'ಬೆಲ್ ಬಾಟಂ' ತೊಟ್ಟು ಹಾಫ್ ಸೆಂಚೂರಿ ಬಾರಿಸಿದ ಡಿಟೆಕ್ಟಿವ್​ ದಿವಾಕರ್​

ಈ ವರ್ಷದ ಹಿಟ್ ಚಿತ್ರಗಳ ಸಾಲಿಗೆ ಬೆಲ್​ಬಾಟಂ ಸಿನಿಮಾ ಸೇರಿದೆ. ಜಯತೀರ್ಥ ನಿರ್ದೇಶನ, ರಿಷಭ್ ಶೆಟ್ಟಿ, ಹರಿಪ್ರಿಯಾ ಅದ್ಭುತ ಅಭಿನಯ, ಅಜನೀಶ್ ಲೋಕನಾಥ್ ಸುಮಧುರ ಸಂಗೀತ ಸಿನಿಮಾ ಗೆಲುವಿಗೆ ಕಾರಣವಾಗಿದೆ.

ರಿಷಭ್ ಶೆಟ್ಟಿ ನಟನೆಯ 'ಬೆಲ್ ಬಾಟಂ' ಸಿನಿಮಾ ಯಶಸ್ವಿಯಾಗಿ 50 ದಿನ ಪೂರೈಸಿದೆ. ಇದೇ ಫೆಬ್ರವರಿಯಲ್ಲಿ ತೆರೆಕಂಡಿದ್ದ ಈ ಸಿನಿಮಾ ಅಮೋಘವಾಗಿ ಪ್ರದರ್ಶನ ಕಂಡು ಹಾಫ್ ಸೆಂಚೂರಿ ಬಾರಿಸಿದೆ.

ಈ ಸಂತಸವನ್ನು ಚಿತ್ರತಂಡ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದೆ. 80ರ ದಶಕದ ರೆಟ್ರೊ ಸ್ಟೈಲಲ್ಲಿ ಮೂಡಿ ಬಂದಿರುವ 'ಬೆಲ್ ಬಾಟಂ' ಪ್ರೇಕ್ಷಕರನ್ನು ರಂಜಿಸುವಲ್ಲಿ ಯಶಸ್ವಿಯಾಗಿದೆ. ಅಲ್ಲದೆ ಚಿತ್ರದಲ್ಲಿ ಡಿಟೆಕ್ಟಿವ್ ದಿವಾಕರನ ಪಾತ್ರ ಸಿನಿ ರಸಿಕರಿಗೆ ಇಷ್ಟವಾಗಿದೆ. ಈ ಚಿತ್ರದ ಮೂಲಕ ರಿಷಭ್ ಶೆಟ್ಟಿ ಫುಲ್ ಫ್ಲೆಡ್ಜ್​ ನಟನಾಗಿ, ಈಗ ಹಲವು ಚಿತ್ರಗಳಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ಕುಸುಮ ಪಾತ್ರದ ಮೂಲಕ ನಟಿ ಹರಿಪ್ರಿಯಾ ಕೂಡ ನೋಡುಗರ ಮನಗೆದ್ದಿದ್ದಾರೆ.

ಇನ್ನು 'ಬೆಲ್ ಬಾಟಂ' ಚಿತ್ರ ತಮಿಳು, ತೆಲುಗು, ಹಿಂದಿಯಲ್ಲಿ ರಿಮೇಕ್ ಆಗ್ತಿದ್ದು ನಿರ್ದೇಶಕ ಜಯತೀರ್ಥ ಅವರಿಗೆ ಒಳ್ಳೆ ಬ್ರೇಕ್ ಕೊಟ್ಟಿದೆ.