ಖಾನ್ ಎರಡನೇ ಭಾಗಕ್ಕೆ ಕಥೆಯನ್ನು ಸಿದ್ಧಪಡಿಸಿದ್ದು, ಡಾನಿಷ್ ಸೇಟ್ ಮತ್ತೆ ಹಂಬಲ್ ಪೊಲಿಟಿಷಿಯನ್ ನೊಗ್ರಾಜ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನುಳಿದ ಕಲಾವಿದರು ಹಾಗೂ ತಂತ್ರಜ್ಞರ ಆಯ್ಕೆ ಸದ್ಯ ನಡೆಯುತ್ತಿದೆ.
