ಹೈದರಾಬಾದ್(ತೆಲಂಗಾಣ): ಇತ್ತೀಚೆಗಷ್ಟೇ ವಿವಾಹವಾಗಿ ರಿಯಲ್ ಜೋಡಿಯಾಗಿರುವ ಬಾಲಿವುಡ್ ನಟ ವಿಕ್ಕಿ ಕೌಶಲ್ ಮತ್ತು ನಟಿ ಕತ್ರಿನಾ ಕೈಫ್ ತೆರೆಯ ಮೇಲೂ ಜೋಡಿಯಾಗಿ ಅಭಿಮಾನಿಗಳ ಮೋಡಿ ಮಾಡಲಿದ್ದಾರೆ. ನಟ ಫರ್ಹಾನ್ ಅಕ್ತರ್ ನಿರ್ದೇಶಿಸಲಿರುವ 'ಜೀ ಲೆ ಜರಾ' ಸಿನಿಮಾದಲ್ಲಿ ಕತ್ರಿನಾಗೆ, ವಿಕ್ಕಿ ಕೌಶಲ್ ನಾಯಕನಾಗಿ ನಟಿಸುವ ಸಾಧ್ಯತೆ ಇದೆ.
ಸಿನಿಮಾ ತಂಡವೂ ಕೂಡ ಈ ಬಗ್ಗೆ ವಿಕ್ಕಿಯನ್ನು ಕೇಳಿಕೊಂಡಿದೆ. ವಿಕ್ಕಿ ಕೌಶಲ್ ಇದಕ್ಕೆ ಸಮ್ಮತಿ ನೀಡಿದರೆ ಪತ್ನಿ ಕತ್ರಿನಾ ಜೊತೆ ಮಾಡಲಿರುವ ಮೊದಲ ಸಿನಿಮಾ ಇದಾಗಲಿದೆ. ಈಗಾಗಲೇ ಜೀ ಲೇ ಜರಾ ಸಿನಿಮಾದಲ್ಲಿ ಆಲಿಯಾ ಭಟ್, ಪ್ರಿಯಾಂಕಾ ಛೋಪ್ರಾ, ಕತ್ರಿನಾ ಕೈಫ್ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.
ಈ ಸಿನಿಮಾದಲ್ಲಿ ಕತ್ರಿನಾ ಕೈಫ್ಗೆ ಜೋಡಿಯಾಗಿ ಬೇರೆ ನಾಯಕರ ಬದಲಾಗಿ ಪತಿ ವಿಕ್ಕಿ ಕೌಶಲ್ರನ್ನೇ ತರಬೇಕು ಎಂಬುದು ನಿರ್ದೇಶಕ ಫರ್ಹಾನ್ ಅಖ್ತರ್ ಪ್ಲಾನ್ ಆಗಿದೆ. ಇದು ಸಾಧ್ಯವಾದಲ್ಲಿ ವಿಕ್ಯಾಟ್ ಜೋಡಿ ತೆರೆಯ ಮೇಲೂ ಅಭಿಮಾನಿಗಳನ್ನು ರಂಜಿಸಲಿದ್ದಾರೆ.
ಇನ್ನು ಜೀ ಲೆ ಜರಾ ಸಿನಿಮಾ ರೋಡ್ ಟ್ರಿಪ್ ಸಿನಿಮಾಗಳಾದ ದಿಲ್ ಚಾಹ್ತಾ ಹೈ, ಜಿಂದಗಿ ನಾ ಮಿಲೇಂಗಿ ದುಬಾರಾ ರೀತಿಯ ಕಥಾನಕವನ್ನು ಒಳಗೊಂಡಿದ್ದು, ಮುಂದಿನ ವರ್ಷ ತೆರೆಕಾಣಲಿದೆ.
ಇದನ್ನೂ ಓದಿ: ಗರ್ಭಿಣಿ ಆಗಿದ್ದ ಸಮಯದ ಅನುಭವ ಹಂಚಿಕೊಂಡ ನಟಿ ದಿಯಾ ಮಿರ್ಜಾ!
