ಬೆಂಗಳೂರು ಎಂಬ ಮೆಟ್ರೋಪಾಲಿಟನ್ ಸಿಟಿಯಲ್ಲಿ ಕನ್ನಡಿಗರು ಹಾಗು ಕನ್ನಡ ಭಾಷೆಯ ಮೇಲೆ ದೌರ್ಜನ್ಯ ಆಗೋದು ಹೊಸತೇನಲ್ಲ. ಯಾಕೆಂದರೆ ಬೆಂಗಳೂರಿನ ಕೆಲವೊಂದು ಮಾಲ್ಗಳಲ್ಲಿ ಕನ್ನಡಿಗರಿಗೆ ಆಗಾಗ ಅನ್ಯಾಯ ಆಗುತ್ತಿದೆ. ಬೆಂಗಳೂರಿನ ಬಹುತೇಕ ಪಬ್ಗಳಲ್ಲಿ ಕನ್ನಡ ಹಾಡುಗಳನ್ನು ಹಾಕೋದಿಲ್ಲ ಎಂಬ ಮಾತುಗಳು ಕೇಳಿ ಬಂದಿವೆ.
ಈ ಮಾತಿಗೆ ಪೂರಕವಾಗ ರ್ಯಾಪರ್ ಚಂದನ್ ಶೆಟ್ಟಿ ಧ್ವನಿ ಎತ್ತಿದ್ದಾರೆ. ಸಿಲಿಕಾನ್ ಸಿಟಿ ಪಬ್ವೊಂದರಲ್ಲಿ ಕನ್ನಡ ಹಾಡುಗಳನ್ನ ಹಾಕದೇ ಬರೀ ಇಂಗ್ಲಿಷ್ ಹಾಡುಗಳನ್ನು ಹಾಕುತ್ತಿದ್ದ ಪಬ್ಗೆ ಹೋಗಿದ್ದ ಕನ್ನಡ ಅಭಿಮಾನಿಗಳು ಕನ್ನಡ ಹಾಡು ಹಾಕುವಂತೆ ಹೇಳಿದ್ದಾರೆ. ಆದರೆ ಆ ಪಬ್ನ ಸಿಬ್ಬಂದಿ ಕನ್ನಡ ಹಾಡು ಹಾಕೋದಿಲ್ಲ ಅಂತಾ ಹೇಳಿದ್ದಾರೆ.
ಗಲಾಟೆ ಹೆಚ್ಚಾಗುತ್ತಿದ್ದಂತೆ ಚಂದನ್ ಶೆಟ್ಟಿ ಹಾಡಿರುವ ಲೇಟೆಸ್ಟ್ ಆಲ್ಬಂ ಸಾಂಗ್ ಹಾಕಿದಾಗ ಅಲ್ಲಿರುವ ಕನ್ನಡಿಗರು ಕುಣಿದು ಕುಪ್ಪಳಿಸಿದ್ದಾರೆ. ಕನ್ನಡ ಹಾಡಿಗೆ ಪಬ್ನಲ್ಲಿ ಬೇಡಿಕೆ ಇದ್ದರೂ ಕನ್ನಡ ಹಾಡು ಹಾಕದೇ ಅನ್ಯಾಯ ಮಾಡುತ್ತಿರುವ ಪಬ್ ವಿರುದ್ಧ ಚಂದನ್ ಶೆಟ್ಟಿ ಧ್ವನಿ ಎತ್ತಿದ್ದಾರೆ.
ಈ ಪಬ್ ಮಾಲೀಕರಿಗೆ ಕುಡಿಯೋದಿಕ್ಕೆ ನೀರು ಬೇಕು, ನಮ್ಮ ಜಾಗ ಬೇಕು ಆದರೆ ನಮ್ಮ ಕನ್ನಡ ಹಾಡುಗಳನ್ನ ಹಾಕದೇ ಇರುವ ಪಬ್ಗಳ ವಿರುದ್ಧ ಧ್ವನಿ ಎತ್ತಬೇಕಾಗಿದೆ ಅಂತಾ ಗಾಯಕ, ಸಂಗೀತ ನಿರ್ದೇಶಕ ಚಂದನ್ ಶೆಟ್ಟಿ ಕನ್ನಡಿಗರಿಗೆ ಕರೆ ನೀಡಿದ್ದಾರೆ.
