ಸ್ಯಾಂಡಲ್ವುಡ್ನಲ್ಲಿ ಯುವನಟರ ದರ್ಬಾರ್ ಜೋರಾಗಿದೆ. 'ಬಜಾರ್' ಸಿನಿಮಾ ಮೂಲಕ ಗಾಂಧಿನಗರದಲ್ಲಿ ಭರವಸೆ ಮೂಡಿಸಿದ ಧನ್ವೀರ್, ಈ ಚಿತ್ರದ ಬಳಿಕ ಕಾಣೆಯಾಗಿದ್ದರು. ಕಳೆದ ವರ್ಷದ ಹುಟ್ಟುಹಬ್ಬದಂದು 'ಬಂಪರ್' ಸಿನಿಮಾವನ್ನು ಧನ್ವೀರ್ ಅನೌನ್ಸ್ ಮಾಡಿದ್ದರು. ಈ ವರ್ಷ ಹುಟ್ಟುಹಬ್ಬಕ್ಕೂ ಒಂದು ದಿನ ಮುನ್ನವೇ ಬಂಪರ್ ಟೀಸರ್ ಬಿಡುಗಡೆ ಆಗಿದೆ.
ಈ ಟೀಸರ್ನಲ್ಲಿ ಧನ್ವೀರ್ ಕೈಯ್ಯಲ್ಲಿ ಬಂದೂಕು ಹಿಡಿದು, ಎದುರಾಳಿಗೆ ಶೂಟ್ ಮಾಡುತ್ತಾ ಥೇಟ್ ಬಾಂಡ್ ಹೀರೋ ರೇಂಜ್ನಲ್ಲಿ ನಡೆದು ಬರುತ್ತಾರೆ. ಕಾಲೇಜ್ ಕುಮಾರ್ ಸಿನಿಮಾ ಬಳಿಕ ಬೇಡಿಕೆ ಹೆಚ್ಚಿಸಿಕೊಂಡಿರುವ ನಿರ್ದೇಶಕ ಹರಿ ಸಂತು ಈ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಇದೊಂದು ಆ್ಯಕ್ಷನ್ ಓರಿಯೆಂಟೆಡ್ ಸಿನಿಮಾ ಆಗಿದ್ದು ಧನ್ವೀರ್ನನ್ನು ಮಾಸ್ ಇಮೇಜ್ನಲ್ಲಿ ತೋರಿಸಲು ರೆಡಿಯಾಗಿದ್ದಾರೆ.
ನಿಶಾ ವೆಂಕಟ್ ಹಾಗೂ ಸುಪ್ರೀತ್ ಜೊತೆಯಾಗಿ ಈ 'ಬಂಪರ್' ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಚಿತ್ರಕ್ಕೆ ಅಜನೀಶ್ ಲೋಕನಾಥ್ ಸಂಗೀತವಿದ್ದು ನವೀನ್ ಕುಮಾರ್ ಕ್ಯಾಮರಾ ಕೈ ಚಳಕ ಇದೆ. ಈ ಚಿಕ್ಕ ಟೀಸರ್ಗೆ ಚಿತ್ರತಂಡ ಸುಮಾರು 15 ಲಕ್ಷ ರೂಪಾಯಿ ಖರ್ಚು ಮಾಡಿದೆ ಎನ್ನಲಾಗುತ್ತಿದೆ. ಈ ಚಿತ್ರವನ್ನು ಅದ್ಧೂರಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಚಿತ್ರದ ನಾಯಕಿ ಹಾಗೂ ಉಳಿದ ತಾರಾಗಣದ ಬಗ್ಗೆ ಶೀಘ್ರದಲ್ಲೇ ಚಿತ್ರತಂಡ ಮಾಹಿತಿ ನೀಡಲಿದೆ. ಶೀಘ್ರವೇ ಸಿನಿಮಾ ಚಿತ್ರೀಕರಣ ಆರಂಭವಾಗಲಿದೆ.
