ರಾಷ್ಟ್ರಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್ ನಮ್ಮೊಂದಿಗಿಲ್ಲ. ಮಂಗಳವಾರ ಮುಂಜಾನೆ ಬೆಂಗಳೂರಿನ ಅಪೋಲೋ ಆಸ್ಪತ್ರೆಯಲ್ಲಿ ಅವರು ನಿಧನರಾಗಿದ್ದರು. ಇದೀಗ ಅವರ ನೆನಪಲ್ಲಿ ಮಾಜಿ ಪತ್ರಕರ್ತ ಮತ್ತು ನಟ, ಬಿಗ್ಬಾಸ್ ಖ್ಯಾತಿಯ ಚಕ್ರವರ್ತಿ ಚಂದ್ರಚೂಡ್, ಗಿಳಿಯೊಂದನ್ನು ದತ್ತು ಪಡೆದಿದ್ದಾರೆ.
ಸಂಚಾರಿ ವಿಜಯ್ ಮತ್ತು ಚಕ್ರವರ್ತಿ ಚಂದ್ರಚೂಡ್ ಇಬ್ಬರೂ ಹಲವು ವರ್ಷಗಳ ಗೆಳೆಯರು. ಸಾಕಷ್ಟು ಸಮಾಜಮುಖಿ ಕೆಲಸಗಳಲ್ಲಿ ತೊಡಗಿಸಿಕೊಳ್ಳುವುದರ ಜತೆಗೆ, ಮೇಲೊಬ್ಬ ಮಾಯಾವಿ ಎಂಬ ಚಿತ್ರದಲ್ಲೂ ಇಬ್ಬರೂ ಜತೆಯಾಗಿ ನಟಿಸಿದ್ದರು. ಸಂಚಾರಿ ವಿಜಯ್ಗೆ ಗಿಳಿ ಬಹಳ ಇಷ್ಟವಾದ ಪಕ್ಷಿಯಂತೆ. ಹಾಗಾಗಿ ಅವರ ನೆನಪಲ್ಲಿ ಇಂದಿರಾ ಪ್ರಿಯದರ್ಶಿನಿ ಮೃಗಾಲಯದಿಂದ ಗಿಳಿಯೊಂದನ್ನು ದತ್ತು ಪಡೆದಿದ್ದಾರೆ ಚಂದ್ರಚೂಡ್.
ಇದನ್ನೂ ಓದಿ: ಬಿಗ್ಬಾಸ್ ನೋಡುಗರಿಗೆ ಸಿಹಿ ಸುದ್ದಿ: ಮತ್ತೆ ಶುರುವಾಗಲಿದೆ ದೊಡ್ಮನೆ ಆಟ.!?
ಈ ವಿಷಯವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಚಕ್ರವರ್ತಿ ಚಂದ್ರಚೂಡ್, ‘ಸಂಚಾರಿ ವಿಜಯ್ ನಿನಗೆ ಗಿಳಿ ಅಂದ್ರೆ ಇಷ್ಟ. ಅದಕ್ಕೆ ನಿನ್ನ ಹೆಸರಿನಲ್ಲೊಂದು ಗಿಳಿ ತಗೊಂಡಿದ್ದೀನಿ, ನೋಡಿ ಸ್ವಾಮಿ’ ಎಂದು ಹೇಳಿದ್ದಾರೆ.
ಭಾನುವಾರದಿಂದ ಬಿಗ್ ಬಾಸ್ 8ನೇ ಸೀಸನ್ನ ಎರಡನೇಯ ವರ್ಷನ್ ಪ್ರಾರಂಭವಾಗಲಿದ್ದು, ಇದರಲ್ಲಿ ಮತ್ತೆ ಭಾಗವಹಿಸಲು ಚಂದ್ರಚೂಡ್ ತೆರಳಿದ್ದಾರೆ. ಈಗಾಗಲೇ ಅವರು ಕ್ವಾರಂಟೈನ್ನಲ್ಲಿದ್ದು, ಶನಿವಾರ ಮನೆಗೆ ಅಧಿಕೃತವಾಗಿ ಎಂಟ್ರಿ ಕೊಡಲಿದ್ದಾರೆ.
