ಬಾಡಿ ಫಿಟ್ನೆಸ್ ವಿಚಾರದಲ್ಲಿ ಟಾಲಿವುಡ್ ನಟಿ ಸಮಂತಾ ತುಂಬಾ ಕಟ್ಟುನಿಟ್ಟು. ತಮ್ಮ ದೇಹಸಿರಿಯನ್ನು ಅಚ್ಚುಕಟ್ಟಾಗಿ ರೂಪಿಸಿಕೊಳ್ಳುವಲ್ಲಿ ಸ್ಯಾಮ್ ತುಂಬಾ ಕೇರ್ ತೆಗೆದುಕೊಳ್ಳುತ್ತಾರೆ.
ಮದುವೆ ನಂತರವೂ ಅಷ್ಟೇ ಫಿಟ್ ಆ್ಯಂಡ್ ಬ್ಯೂಟಿಫುಲ್ ಆಗಿರೋ ದೇಹ ಹೊಂದಿರುವ ಸಮಂತಾ ಅಕ್ಕಿನೇನಿ, ಇದಕ್ಕಾಗಿ ಪ್ರತಿನಿತ್ಯ ಜಿಮ್ನಲ್ಲಿ ಸಖತ್ ವರ್ಕೌಟ್ ಮಾಡುತ್ತಾರೆ. ನಿತ್ಯ ಎರಡು-ಮೂರು ಗಂಟೆಗಳ ಕಾಲ ಜಿಮ್ನಲ್ಲಿ ಬೆವರು ಸುರಿಸುವ ಈ ನಟಿ ಕೆಲವೊಂದು ಕಠಿಣ ವ್ಯಾಯಾಮಗಳನ್ನು ಮಾಡುತ್ತಾರೆ. ಸದ್ಯ ತಮ್ಮ ವರ್ಕೌಟ್ ವಿಡಿಯೋವೊಂದನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಟಾಲಿವುಡ್ ಟಾಪ್ ನಟಿ ಸಮಂತಾ ಹೊಸ ವರ್ಕೌಟ್ ಮಾಡಿದ್ದಾರೆ. ಕೇವಲ ಕೈಗಳ ಸಹಾಯದಿಂದ ಕಬ್ಬಿಣದ ಕಂಬ ಏರಿದ್ದಾರೆ. ತೋಳುಗಳು ಬಲಿಷ್ಠವಾಗಿದ್ದಾಗ ಮಾತ್ರ ಈ ವರ್ಕೌಟ್ ಸಾಧ್ಯವಾಗುತ್ತೆ. ಅದನ್ನು ಸಮಂತಾ ಮಾಡಿ ಮುಗಿಸಿದ್ದಾರೆ. ಈ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಅವರು, ಹೊಸದನ್ನು ಪ್ರಯತ್ನಿಸುವಾಗ ಯಾವತ್ತೂ ಹೆದರಬಾರದು. ನಿಮ್ಮ ಸಾಮರ್ಥ್ಯ ನೋಡಿ ನೀವೇ ಅಚ್ಚರಿ ಪಡುತ್ತೀರಿ ಎಂದು ಬರೆದುಕೊಂಡಿದ್ದಾರೆ.
ಇನ್ನು ಸಮಂತಾ ಅವರ ಈ ವರ್ಕೌಟ್ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಸಮಂತಾಳ ಸಾಮರ್ಥ್ಯಕ್ಕೆ ಎಲ್ಲರೂ ಫಿದಾ ಆಗುತ್ತಿದ್ದಾರೆ.
