ಬಾಲಿವುಡ್ನಲ್ಲಿ ಭಾರಿ ಸೌಂಡ್ ಮಾಡಿದ್ದ ಧೂಮ್ ಚಿತ್ರದ ಬಗ್ಗೆ ಹೊಸದಾಗಿ ಕೇಳಬೇಕಿಲ್ಲ. ಭರ್ಜರಿ ಆ್ಯಕ್ಷನ್, ಮೈನವಿರೇಳಿಸುವ ಬೈಕ್ ಚೇಸಿಂಗ್ ದೃಶ್ಯಗಳಿಂದಾಗಿ ಆ ಸಿನಿಮಾ ಪ್ರೇಕ್ಷಕರ ಮನ ಗೆದ್ದಿತ್ತು. ಇದೀಗ ಕನ್ನಡದಲ್ಲೂ ಧೂಮ್ ಅಗೇನ್ ಎಂಬ ಶಿರ್ಷಿಕೆಯಡಿ ಸಿನಿಮಾ ಬರ್ತಾ ಇದೆ. ಮುಖ್ಯಭೂಮಿಕೆಯಲ್ಲಿ ಮಾಜಿ ಕ್ರಿಕೆಟಿಗ ಶ್ರೀಶಾಂತ್ ನಟಿಸುತ್ತಿದ್ದಾರೆ. ಅವರಿಗೆ ಜೋಡಿಯಾಗಿ ಅಂತಾರಾಷ್ಟ್ರೀಯ ಮಾಡೆಲ್ ಜನಿರಾ ಅಭಿನಯಿಸುತ್ತಿದ್ದು, ಇದು ಅವರ ಮೊದಲ ಸಿನಿಮಾ ಆಗಲಿದೆ.
ಈ ಚಿತ್ರದಲ್ಲಿ ನಾಲ್ವರು ಬೈಕ್ ರೇಸರ್ಗಳ ಕಥೆ ಇರಲಿದೆ. ಹೀಗಾಗಿ ಖಾಸಗಿ ಹೋಟೆಲ್ನಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್, ಧೂಮ್ ಚಿತ್ರದ ಟೀಸರ್ ನ್ನ ಲಾಂಚ್ ಮಾಡಿದ್ರು. ಆದ್ರೆ ಈ ಸಿನಿಮಾದ ನಾಯಕರರು ಸೂಪರ್ ಬೈಕ್ ಮೂಲಕ ಸ್ಟೇಜ್ ಮೇಲೆ ಎಂಟ್ರಿ ಕೊಟ್ಟಿದ್ದು ನೋಡುಗರ ಗಮನ ಸೆಳೆಯಿತು.
ಇದ್ರ ಜೊತೆಗೆ ಫಿಲ್ಮ್ ಚೇಂಬರ್ ಅಧ್ಯಕ್ಷ ಜಯರಾಜ್, ಆಸ್ಕರ್ ಪ್ರಶಸ್ತಿ ವಿಜೇತ ಬಿರೇನ್ ಘೋಷ್ ಸೇರಿದಂತೆ ಸಾಕಷ್ಟು ಗಣ್ಯರ ಸಮ್ಮುಖದಲ್ಲಿ ಧೂಮ್ ಅಗೇನ್ ಟೀಸರ್ ಬಿಡುಗಡೆ ಮಾಡಲಾಯಿತು.
ಈ ಚಿತ್ರದಲ್ಲಿ ನಾಲ್ಕು ಜನ ಯುವ ಪ್ರತಿಭೆಗಳಾದ ಪ್ರವೀರ್ ಶೆಟ್ಟಿ, ಅರ್ಜುನ್ ಶೆಟ್ಟಿ, ವಾಸು ಹಾಗು ಮತ್ತೋರ್ವ ಬೈಕ್ ರೈಡರ್ ಈ ಚಿತ್ರದಲ್ಲಿ ವಿಭಿನ್ನ ಪಾತ್ರಗಳಾಗಿ ಕಾಣಿಸಿಕೊಂಡಿದ್ದಾರೆ. ಧೂಮ್ ಚಿತ್ರದಲ್ಲಿ ಅಭಿಷೇಕ್ ಬಚ್ಚನ್ ನಿಭಾಯಿಸಿದಂತಹ ಪಾತ್ರವನ್ನ ಕ್ರಿಕೆಟ್ ಪ್ಲೇಯರ್ ಶ್ರೀಶಾಂತ್ ನಿರ್ವಹಿಸಲಿದ್ದಾರೆ. ಸಾಕಷ್ಟು ನಿರ್ದೇಶಕರ ಜೊತೆ ಸಹ ನಿರ್ದೇಶಕನಾಗಿ ಕೆಲಸ ಮಾಡಿರುವ ನಿರ್ದೇಶಕ ರಾಜೇಶ್ ವರ್ವ ಈ ಚಿತ್ರಕ್ಕೆ ಆ್ಯಕ್ಷನ್-ಕಟ್ ಹೇಳಲಿದ್ದಾರೆ.
ಹಿಂದಿ ಅವತರಣಿಕೆಯ ಕೆಲವು ದೃಶ್ಯಗಳಿಗೆ ಈಗಾಗಲೇ ಚಿತ್ರೀಕರಣ ಮಾಡಲಾಗಿದೆ. ಇನ್ನುಳಿದ ಭಾಷೆಗಳಲ್ಲಿ ಶೀಘ್ರದಲ್ಲೇ ಶೂಟಿಂಗ್ ಆರಂಭಿಸಲು ಚಿತ್ರತಂಡ ಪ್ಲಾನ್ ಮಾಡಿದೆ. ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿಯಲ್ಲೂ ಈ ಸಿನಿಮಾ ಮೂಡಿ ಬರಲಿದೆ. ಶ್ರೀಶಾಂತ್ಗೆ ಜೋಡಿಯಾಗಿ ಸ್ಪೇನ್ ಬೆಡಗಿ ಜನಿರಾ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನ ಸುಜಿತ್ ಶೆಟ್ಟಿ ನಿರ್ಮಾಣ ಮಾಡುತ್ತಿದ್ದು, ಈ ವರ್ಷದ ಅಂತ್ಯದಲ್ಲಿ ಧೂಮ್ ಅಗೇನ್ ಚಿತ್ರ ತೆರೆಗೆ ಬರಲಿದೆ.
