ಅಮೆಜಾನ್ ಪ್ರೈಮ್ನಲ್ಲಿ ತೆರೆ ಕಾಣಬೇಕಿದ್ದ ವೆಬ್ ಸೀರಿಸ್ 'ಫ್ಯಾಮಿಲಿ ಮ್ಯಾನ್ 2' ಮುಂದೂಡಲಾಗಿದೆ ಎಂದು ನಿರ್ದೇಶಕರದ ರಾಜ್ ನಿದಿಮೋರ್ ಮತ್ತು ಕೃಷ್ಣ ಡಿ.ಕೆ. ತಿಳಿಸಿದ್ದಾರೆ. ಈ ಹಿಂದೆ ಫ್ಯಾಮಿಲಿ ಮ್ಯಾನ್ 2 ವೆಬ್ ಸರಣಿಯನ್ನು ಇದೇ ಫೆ. 12ಕ್ಕೆ ರಿಲೀಸ್ ಮಾಡುವುದಾಗಿ ಹೇಳಲಾಗಿತ್ತು.
ಇದೀಗ ಮುಂದೂಡಿಕೆಯಾಗಿರುವ ವಿಷಯವನ್ನು ನಿರ್ದೇಶಕರು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ಈ ಬಗ್ಗೆ ಬರೆದಿರುವ ವೆಬ್ ಸಿರೀಸ್ ತಂಡ, ನೀವೆಲ್ಲರೂ ಈ ಸರಣಿಗಾಗಿ ಎಷ್ಟು ಕಾಯುತ್ತಿದ್ದೀರಿ ಎಂಬುದು ನಮಗೆ ಗೊತ್ತು. ನಿಮ್ಮ ಪ್ರೀತಿ ಮತ್ತು ಹಾರೈಕೆಗಾಗಿ ನಾವು ಯಾವಾಗಲೂ ರುಣಿಯಾಗಿರುತ್ತೇವೆ. ಇಂದು ನಾವು ಹೊಸ ಅಪ್ಡೇಟ್ ನೀಡುತ್ತಿದ್ದು, ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ತೆರೆ ಕಾಣಬೇಕಿದ್ದ ಫ್ಯಾಮಿಲಿ ಮ್ಯಾನ್ 2 ವೆಬ್ ಸರಣಿಯನ್ನು ಬೇಸಿಗೆಗೆ ರಿಲೀಸ್ ಮಾಡಲಾಗುತ್ತಿದೆ. ನಿಮಗೆ ಒಳ್ಳೆಯ ಖುಷಿ ನೀಡುವ ಉದ್ದೇಶದಿಂದ ನಮ್ಮ ತಂಡ ಫ್ಯಾಮಿಲಿ ಮ್ಯಾನ್ 2ಗಾಗಿ ತಂಬಾ ಕಷ್ಟ ಪಟ್ಟು ಕೆಲಸ ಮಾಡುತ್ತಿದೆ ಎಂದು ಬರೆದಿದೆ.
ಇನ್ನು ಫ್ಯಾಮಿಲಿ ಮ್ಯಾನ್ ಮೊದಲ ಸರಣಿ ಹೆಚ್ಚು ಜನಪ್ರಿಯತೆ ಗಳಿಸಿದ್ದು, ಅಭಿಮಾನಿಗಳನ್ನೂ ಗಳಿಸಿದೆ. ಈಗ ಸಿದ್ಧವಾಗುತ್ತಿರುವ ಫ್ಯಾಮಿಲಿ ಮ್ಯಾನ್ 2ನಲ್ಲಿ ಮನೀಜ್ ಬಜಪೇಯಿ, ಸಮಂತಾ ಅಕ್ಕಿನೇನಿ, ಪ್ರಯಿಯಮಣಿ, ಶರಿಬ್ ಹಶ್ಮಿ, ಸೀಮ ಸೇರಿದಂತೆ ಹಲವಾರು ಕಾಲವಿದರು ನಟಿಸಿದ್ದಾರೆ.
