ಮೋದಿ ಬಯೋಪಿಕ್​​ ರಿಲೀಸ್​ಗೆ 'ಕೈ' ಅಡ್ಡಗಾಲು... ಬಿಡುಗಡೆ ಮುಂದೂಡಲು ಇಸಿಗೆ ಮನವಿ

ಈಗಾಗಲೇ ಚುನಾವಣಾ ನೀತಿ ಸಂಹಿತೆ ಜಾರಿಯಲ್ಲಿದ್ದು ಈ ವೇಳೆ ಮೋದಿ ಬಯೋಪಿಕ್ ಬಿಡುಗಡೆ ಮಾಡುವಂತಿಲ್ಲ, ಒಂದು ವೇಳೆ ಚಿತ್ರ ರಿಲೀಸ್ ಆದಲ್ಲಿ ಮತದಾರರ ಮೇಲೆ ಪ್ರಭಾವ ಬೀರಲಿದೆ ಎಂದು ಕಾರಣ ನೀಡಿ ಚಿತ್ರದ ಬಿಡುಗಡೆ ಮುಂದೂಡಬೇಕೆಂದು ಕಾಂಗ್ರೆಸ್ ಮನವಿ ಮಾಡಿದೆ.

ನವದೆಹಲಿ: ಪ್ರಧಾನಿ ಮೋದಿ ಬಯೋಪಿಕ್​ ಸಿನಿಮಾ ಸದ್ಯ ಸಂಕಷ್ಟಕ್ಕೆ ಸಿಲುಕಿದ್ದು ಚಿತ್ರವನ್ನು ಚುನಾವಣೆಯ ಬಳಿಕ ಅಂದರೆ ಮೇ 19ರ ನಂತರ ಬಿಡುಗಡೆ ಮಾಡಬೇಕು ಎಂದು ಚುನಾವಣಾ ಆಯೋಗದ ಮುಂದೆ ಮನವಿ ಸಲ್ಲಿಸಿದೆ.

ಈಗಾಗಲೇ ಚುನಾವಣಾ ನೀತಿ ಸಂಹಿತೆ ಜಾರಿಯಲ್ಲಿದ್ದು ಈ ವೇಳೆ ಮೋದಿ ಬಯೋಪಿಕ್ ಬಿಡುಗಡೆ ಮಾಡುವಂತಿಲ್ಲ, ಒಂದು ವೇಳೆ ಚಿತ್ರ ರಿಲೀಸ್ ಆದಲ್ಲಿ ಮತದಾರರ ಮೇಲೆ ಪ್ರಭಾವ ಬೀರಲಿದೆ ಎಂದು ಕಾರಣ ನೀಡಿ ಚಿತ್ರದ ಬಿಡುಗಡೆ ಮುಂದೂಡಬೇಕೆಂದು ಕಾಂಗ್ರೆಸ್ ಮನವಿ ಮಾಡಿದೆ.

ಮೋದಿ ಪಾತ್ರದಲ್ಲಿ ನಟ ವಿವೇಕ್ ಒಬೇರಾಯ್

ಕೆಲ ದಿನಗಳ ಹಿಂದೆ ಚಿತ್ರದ ಟ್ರೇಲರ್​ ಬಿಡುಗಡೆಯಾಗಿದ್ದು, ಇದರಲ್ಲಿ ಸಿನಿಮಾ ಎಪ್ರಿಲ್ 5ರಂದು ರಿಲೀಸ್ ಆಗಲಿದೆ ಎಂದು ಘೋಷಿಸಿತ್ತು. ಇದಕ್ಕೂ ಮುನ್ನ ಎಪ್ರಿಲ್​​ 12ರಂದು ರಿಲೀಸ್ ಆಗಲಿದೆ ಎನ್ನಲಾಗಿತ್ತು.

ಎಪ್ರಿಲ್​ 11ರಂದು ಲೋಕಸಭಾ ಚುನಾವಣೆ ಆರಂಭವಾಗಲಿದ್ದು ಒಟ್ಟಾರೆ ಏಳು ಹಂತದಲ್ಲಿ ನಡೆಯುವ ಎಲೆಕ್ಷನ್ ಮೇ 19ರಂದು ಮುಕ್ತಾಯವಾಗಲಿದೆ. ಮೇ 23ರಂದು ಫಲಿತಾಂಶ ಹೊರಬೀಳಲಿದೆ.