ಅಂಬಿ ಕೊನೆಯಾಸೆ ಈಡೇರಿಸಲಿಲ್ಲ : ಅಪ್ಪಾಜಿ ನೆನೆದು ಭಾವುಕರಾದ ಸಾರಥಿ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ದಿವಂಗತ ಅಂಬಿ ಅವರದು ಅಪ್ಪ-ಮಗನ ಸಂಬಂಧ. ದಚ್ಚು ಪ್ರೀತಿಯಿಂದ ಅಪ್ಪಾಜಿ ಅಂತೆಲೇ ಅಂಬರೀಶ್ ಅವರನ್ನು ಕರೆಯುತ್ತಿದ್ದರು.

ಕಳೆದ ಕೆಲ ತಿಂಗಳಹಿಂದೆ ಅಗಲಿದ ಅಂಬಿ ಅವರನ್ನು ದರ್ಶನ್​ ನೆನಪಿಸಿಕೊಂಡಿದ್ದಾರೆ. ನಿನ್ನೆ ನಡೆದ ಯಜಮಾನ ಚಿತ್ರದ ಮಾಧ್ಯಮಗೋಷ್ಟಿಯಲ್ಲಿ ಅಂಬರೀಶ್ ಅವರ ಕೊನೆ ಆಸೆ ಈಡೇರಿಸಲು ಸಾಧ್ಯವಾಗಲಿಲ್ಲ ಎಂದು ದಚ್ಚು ನೋವು ತೋಡಿಕೊಂಡ್ರು.

ದರ್ಶನ್ ಯಜಮಾನ ಚಿತ್ರದ ಸಾಂಗ್ ಶೂಟಿಂಗ್​​ಗೆ ಸ್ವೀಡನ್​​ ಹೋಗುವ ಮುನ್ನ ಅಂಬರೀಶ್ ಅವರಿಗೆ ಕಾಲ್ ಮಾಡಿ, ಅಪ್ಪಾಜಿ ನಿಮಗೆ ಏನು ತರಲಿ ಎಂದು ಕೇಳಿದ್ದರಂತೆ.

ಒಂದು ವಾಚ್ ತೆಗೆದುಕೊಂಡು ಬರುವಂತೆ ಅಂಬಿ ಉತ್ತರಿಸಿದ್ದರಂತೆ. ಆದರೆ, ಶೂಟಿಂಗ್ ಮುಗಿದ ಬಳಿಕ ಸ್ವೀಡನ್ ಬದಲಿಗೆ ಬೆಂಗಳೂರಿನಲ್ಲಿಯೇ ನೀವು ತೋರಿಸಿದ ವಾಚ್​ ಕೊಡಿಸುವುದಾಗಿ ದರ್ಶನ್ ವಿದೇಶಕ್ಕೆ ತೆರಳಿದ್ರಂತೆ. ಈ ಸಂಭಾಷಣೆ ನೆನೆದ ದಚ್ಚು, ವಿಧಿಯಾಟ ಬೇರೆಯಾಗಿತ್ತು ಎಂದು ಒಂದು ಕ್ಷಣ ಅಂಬಿಯನ್ನು ನೆನೆದು ಭಾವುಕರಾದರು.

ದಿವಂಗತ ರೆಬೆಲ್ ಸ್ಟಾರ್ ಅಂಬರೀಶ್​